06-Jul-2024

କଳାହାଣ୍ଡି  (ପ୍ରେରଣା ଖବର)
କଳାହାଣ୍ଡି ଜିଲ୍ଲା କୋକସରା ବ୍ଲକ୍ କାଉଡୋଳା ଗ୍ରାମପଞ୍ଚାୟତ ୨୦୨୨ ପଞ୍ଚାୟତ ନିର୍ବାଚନ ସମୟରେ ସମିତି ସଭ୍ୟା ବୈଦେହି ବେଶ୍ରା ତିନୋଟି ସନ୍ତାନର ଜନନୀ ହୋଇ ମିଥ୍ୟା ସତ୍ୟପାଠ ଦାଖଲ କରି ସମିତି ସଭ୍ୟ ପଦକୁ ହାତେଇ ନେଇଥିଲେ । ପଞ୍ଚାୟତିରାଜ ନିୟମକୁ ଉଲ୍ଲଘଂନ କରିଥିବାରୁ ତାଙ୍କ ନିକଟତମ ପ୍ରତିଦ୍ୱନ୍ଦୀ ମାଧବି ବେଶ୍ରା ଜୟପାଟଣା କୋର୍ଟ ଦ୍ୱାରସ୍ଥ ହୋଇ ସମସ୍ତ ସାକ୍ଷ ପ୍ରମାଣ ପତ୍ର ସହ କେସ୍ ଦାୟର୍ କରି ନ୍ୟାୟର ଆଶ୍ରା କରିଥିଲେ । ସୂଚନା ମୁତାବକ ସମସ୍ତ ସାକ୍ଷ ପ୍ରମାଣ ଆଧାରରେ ମାନ୍ୟବର ବିଚାରପତି ସମିତି ସଭ୍ୟା ବୈଦେହି ବେଶ୍ରା ଙ୍କୁ ୧୮ଡିସେମ୍ବର ୨୦୨୩ ରିଖ ଦିନ ଅଯୋଗ୍ୟ ଘୋଷଣା କଲେ। ଉକ୍ତ କୋର୍ଟ ନିର୍ଦ୍ଦେଶ କ୍ରମେ ଜିଲ୍ଲାପାଳ ବୈଦେହି ବେଶ୍ରାଙ୍କୁ ସମିତି ସଭ୍ୟ ପଦବିରୁ ବହିଷ୍କୃତ କରିଥିଲେ । କିନ୍ତୁ ସମିତି ସଭ୍ୟା ବୈଦେହି ବେଶ୍ରା ନିଜକୁ ଭୁଲ୍ ସ୍ୱୀକାର ନକରି ଉକ୍ତ ରାୟକୁ ଧର୍ମଗଡ ଅତିରିକ୍ତ ଜିଲ୍ଲା ଅଦାଲତକୁ ଯାଇ ଷ୍ଟେ ଅଡର କରିବାରୁ ମାମଲା ଆଗକୁ ଯାଇଥିଲା । ପରବର୍ତ୍ତୀ ସମୟରେ ଧର୍ମଗଡ ଅଦାଲତରେ ଉକ୍ତ ମାମଲା କେସ୍ ନମ୍ବର ଏଫ୍ ଏ ଓ ୧/୨୪ କୁ ଜୁନ୍ ୨୮ତାରିଖ ଦିନ ମାନ୍ୟବର ଅତିରିକ୍ତ ଜିଲ୍ଲା ଦୌରାଜଜ୍ ସମିତି ସଭ୍ୟା ବୈଦେହି ବେଶ୍ରା ଙ୍କୁ ଅଯୋଗ୍ୟ ଘୋଷଣା କରିଛନ୍ତି ।