04-Jul-2024

କଳାହାଣ୍ଡି ,କୋକସରା 
(ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା ଧର୍ମଗଡ ରେଞ୍ଜ ଦକ୍ଷିଣ ବନଖଣ୍ଡ ଅଧିନ କୋକସରା ବ୍ଲକ ଆମପାଣି ଫରେଷ୍ଟ ସେକ୍ସନ ପକ୍ଷରୁ  ଆମପାଣି ସରକାରୀ ଉଚ୍ଚ ବିଦ୍ୟାଳୟ ଠାରେ ୭୫ତମ ବନ ମହୋତ୍ସବ ସପ୍ତାହ ପାଳିତ ହୋଇଛି। ବିଦ୍ୟାଳୟର ପ୍ରଧାନଶିକ୍ଷକ ଶୁଶାନ୍ତ କୁମାର ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ  ଧର୍ମଗଡ଼ ବନାଞ୍ଚଳ ଅଧିକାରୀ ଭବାନୀ ଶଙ୍କର କଅଁର , ଧର୍ମଗଡ଼ ଉପ ବନାଞ୍ଚଳ ଅଧିକାରୀ ସୁରେନ୍ଦ୍ର କୁମାର ବେହେରା,ଆମପାଣି ଫରେଷ୍ଟର ମନିଷା ପଟ୍ଟନାୟକ ଯୋଗଦେଇଥିଲେ। ଏହି କ୍ରମରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ଏଥିରେ ପୃଥିବୀରେ ଦେଖାଦେଇଥିବା ପରିବେଶ ପ୍ରଦ୍ୟୁଷଣ, ଜଳବାୟୁ ପ୍ରଦ୍ୟୁଷଣ, ବିଶ୍ୱତାପନ ବୃଦ୍ଧି, ବର୍ଷା, ମୃତ୍ତିକା କ୍ଷୟ ଭଳି ସମସ୍ୟା ଉପରେ ଅତିଥି ମାନେ କହିଥିଲେ। ଏବଂ ଏଥିରୁ ରକ୍ଷା ପାଇବା ପାଇଁ ହେଲେ ବୃକ୍ଷ ରୋପଣର ଆବଶ୍ୟକତା ଅତ୍ୟନ୍ତ ଜରୁରୀ ବୋଲି ମତବ୍ୟକ୍ତ କରିଥିଲେ। ପରେ ଅତିଥି ଓ ଛାତ୍ରଛାତ୍ରୀ ମାନଙ୍କ ଦ୍ଵାରା ସ୍କୁଲ ପରିସରରେ ବିଭିନ୍ନ କିସମର ଚାରା ରୋପଣ କାରାଯାଇଥିଲା। ଏହି କାର୍ଯ୍ୟକ୍ରମରେ  ବନ କର୍ମଚାରୀ ନାରାୟଣ ନାଗ, ମନରଞ୍ଜନ ମହାପାତ୍ର, ଦୁର୍ଗା ପ୍ରସାଦ ମିଶ୍ର, ରାହୁଲ କୁମାର ସେଠି,ତ୍ରିବିକ୍ରମ ନାୟକ ଓ ସ୍କୁଲ କର୍ମଚାରୀ ମାନେ ଉପସ୍ଥିତ ରହିଥିଲେ।