14-Jul-2024

ବୌଦ୍ଧ(ଜୟାନନ୍ଦ ମିଶ୍ର ): ନବଦିନ ବ୍ୟାପୀ ଗୁଣ୍ଡିଚା ଯାତ୍ରାର ସପ୍ତମ ଦିବସରେ  ବୌଦ୍ଧ ସହରସ୍ଥ ମାଉସୀ ମା ମନ୍ଦିରର ଆଡ଼ପ ମଣ୍ଡପରେ ପ୍ରଭୂ ନିଳlଦ୍ରୀଶ ଓ ପ୍ରଭୁ ହଳlୟୁଧ କlଳୀୟ ଦଳନ ଓ ବନପୁଷ୍ପ ଦୋଳିରେ ଝୁଲଣ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି l ଜଗତର ସ୍ଵାମୀ ନୟନ ପଥଗାମୀ ଭଗବାନ ଜଗନ୍ନାଥ ଶ୍ରୀକୃଷ୍ଣ ଅବତାରରେ ପବିତ୍ର ଯମୁନା ଜଳକୁ ବିଷାକ୍ତ ତଥା ପ୍ରଦୂଷିତ କରି ଗୋ ତଥା ଗୋପପୁର ବାସୀଙ୍କୁ ସଜ୍ଞାହୀନ କରି ଶଙ୍କlକୁଳ କରି ରଖିଥିବା ଦୁଷ୍ଟ କଳୀୟ ସର୍ପର ଦର୍ପ ଚୂର୍ଣ୍ଣ କରିଥିଲେ l ଏହି ବେଶରେ ଭକ୍ତଙ୍କୁ ଦର୍ଶନ ଦେଇ ଅଗତିର ଗତି ପତିତ ପାବନ ସର୍ବଦା ଦୁଷ୍ଟ, ପାପିଷ୍ଟ, ଅଧର୍ମୀ, ଅନ୍ୟାୟୀ ରୂପୀ କାଳୀୟ ମାନଙ୍କ ଦମ୍ଭର ଯେ ଦିନେ ନା ଦିନେ ଅନ୍ତ ଘଟିଥାଏ ସୃଷ୍ଟିକୁ ଏହି ସନ୍ଦେଶ ପ୍ରଦାନ କରିଥିଲେ l ଜ୍ୟେଷ୍ଠ ଭ୍ରାତା ହଳଧର ବଳଭଦ୍ର ବଳରାମ ଦୋଳିରେ ଦୋଳାୟମାନ ହୋଇ ଭକ୍ତଙ୍କୁ ସଂସାରରେ ସର୍ବଦା ଓ ସର୍ବତ୍ର ଶାନ୍ତି, ମୈତ୍ରୀ, ସଂହତି ଓ ସଦ୍ଭାବ ରୁପକ ଦୋଳିରେ ଝୁଲି ଜୀବନର ପ୍ରକୃତ ଅର୍ଥ ବିଷୟରେ ବାର୍ତ୍ତା ପ୍ରଦାନ କରିଥିଲେ l 
 

ଏହି ଦିବସ ଅବସରରେ ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ଜଗନ୍ନାଥ ସଂସ୍କୃତି ମହୋତ୍ସବ ଆୟୋଜିତ ହୋଇଥଲା l ଏହି କାର୍ଯ୍ୟକ୍ରମରେ ବୌଦ୍ଧର ଗେହ୍ଲା ମା କଳା ନିକେତନ ତଥା ଆକୃତି ଓ ସୀତାରାମ କଳା ଅନୁଷ୍ଠାନର କଳାକାର ମାନେ ସଂଗୀତ ଓ ନୃତ୍ୟ ପରିବେଷଣ କରିଥଲେ l ହଜାର ହଜାର ସଂଖ୍ୟାରେ ଭକ୍ତ ଓ ଶ୍ରଦ୍ଧାଳୁମାନେ ତିନି ଠାକୁରଙ୍କୁ ଆଡ଼ପ ମଣ୍ଡପରେ ଦର୍ଶନ କରି ଦୀପ ପ୍ରଜ୍ଜ୍ୱଳନ କରି ବିଭୁ କୃପା ଲାଭ କରିବା ସଙ୍ଗେସଙ୍ଗେ ଭକ୍ତି ମୁଳକ ସଂଗୀତ ଓ ନୃତ୍ୟର ଆନନ୍ଦ ଲାଭ କରିଥିଲେ l