06-Jul-2024

ଆଗଲପୁର, (ପ୍ରେରଣା ଖବର) ଆଗଲପୁର ରୁ ଡୁଡୁକା ପଞ୍ଚାୟତ ସମିତି କାର୍ଯ୍ୟାଳୟ କୁ ଯିବା ରାସ୍ତା ଆଗଲପୁର ନିକଟବର୍ତ୍ତୀ ବିଭିନ୍ନ ସ୍ଥାନରେ ରାସ୍ତା ଅବସ୍ଥା ଅତି ଶୋଚନୀୟ ହୋଇ ପଡ଼ିଛି l ଉକ୍ତ ପି. ଡବ୍ଲୁ ଡି ରାସ୍ତା ସାଲେଭଟା ରୁ ଆଗଲପୁର ଯାଏ ପ୍ରଶସ୍ତିକରଣ କାମ ଚାଲୁଅଛି ହେଲେ ଆଗଲପୁର ଅଞ୍ଚଳରେ ଥିବା ରାସ୍ତା ଏ ପର୍ଯ୍ୟନ୍ତ କାମ ଆରମ୍ଭ ହୋଇ ନାହିଁ l ଫଳରେ ପୁରୁଣା ରାସ୍ତା ବିଭିନ୍ନ ଜାଗାରେ ଅଣ୍ଠୁଏ ଲେଖାଏଁ ଗାତ ହୋଇଥିବା ଦେଖିବାକୁ ମିଳିଛି। ଫଳରେ ଉକ୍ତ ଜାଗା ମାନଙ୍କରେ ବର୍ଷା ପାଣି ଜମି ରହୁଛି। ଯାହା ଫଳରେ ଛୋଟ ବଡ଼ ଦୁର୍ଘଟଣା ଘଟୁଥିବାର ସୂଚନା ରୁ ପ୍ରକାଶ l ଆଗଲପୁର ହେଉଛି ଏକ ଜନଗହଳି ଅଞ୍ଚଳ, ଏଠାରେ ଡାକ୍ତର ଖାନା, ତହସିଲ କାର୍ଯ୍ୟାଳୟ, ଥାନା, ବସଟାଣ୍ଡ, ସାପ୍ତାହିକ ବଜାର, ଦୈନନ୍ଦିନ ବଜାର ତଥା ବିଭିନ୍ନ ପ୍ରକାରର ଦୋକାନ ଗୁଡ଼ିକ ଥିବା ଦ୍ଵାରା ପ୍ରତିଦିନ ହଜାର ହଜାର ଲୋକ ଙ୍କ ସମାଗମ ଦେଖିବାକୁ ମିଳିଛି l ଏ ସବୁ ଦୃଷ୍ଟିରୁ ଆଗଲପୁର କୁ ଆସିବା ପାଇଁ ରାସ୍ତା ର ନିହାତି ଭାବରେ ନିର୍ମାଣ କାର୍ଯ୍ୟ ଜରୁରୀ ହୋଇ ପଡ଼ିଛି। ତା ସାଙ୍ଗକୁ ପ୍ରତିଦିନ ଶହ ଶହ ସଂଖ୍ୟାରେ ଭାରିଯାନ, ଯିବା ଆସିବା କରୁଛି l ତେଣୁ ତୁରନ୍ତ ରାସ୍ତା କାମ ସାରିବାକୁ ଲୋକେ ଦାବି କରିଛନ୍ତି। ଏ ବିଷୟରେ ଆମେ ବିଭାଗୀୟ ଯନ୍ତ୍ରୀ ଙ୍କୁ ଫୋନ ଜରିଆରେ ଯୋଗାଯୋଗ କରିଥିଲୁ ହେଲେ ଯନ୍ତ୍ରୀ ବାବୁ କଲ ଗ୍ରହଣ କରି ନ ଥିଲେ। ଯଥା ଶୀଘ୍ର ବିଭାଗୀୟ ଅଧିକାରୀ ଏ ଦିଗରେ ଦୃଷ୍ଟି ଦେବାକୁ ଦାବି ହେଉଛି। ନ ହେଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ଅଞ୍ଚଳ ବାସି ଚେତାବନୀ ଦେଇଛନ୍ତି। ତେଣୁ ଯଥାଶୀଘ୍ର ରାସ୍ତା  ମରାମତି କିମ୍ବା ନୂତନ ଭାବରେ ନିର୍ମାଣ କରିବାକୁ ପ୍ରଶାସନ କୁ ଅନୁରୋଧ କରିଛନ୍ତି l