04-Jul-2024

ସିନ୍ଧେକେଲା(ଦୀନେଶ ଜୈନ): ପଶ୍ଚିମ ଓଡ଼ିଶାର ଲୋକପ୍ରିୟ ବିଧାୟକ ଭାବରେ ପରିଚିତ କଣ୍ଟାବାଞ୍ଜି ପୂର୍ବତନ ବିଧାୟକ ସନ୍ତୋଷ ସିଂ ସଲୁଜା ସବୁ ବର୍ଷ ଭଳି ଏଥର ମଧ୍ୟ କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ୬୨ ଟି ଜଗନ୍ନାଥ ମନ୍ଦିର ସମେତ ଲାଠୋର , ସୁରଡ଼ା ଓ ଆଖପାଖ ଜଗନ୍ନାଥ ମନ୍ଦିରକୁ ମିଶି ୬୬ ଟି ମନ୍ଦିରରେ ପ୍ରଭୁଙ୍କୁ ଲାଗି ହେଉଥିବା ବସ୍ତ୍ର ପ୍ରଦାନ କରିବା ପାଇଁ ଲକ୍ଷ ରଖିଥିବାବେଳେ ଏହି ପରିପ୍ରେକ୍ଷୀରେ ବୁଧବାର ସିନ୍ଧେକେଲା ଶ୍ରୀ ଜଗନ୍ନାଥ ମନ୍ଦିର ପହଞ୍ଚି ପ୍ରଭୁଙ୍କ ଦର୍ଶନ ଲାଭ କରିବା ସହ ମନ୍ଦିର ପୂଜକ କାଜୁ ପାଣିଗ୍ରାହୀଙ୍କୁ ଓ ରାଜ ପରିବାରର ଟିଙ୍କୁ ସିଂଦେଓ ଙ୍କୁ ଦଧିବାମନ ମନ୍ଦିର ପାଇଁ ପ୍ରଭୁଙ୍କ ବସ୍ତ୍ର ପ୍ରଦାନ କରିଥିଲେ । ଏହି ଅବସରରେ କଂଗ୍ରେସ ଯୁବନେତା କୁନା ବାମିଡ଼ି , ତପନ ଜୈନ , ଦୁର୍ଗାପୂଜା କମିଟି ନବ ନିର୍ବାଚିତ ସଭାପତି ନରେଶ ରଣା , ରାଜୀବ ସାହୁ , ତୁଳସୀ ସୁନା , ରଥ ନିର୍ମାଣ ମିସ୍ତ୍ରୀ ଲକ୍ଷ୍ମୀକାନ୍ତ ସାହୁ , ପୂର୍ବତନ ସରପଞ୍ଚ ରାଜେଶ ଜୈନ , ସାମ୍ବାଦିକ ଦିନେଶ ଜୈନ , ବଙ୍ଗୋମୁଣ୍ଡା ବ୍ଲକ ସାମ୍ବାଦିକ ସଙ୍ଘ ଉପ ସଭାପତି ଅନିଲ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । ଶ୍ରୀ ସଲୁଜା ତାଙ୍କ ମନ୍ତବ୍ୟରେ ଯେତେଦିନ ପର୍ଯ୍ୟନ୍ତ ପ୍ରଭୁ ଶକ୍ତି ଦେଇଥିବ ବିଧାୟକ ନଥାଇ ମଧ୍ୟ ଏହିଭଳି ଭକ୍ତି ତଥା ଲୋକଙ୍କ ସେବା ଜାରି ରହିଥିବ  ବୋଲି କହିଥିଲେ । ଏହି ସମୟରେ ସାମ୍ବାଦିକ ଦିନେଶ ଜୈନ ସାଲୁଜାଙ୍କୁ କହିଥିଲେ ଯେ ଆପଣ ବିଧାୟକ ନଥିଲେ ମଧ୍ୟ ସ୍ଥାନୀୟ ଅଞ୍ଚଲ ତଥା ବାହାର ରାଜ୍ୟର ଲୋକେ କଣ୍ଟାବାଞ୍ଜି ବିଧାୟକ ଭାବେ ସାଲୁଜାଙ୍କୁ ହିଁ ଜାଣନ୍ତି ।