11-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ କଲ୍ୟାଣ ମଣ୍ଡପ ଠାରେ ଭାରତୀୟ ଜନତା ପାର୍ଟି କଣ୍ଟାମାଳ ପକ୍ଷରୁ ଗୁରୁବାର ସଂନ୍ଧ୍ୟା ୫ ଟା ରେ ୮୫କଣ୍ଟାମାଳ ବିଧାନସଭା ନିର୍ବାଚନ ମଣ୍ଡଳୀର ନିର୍ବାଚନ ପରବର୍ତ୍ତୀ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି  l  କେନ୍ଦୁଝର ସାଂସଦ ଅନନ୍ତ ନାୟକ ଏବଂ ରାଜ୍ୟ ପ୍ରବକ୍ତା ଜ୍ଞାନ ବେଉରା ଙ୍କ ସଂଯୋଜନା ରେ ଅନୁଷ୍ଠିତ ଉକ୍ତ ସମୀକ୍ଷା ବୈଠକ ରେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ, ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ,ବରିଷ୍ଠ ବିଜେପି ନେତା ଶେଷଦେବ ମେହେର, ଜିଲ୍ଲା ସଭାପତି ବିପ୍ର ଚରଣ ମହାନ୍ତି, ଦୁଇ ନମ୍ବର ଜୋନ ଜିଲ୍ଲାପରିଷଦ ସଭ୍ୟା ଶ୍ରୀମତୀ ପଦ୍ମାଳୟା ପ୍ରଧାନ, ଚାରି ନମ୍ବର ଜିଲ୍ଲାପରିଷଦ ସଭ୍ୟ ରାକେଶ କୁମାର ତ୍ରିପାଠୀ ପ୍ରମୁଖ ଯୋଗଦେଇଥିଲେ  l  ଗତ ନିର୍ବାଚନ ସମୟରେ ଭାଜପା କର୍ମୀ ମାନଙ୍କ ସହ ହୋଇଥିବା ବିଭିନ୍ନ ସମସ୍ୟା ଓ ଅସହଯୋଗ ତଥା ଜନସମ୍ପର୍କ ସମ୍ପର୍କରେ ସାଂସଦ ଶ୍ରୀ ନାୟକ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ  l   ଏଥିସହ ଅଂଚଳର ବିଭିନ୍ନ ସମସ୍ୟା ଓ ତାର ସମାଧାନ ସମ୍ପର୍କରେ କର୍ମୀ ମାନଙ୍କ ମତାମତ ନେଇଥିଲେ  l   ଏଥିରେ ବିଜେପି ର ବରିଷ୍ଠ କାର୍ଯ୍ୟକର୍ତ୍ତା,ବିଭିନ୍ନ ପଞ୍ଚାୟତର ସରପଞ୍ଚ, ସମିତିସଭ୍ୟ, ୱାର୍ଡ ସଭ୍ୟ /ସଭ୍ୟା,ଯୁବ ଛାତ୍ର ବିଜେପି କର୍ମକର୍ତ୍ତା,ଜ଼ିଲ୍ଲା ଓ ମଣ୍ଡଳ ର ସମସ୍ତ ପଦାଧିକାରୀ ଯୋଗଦେଇ ନିଜ ନିଜ ଅଂଚଳର ସମସ୍ୟା ଉପସ୍ଥାପନ କରିଥିଲେ   l