06-Jul-2024

ବୋଡ଼େନ (-ରାମନାଥ ପଣ୍ଡା )ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ସଭା ଗୃହରେ ନୂଆପଡ଼ା ଏ ଡି ଏମ ଭୀମ ସେନ ଶବରଙ୍କ ଅଧ୍ୟକ୍ଷତାରେ ରଥଯାତ୍ରାର ସୁପରିଚାଳନା ନିମନ୍ତେ ଏକ ବୈଠକ ମନ୍ଦିର କମିଟି ଓ ବ୍ଲକ କର୍ମଚାରୀଙ୍କ ସହିତ ଅନୁଷ୍ଠିତ ହୋଇଥିଲା । ଶ୍ରୀଯୁକ୍ତ ଶବର ବିଭିନ୍ନ ସମସ୍ୟା ଗୁଡ଼ିକର ସମାଧାନ କିପରି କରାଯିବ ତାହା ପାଇଁ ଉଭୟ ସରକାରୀ କର୍ମଚାରୀ ଓ ଜନସାଧାରଣଙ୍କ ସକ୍ରିୟ ଭୂମିକାର ଆବଶ୍ୟକତାକୁ ପ୍ରାଧାନ୍ୟତା ଦେଇଥିଲେ ।ଅନୁଷ୍ଠିତ ସଭାରେ ବି ଡି ଓ ପ୍ରିୟରଞ୍ଜନ କୁମାର,ତହସିଲଦାର ସରିତା ଗୁପ୍ତା,ସହାୟକ କାର୍ଯ୍ୟ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ ,ଜି ପି ଇ ଓ ପ୍ରଫୁଲ୍ଲ କୁମାର ନାଏକ ମଞ୍ଚାସିନ ଥିଲେ । ବ୍ଲକର ୭ ଟି ସ୍ଥାନ ପାତାଳ ଗଙ୍ଗା, ତରାପୂର, ରୋକାଲ,କରଙ୍ଗାମାଲ,ପଲସଦା,ଡମଝର ଓ ଖଇରା ଠାରେ ପ୍ରଭୁ ଶ୍ରୀଜଗନ୍ନାଥଙ୍କ ରଥ ଯାତ୍ରା  କରାଯାଇଥାଏ । ରଥ ଯାତ୍ରା ଗୁଡ଼ିକ ଯେମିତି ଶାନ୍ତି ଶୃଙ୍ଖଳାର ସହିତ ଆୟୋଜନ ହୋଇପାରିବ ତା'ରି ପାଇଁ ପ୍ରଶାସନ ପକ୍ଷରୁ ମନ୍ଦିର   ପରିଚାଳନା କମିଟିର ସଦସ୍ୟ ଓ ବ୍ଲକର ବିଭିନ୍ନ ବିଭାଗ ଯଥା ପଞ୍ଚାୟତିରାଜ,କୃଷି ବିଭାଗ,ପୋଲିସ , ଜଳ ଯୋଗାଣ,ରାଜସ୍ବ,ଅବକାରୀ,ଆଇନଜୀବୀ ମାନଙ୍କୁ ନେଇ ବୈଠକ  କରାଯାଇଛି ।ପ୍ରତ୍ୟେକ ସ୍ଥାନକୁ ପ୍ରଶାସନ ପକ୍ଷରୁ କର୍ମଚାରୀଙ୍କୁ ପ୍ରେରଣ କରିବାର ତାଲିକା ପ୍ରସ୍ତୁତ କରି ଜିଲ୍ଲା ପ୍ରଶାସନକୁ ଲିଖିତ ଭାବେ ଜଣାଇ ଦିଆଯାଇଛି ।ସଭାରେ ସରପଂଚ ,ଆଇନଜିବୀ ,ମନ୍ଦିର କମିଟି ସଦସ୍ୟ,ଜି ଆର୍ ଏସ,ରାଜସ୍ବ ନୀରିକ୍ଷକ,ପି ଇ ଓ,ଜଳ ଓ ପରିମଳ ଯନ୍ତ୍ରୀ,ବ୍ଲକ କନିଷ୍ଠ ଯନ୍ତ୍ରୀ ମାନେ ସାମିଲ ଥିଲେ ।ପୋଲିସ ଏସ ଆଇ ଡି ଡି ଦାସ ଶାନ୍ତି ଶୃଙ୍ଖଳାରେ ଅବହେଳା ହେବ ନାହିଁ ବୋଲି ମତ ବ୍ୟକ୍ତ କରିଛନ୍ତି ।ବି ଡି ଓ ମଧ୍ୟ ସବୁ ବିଭାଗକୁ ସକ୍ରିୟ ରହିବାକୁ ନିର୍ଦ୍ଦେଶ କରିଛନ୍ତି ।ଜି ପି ଇ ଓ ପ୍ରଫୁଲ୍ଲ କୁମାର ନାଏକ ଧନ୍ୟବାଦ ଅର୍ପଣ କରିଥିଲେ ।