06-Jul-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ଜିଲ୍ଲା ର ବୀରମହାରାଜପୁର ବ୍ଲକ ସୁବଳୟା ସ୍ଥିତ କସ୍ତୁରିବା ଗାନ୍ଧୀ ଆବାସିକ ବିଦ୍ୟାଳୟ ର ଛାତ୍ରୀ ନିବାସରେ ଏକ ବାହାର ଯୁବକ ପଶି  ଜଣେ ଅନ୍ତେବାସୀ ଙ୍କ ସହିତ ଅସଦାଚଣ କରୁଥିବା ସମୟରେ ଧରା ପଡିଥିବା ନେଇ ସୁବଳୟା ଥାନା ରେ ଅଭିଯୋଗ ହୋଇଛି l ମିଳିଥିବା ସୂଚନା ଅନୁସାରେ ସୁବଳୟା ଠାରେ ଥିବା କସ୍ତୁରବା ଗାନ୍ଧୀ ଛାତ୍ରୀ ନିବାସ କୁ ଗତକାଲି ବିଳମ୍ବିତ ରାତିରେ ସହର ରେ ବିଦ୍ୟୁତ୍ ନ ଥିବା ର ସୁଯୋଗ ନେଇ ସୁବଳୟା ଗାଁ ର ଜଣେ ଯୁବକ ଛାତ୍ରୀ ନିବାସ ଭିତରକୁ ପ୍ରବେଶ କରି ଜୈନିକା ଛାତ୍ରୀଙ୍କୁ ଅସଦାଚରଣ କରୁଥିଲେ । ତେବେ ହଠାତ୍ ବିଦ୍ୟୁତ୍ ଆସିଯିବା ପରେ ଅନ୍ୟ ଛାତ୍ରୀ, ଛାତ୍ରୀ ନିବାସର ରୋସେୟା ଓ ରାତ୍ର ଜଗୁଆଳି ଦେଖି ଯୁବକ କୁ କାବୁ କରି ତୁରନ୍ତ ପ୍ରଧାନ ଶିକ୍ଷୟତ୍ରୀଙ୍କୁ ସୂଚନା ଦେଇଥିଲେ l ସୂଚନା ପାଇ ପ୍ରଧାନ ଶିକ୍ଷୟତ୍ରୀ ତୁରନ୍ତ ସ୍କୁଲ କୁ ଆସି ସୁବଳୟା ଥାନା ରେ ଲିଖିତ ଅଭିଯୋଗ କଲେ l ଅଭିଯୋଗ କୁ ଆଧାର କରି ପୁଲିସ ଉକ୍ତ ଯୁବକ କୁ ଥାନା ରେ ଅଟକ ରଖିଥିଲା l  ସୂଚନା ଅନୁସାରେ କସ୍ତରିବା ଗାନ୍ଧୀ ବାଳିକା ବିଦ୍ୟାଳୟର ପରିଚାଳନ କମିଟିର ସଭାପତି ସଦାନନ୍ଦ ମହାନନ୍ଦ ଙ୍କ ପୁଅ ଅଜୟ ମହାନନ୍ଦ କସ୍ତୁରବା ଗାନ୍ଧୀ ବାଳିକା ଉଚ୍ଚ ବିଦ୍ୟାଳୟର ହଷ୍ଟେଲ କୁ ଯାଇ ଜଣେ ଛାତ୍ରୀଙ୍କ ସହ ଅସଦାଚରଣ କରିଥିବା ଘଟଣାକୁ  ସମସ୍ତେ ଗୁରୁତ୍ୱ ର ସହ ନେଇଛନ୍ତି। ଲାଇନ୍ ଆସିବା ପରେ ଅନ୍ୟ ଛାତ୍ରୀ ଏବଂ ନାଇଟ୍ ୱାଚର୍ ଉଭୟଙ୍କୁ ଅସଂଜତ ଅବସ୍ଥାରେ ଦେଖି ପାଟି ତୁଣ୍ଡ କରିବା ସହିତ ଯୁବକଙ୍କୁ ଅଟକ ରଖିଥିଲେ । ହେଲେ ଏତେ ପାଟି ତୁଣ୍ଡ ପରେ ମଧ୍ୟ ସ୍କୁଲ ପରିସର ରେ ଉପର ମହଲ ରେ ଶୋଇ ଥିବା ୱାଡେନର  ଉପରୁ ତଳ କୁ ଆସିନଥିଲେ l ଛାତ୍ରୀ ଏବଂ କର୍ମଚାରୀ ବାରମ୍ବାର ଡାକିବା ପରେ ତଳ କୁ ଆସିଥିଲେ l ଏନେଇ ସୁବଳୟା ଥାନା କେସ ନଂ ୧୬୭ ରେ ଏକ ମାମଲା ରୁଜୁ କରି ଯୁବକକୁ ଅଟକ ରଖି ପଚରାଉଚୁରା କରିବା ସହ ଆଜି ଉଭୟଙ୍କୁ ଡାକ୍ତରୀ ମାଇନା କରିବାକୁ ବୀରମହାରାଜପୁର ଉପଖଣ୍ଡ ଡାକ୍ତରଖାନା କୁ ପଠାଇ ଥିବା ବେଳେ ଅଭିଯୁକ୍ତ କୁ ଆଜି କୋର୍ଟ ଫରୱାର୍ଡ କରାଯିବ ବୋଲି ବୀରମହାରାଜପୁର ଏସଡିପିଓ ବାସୁଦେବ ଛତ୍ରୀଆ ସୂଚନା ଦେଇଛନ୍ତି।