08-Jul-2024

- ସୋନପୁର( ମନୋରଞ୍ଜନ ତ୍ରିପାଠୀ )
 ସୋନପୁରେ  ପବିତ୍ର ରଥଯାତ୍ରା ମହାସମାରୋହରେ ଅନୁଷ୍ଟିତ  ହୋଇଯାଇଛି। ରଥଯାତ୍ରା ଅବସରରେ ଭକ୍ତଙ୍କ ସହ ଏକାକାର ହୋଇଛନ୍ତି ଚତୁର୍ଦ୍ଧlମୂରତି । ତିନିଠାକୁରଙ୍କୁ ପ୍ରାତଃ ସମୟରେ  ସ୍ନାନ କରାଯାଇ ମଙ୍ଗଳ ଆଳତୀ କରାଯାଇଥିଲା। ପରେ ତିନି ଠାକୁରଙ୍କୁ ରୀତିନୀତିରେ ପୂଜାର୍ଚ୍ଚାନ କରାଯାଇ ବିଭିନ୍ନ ପ୍ରକାର  ଭୋଗ ଅର୍ପଣ କରାଯାଇଥିଲା । ସଂଧ୍ୟା  ୫ଟାରେ ତିନି ଠାକୁରଙ୍କୁ ଆଳତି କରାଯାଇ ମନ୍ଦିରରୁ ପହଣ୍ଡି କରି ସ୍ଥାନୀୟ ମଝିପଡା ସ୍ଥିତ ରଥଖଳାରେ ଥୁବା ତିନି ରଥରେ ଆସିନ୍ନ କରାଯାଇଥିଲା। ଚତୁର୍ଦ୍ଧାମୂରତି ବଡଦେଉଳରୁ ବହାରିବା ପରେ ମନ୍ଦିର ସମ୍ମୁଖରେ ବିଭିନ୍ନ ବ୍ୟକ୍ତି ତଥା ସଂଗଠନ ପକ୍ଷରୁ ପୂଜାର୍ଚ୍ଚନା ଓ ଭୋଗ ଅର୍ପଣ କରାଯାଇଥିଲା। ପହଣ୍ଡି ଯାତ୍ରା ବେଳେ ରଥଯାତ୍ରାରେ ମହାପ୍ରଭୁଙ୍କ ଦର୍ଶନ ପାଇଁ ଭକ୍ତ ଙ୍କ ପ୍ରବଳ ଭିଡ଼ ଲାଗି ରହି ଥିଲା। ଜଗନ୍ନାଥ ମନ୍ଦିରର ପୂଜକ ରାମଗୋପାଳ ପୂଜାରୀ, ସୁମିତ ପୂଜାରୀ ଓ ଅଶ୍ୱିନୀ ପୂଜାରୀ ସମସ୍ତ ପୂଜାନୀତି ତୁଲାଇଥିବା ବେଳେ ବ୍ରହ୍ମଣ ସମାଜର ଜୟନାରାୟଣ ମିଶ୍ର, ଜଗଦାନନ୍ଦ ମିଶ୍ର, ସଚ୍ଚିଦାନନ୍ଦ ଦାସ, ନନ୍ଦକିଶୋର ତ୍ରିପାଠୀ, ମନୋରଂଜନ ମିଶ୍ର, ମିଳନ ମିଶ୍ର, କାଳିଆ ମିଶ୍ର, ନିମାଇଁଚରଣ ପାଣିଗ୍ରାହୀ, ଆଶିଷ କୁମାର ନାୟକ, ଜିତୁ ମିଶ୍ର, ବୀରପ୍ରତାପ ଦାଶ, ଆଲୋକ ଦାଶ, କେଶବ ମିଶ୍ର, ସିଧାର୍ଥ କୁମାର ମିଶ୍ର ପ୍ରମୁଖଙ୍କ ସହ  ଅନେକ ଯୁବକ ଏହି ପହଣ୍ଡି କାର୍ଯ୍ୟ ରେ ସମର୍ପିତ ସେବା ତୁଲାଇଥିଲେ। ସେହିପରି ସୋନପୁର ଘୋଡାଘାଟପଡ଼ା ସ୍ଥିତ ଦଧିବାମନ ମହାପ୍ରଭୁ ଏବଂ ବଡବଜାର ସ୍ଥିତ ବୃନ୍ଦାବନବିହାରୀ ମହାପ୍ରଭୁଙ୍କ ମଧ୍ୟ ଶ୍ରୀ ଗୁଣ୍ଡିଚା ରଥଯାତ୍ରା ମହାସମାରୋହରେ ପାଳନ କରାଯାଇଛି। ଆଇନଶୃଙ୍ଖଳାକୁ ନଜରରେ ରଖି ବ୍ୟାପକ ପୁଲିସ ବନ୍ଦୋବସ୍ତ କରାଯାଇଥିଲା। ସୋମବାର ଅପରାହ୍ନ ପରେ ରଥ ଟଣା ଯାଇ ତିନି ଠାକୁରଙ୍କୁ  ବଡବଜାର ସ୍ଥିତ ମାଉସୀ ମାଁ ମନ୍ଦୀର କୁ  ନିଆଯାଇ ପହଣ୍ଡି କରି ମହାପ୍ରଭୁ ତିନି ଠାକୁର ଙ୍କୁ ମନ୍ଦିର କୁ ପ୍ରବେଶ କରାଯିବ ବୋଲି ଜଣାପଡ଼ିଛି l