31-Jul-2024

ନୂଆପଡା  (ରାମନାଥ ପଣ୍ଡା )
ଉଭୟ ନୂଆପଡ଼ା ଓ ବଲାଙ୍ଗୀର ଜିଲ୍ଲାପାଳ ତଥା ଉଚ୍ଚ ସ୍ତରୀୟ ଅଧିକାରୀଙ୍କ ପରାମର୍ଶ ଓ ନିର୍ଦ୍ଦେଶକ୍ରମେ ଆଜି ନୂଆପଡ଼ା ଜିଲ୍ଲା ଖଡିଆଳ ବ୍ଲକ ଅନ୍ତର୍ଗତ ତିଖାଲି ଲୋୟର ଇନ୍ଦ୍ର ଜଳ ସେଚନ ପ୍ରକଳ୍ପରୁ ୩ ଓ ୬ ନମ୍ବର ଗେଟ ଖୋଲି ପ୍ରଥମ ବନ୍ୟା ଜଳ ନିଷ୍କାସନ  କରାଯାଇଛି । ଲୋୟର ଇନ୍ଦ୍ର ଜଳ ସେଚନ ପ୍ରକଳ୍ପ ମୁଖ୍ୟ ନିର୍ମାଣ ଯନ୍ତ୍ରୀ ସଂଜୀବ ଜ୍ଞାନ ଭତ୍ରା, ନୂଆପଡ଼ା ଉପଜିଲ୍ଲାପାଳ ଯୋଗେନ୍ଦ୍ର ମାଝୀ, ଅଧିକ୍ଷଣ ଯନ୍ତ୍ରୀ ସୌମ୍ୟ ରଞ୍ଜନ ଜୟପୁରିଆ, ଖଡିଆଳ ବିଡ଼ିଓ ବିରସେନ ବେହେରା,ଲୋୟର ଇନ୍ଦ୍ର ଜଳସେଚନ ପ୍ରକଳ୍ପ ଖଡ଼ିଆଳ ମାଁ ଗାୟତ୍ରୀ ଜଳ ଆବଣ୍ଟନ କମିଟି ସଭାପତି ଶ୍ରୀରାମ ସମେନ୍ଦ୍ର ସିଂହ, ସମ୍ପାଦକ ସୁଶାନ୍ତ କୁମାର ବିଶିଙ୍କ ସମେତ ଏହି ପ୍ରକଳ୍ପରେ କାର୍ଯ୍ୟରତ ଅନ୍ୟାନ୍ୟ କର୍ମଚାରୀ ଆଜିକାର କାର୍ଯ୍ୟକ୍ରମରେ ଉପସ୍ଥିତ ଥିଲେ। ବିଭାଗୀୟ ଅଧିକାରୀଙ୍କ ସୂଚନା  ଅନୁଯାୟୀ ଡ୍ୟାମର କ୍ଷମତାକୁ ଆଖି ଆଗରେ ରଖି  ଅନାବଶ୍ୟକ ପାଣିକୁ ନିଷ୍କାସନ କରାଯାଉଛି ।ଅଧିକାରୀ ଡ୍ୟାମରୁ ପ୍ରତି ସେକେଣ୍ଡରେ ୯୮ କ୍ୟୁବିକ ସେଟ୍ ଜଳ ନିଷ୍କାସିତ ହେଉଥିବା ସୂଚନା ପ୍ରଦାନ କରିଛନ୍ତି ।