23-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ବ୍ଲକ ପଲସାଗୋରା ପଞ୍ଚାୟତ ଅନ୍ତର୍ଗତ ଦପଲା ଗ୍ରାମରେ ଗତ ରବିବାର ସନ୍ଧ୍ୟାରେ ଜଣେ ବିବାହିତ ମହିଳା ଶୌଚାଳୟରେ ଆତ୍ମହତ୍ୟା କରିଥିବା ଜଣାପଡିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି  l  ସୂଚନା ଅନୁସାରେ, ଦପଲା ଗ୍ରାମର ଦୈତାରି ରଣାଙ୍କ ଝିଅ  ଲଳିତା ରଣା (୨୮)ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ପାର୍ବତୀପୁର ଗ୍ରାମର ତରଣି ରଣାଙ୍କୁ ୧୦ବର୍ଷ ତଳେ ରୀତିନୀତି ଅନୁଯାୟୀ ବିବାହ କରିଥିଲେ ।ବର୍ତ୍ତମାନ ତାଙ୍କର ଏକ ପୁତ୍ର ସନ୍ତାନ ମଧ୍ୟ ଅଛି ।କୌଣସି କାରଣରୁ ୧୫ ଦିନ ହେବ ଲଳିତା ନିଜ ଶାଶୁ ଘରୁ ଚାଲି ଆସି ନିଜ ବାପା ଘର ଦପଲାରେ ରହୁଥିଲେ ।ଗତ ରବିବାର ସନ୍ଧ୍ୟାରେ ଘର ଲୋକଙ୍କୁ ଶୌଚାଳୟକୁ ଯାଉଛି କହି ଏକ ରଶି ସାହାଯ୍ୟରେ ଆତ୍ମହତ୍ୟା କରିଦେଇଥିଲେ । କିଆଫୁଲ ସୌଚାଳୟରୁ କିଛି  ସମୟ  ନ ଆସିବାରୁ ପରିବାର ଲୋକେ ଯାଇ ଦେଖିଲା ବେଳକୁ ଲଳିତା ଆତ୍ମହତ୍ୟା କରିଥିବା ଜାଣିବାକୁ ପାଇଥିଲେ ।ସଙ୍ଗେ ସଙ୍ଗେ ପରିବାର ଲୋକେ ମନମୁଣ୍ଡା ପୋଲିସକୁ ଖବର ଦେଇଥିଲେ ।ଖବର ପାଇ ମନମୁଣ୍ଡା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ମନମୁଣ୍ଡା ପଠାଇଥିବା ଜଣାପଡିଛି ।କୌଣସି ପାରିବାରିକ କାରଣରୁ ଲଳିତା ଆତ୍ମହତ୍ୟା କରିଥାଇପାରେ ବୋଲି ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଥିବା ମନମୁଣ୍ଡା ଥାନାଧିକାରି ରମକୁମାର ମୁର୍ମୁ ସୂଚନା ଦେଇଛନ୍ତି।