31-Jul-2024

କେନ୍ଦ୍ରାପଡ଼ା(ପ୍ରେରଣା ଖବର)  lଉତ୍କଳ ଗ୍ରାମ୍ୟ ସ୍ବରାଜ କଟକ ପକ୍ଷରୁ କେନ୍ଦ୍ରାପଡ଼ା ମାର୍ଶାଘାଇ ବ୍ଳକ ସ୍ଥିତ ଜନଶକ୍ତି ସରକାରୀ ଉଚ୍ଚ ବିଦ୍ୟାଳୟ ଠାରେ ଭାରତ ରତ୍ନ ପୂର୍ବତନ ରାଷ୍ଟ୍ରପତି ଡକ୍ଟର ଏ ପି ଜେ ଅବଦୁଲ କକଲାମlଙ୍କ ମହାପ୍ରୟାଣ ଦିବସ ପାଳିତ ହୋଇଯାଇଛି। ପ୍ରଥମେ ବିଦ୍ୟାଳୟ ପରିସରରେ ଥିବା କଲାମ ଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରାଯାଇ ଶ୍ରଦ୍ଧାସୁମନ ଅର୍ପଣ କରାଯାଇଥିଲl ସ୍କୁଲର ପ୍ରଧାନ ଶିକ୍ଷକ ନିରଞ୍ଜନ ମହାରଣା ଙ୍କ ସଭାପତିତ୍ୟରେ ମୂଖ୍ୟ ଅତିଥି ଭାବେ କଳିଙ୍ଗ ରତ୍ନ ବ୍ରହ୍ମl ମହାନ୍ତି, ସମ୍ମାନିତ ଅତିଥି ଭାବେ ଉତ୍କଳ ସାହିତ୍ୟ ସମାଜର ସଂଗଠନ ସମ୍ପାଦକ ଡ. ସୁନlମଣି ରାଉତ, ଅଧ୍ୟାପିକା ନାଟ୍ୟକାର ଡ. ବୈଜୟନ୍ତୀ ମିଶ୍ର, ସାହିତ୍ୟିକl ସ୍ତମ୍ଭକାର ମୀରା ବେଉରା, ଅଧ୍ୟାପିକା ଡ. ବସନ୍ତ କୁମାରୀ ନନ୍ଦ, ଅଧ୍ୟାପିକା ଶୋଭାବତୀ ସେନାପତି ଆଇନଜୀବୀ ସଂଯୋଗ କୁମାର  ସାମନ୍ତରାୟ, ସମାଜସେବୀ ଶିଶିର କୁମାର ପରିଡା ପ୍ରମୁଖ ଯୋଗଡେଇ ମିଶାଇଲ ମ୍ୟାନ୍ କଲାମଙ୍କର ରାଷ୍ଟ୍ର ପ୍ରତି ଯେଉଁ ଭଳି ଭାବେ ସମର୍ପିତ ଜୀବନ ଥିଲା ତାହା ନିଶ୍ଚିତ ସର୍ବଦା ଅବିସ୍ମରଣୟ ହୋଇ ରହିବ । ତାଙ୍କ ତ୍ୟାଗ, ବଳିଦାନକୁ ସମ୍ମାନ ଜଣାଇ ଯଦି ଆଜିର ଯୁବପିଢି  ଦୃଢ଼ ସଂକଳ୍ପ ହୋଇ ଓ ନିତିନିଷ୍ଠ ହୋଇ ନିର୍ଭିକ ଭାବେ ଦେଶମାତୃକା ପାଇଁ ସମର୍ପିତ ମନୋଭାବ ନେଇ କାର୍ଯ କରିଚlଲିବେ ତେବେ ତାହାହିଁ ହେବ ତାଙ୍କ ପ୍ରତି ଆମର ପ୍ରକୃତ ଶ୍ରଦ୍ଧାଂଜଳି।। ଏହା  ସମସ୍ତ ଅତିଥି ମାନେ ତାଙ୍କ ବକ୍ତବ୍ୟରେ କହିଥିଲେ। ଏହି ପୁଣ୍ୟ ଦିବସ ଉପଲକ୍ଷେ ସ୍କୁଲ୍ ପ୍ରାଙ୍ଗଣରେ ବିଭିନ୍ନ ପ୍ରକାର ଫଳ ଫୁଲ ଗଛ ଅତିଥି ମାନଙ୍କ ଦ୍ଵାରା ରୋପଣ କରlଯାଇଥିଲା । ସ୍କୁଲ୍ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ର ଛାତ୍ରୀ ମାନେ ଏହି କାର୍ଯକ୍ରମ ରେ ଉପସ୍ଥିତ ହୋଇ  କଲାମଙ୍କ ଉଦ୍ଧେଶ୍ୟରେ ଶ୍ରଦ୍ଧାସୁମନ ଜଣାଇଥିଲେ ।