31-Jul-2024

(ରାମନାଥ ପଣ୍ଡା )
 ନୂଆପଡ଼ା ଜିଲ୍ଲା  ପୋଲିସ ବିଭାଗରେ କାର୍ଯ୍ୟ ଜୀବନ ଶେଷ କରି ଅବସର ନେବାପରେ ପୋଲିସ ବିଭାଗ ପକ୍ଷରୁ ଅବସରପ୍ରାପ୍ତ ପୋଲିସ ଅଧିକାରୀ ହାନିଫ୍ ଖାନଙ୍କୁ ସମ୍ବର୍ଦ୍ଧନା ଦିଆଯାଇଛି। ହାନିଫ ଖାନଙ୍କ ପ୍ରତିଟି ଅବଦାନ ପୋଲିସ କର୍ମଚାରୀଙ୍କୁ ପ୍ରେରଣା ଯୋଗାଇବା ସହ ପୋଲିସ ପାଇଁ ସେ ଚିର ସ୍ମରଣୀୟ ବୋଲି ଏସପି ଜି ଆର ରାଘବେନ୍ଦ୍ର ସମ୍ବର୍ଦ୍ଧନା ସଭାରେ ପ୍ରକାଶ କରିଛନ୍ତି। ପୋଲିସ ସିପାହୀ ରୂପେ କାର୍ଯ୍ୟରେ ଯୋଗଦାନ କରି ଏ ଏସ ଆଇ ଭାବରେ ହାନିଫ ଖାନ କାର୍ଯ୍ୟରୁ ଅବସର ଗ୍ରହଣ କରିଛନ୍ତି। କାର୍ଯ୍ୟ ଦକ୍ଷତା ଯୋଗୁଁ  କୋର୍ଟ ପରିସର ମଧ୍ୟରେ ପୋଲିସ ଦାୟିତ୍ବ ନିର୍ବାହ କରିଛନ୍ତି। ସମ୍ବର୍ଦ୍ଧନା ସଭାରେ ଏ ଏସ ପି ଇନ୍ଦ୍ରମଣି ବେହେରା ଏବଂ ବରିଷ୍ଠ ପୋଲିସ ଅଧିକାରୀମାନେ ଯୋଗ ଦେଇ ତାଙ୍କ ଅବଦାନ ଉପରେ ଆଲୋକପାତ କରିଥିଲେ।ବାସ୍ତବରେ  ଶ୍ରୀଯୁକ୍ତ ଖାନଙ୍କ କର୍ମକ୍ଷେତ୍ରରୁ  ଏହି ଅବସର ଗ୍ରହଣ ବା ବିଦାୟ ତାଙ୍କ ଜୀବନରେ ବିଦାୟ ନୁହେଁ ବରଂ ବିଜୟ ଯାତ୍ରା କହିଲେ ମଧ୍ୟ ଅତ୍ୟୁକ୍ତି ହେବ ନାହିଁ ।