08-Jul-2024

ବୋଡ଼େନ,(ଡୋଲୋଶ୍ଵର ଵାଗ) ବୋଡ଼େନ ବ୍ଲକ ଅନ୍ତର୍ଗତ କରଙ୍ଗାମାଲ ନିକଟସ୍ଥ ବର୍ତନ୍ସିଲ ନାଳ ଉପରେ ଥିବା ବ୍ରିଜ ଉପରେ ଦୁଇ ବାଇକ ମୁହାଁ ମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ବର୍ତ୍ତନ୍ସିଲ ଗାଁର କୈବଲ୍ୟ ତାଣ୍ଡି ତାଙ୍କ ପୁଅ ଲାଲୁ ତାଣ୍ଡି,ଓ ନବକିଶୋର ଚିନ୍ଦା କରଙ୍ଗାମାଲ ଗାଁରୁ ରଥଯାତ୍ରା ଦେଖି ଫେରୁଥିଲେ ଓ ବାବେବିର ଗାଁର ଜନ୍ମେଜୟ ପଟେଲ କରଙ୍ଗାମାଲ ଗାଁକୁ ରଥଯାତ୍ରା ଦେଖିବାକୁ ଯାଉଥିଲେ। ବର୍ତନ୍ସିଲ ଗାଁ ନିକଟସ୍ଥ ବ୍ରିଜ ଉପରେ ଦୁଇ ବାଇକ ମୁହାଁ ମୁହିଁ ଧକ୍କା ହୋଇଥିଲା ଓ ୩ଜଣ ଗୁରୁତର ହୋଇଥିବାବେଳେ ତାଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ଓ ଜନ୍ମଜୟ ପଟେଲ ବ୍ରିଜ ତଳକୁ ପଡ଼ିଯାଇଥିଲେ ଓ ଗୁରୁତର ଆହତ ହୋଇଛନ୍ତି ତାକୁ ଭବାନୀପାଟଣା କୁ ନିଆ ଯାଇଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।