27-Jun-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ନବ ନିର୍ବାଚିତ କଣ୍ଟାମାଳ ବିଧାୟକ କହ୍ନେଇ ଚରଣ ଡ଼ାଙ୍ଗଙ୍କୁ  ବୌଦ୍ଧ ଜିଲ୍ଲା ୱେବ୍ ମିଡ଼ିଆ ସଂଘ ତରଫରୁ ଆଜି ସମ୍ବର୍ଦ୍ଧନା ଜ୍ଞାପନ କରାଯାଇଛି। ୱେବ୍ ମିଡ଼ିଆ ସଂଘର ସମ୍ପାଦକ ପ୍ରଶାନ୍ତ କୁମାର ପ୍ରଧାନଙ୍କଙ୍କ ନେତୃତ୍ବରେ ସଂଘର ସଭାପତି ଅକ୍ରୁର ବେହେରା ଉପଦେଷ୍ଟା ଅବୁ ବୋକର ଖାନ୍, ସମ୍ପାଦକ ପ୍ରସାନ୍ତ ପ୍ରଧାନ,  ସଭ୍ୟ ଆଶିଷ ବିହାରୀ ଠାକୁର, ବିଜୟ ଆଚାର୍ଯ୍ୟ, ସିଦ୍ଧେଶ୍ଵର ଗିରି, ଅଭିମନ୍ୟୁ ନାୟକ, ଗୋପାଳ ମେହେର, ବୁନୁ ରଥ, ଭରତ ଡାଙ୍ଗ, ପ୍ରଭଞ୍ଜନ ପୁରୋହିତ ପ୍ରମୁଖ ଆଜି ବିଧାୟକଙ୍କ 

ଅମୂର୍ଡା ସ୍ଥିତ ବାସଭବନ ବିଜେପି କାର୍ଯ୍ୟାଳୟକୁ ଯାଇ ବିଧାୟକ ଶ୍ରୀ ଡ଼ାଙ୍ଗଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଦେଇ ସମ୍ବର୍ଦ୍ଧିତ କରି ଶୁଭକାମନା ଜଣାଇଥିଲେ । ଏଇ ଅବସରରେ କଣ୍ଟାମାଳ ନିର୍ବାଚନ ମଣ୍ଡଳୀର ଉନ୍ନତି ଓ ବିକାଶ ପାଇଁ ସଂଘର ସଦସ୍ୟ ମାନେ ବିଧାୟକଙ୍କ ସହ ଆଲୋଚନା କରିଥିଲେ ଏବଂ ଖବର ପ୍ରସାରଣ ଓ ପରିବେଷଣ କ୍ଷେତ୍ରରେ ସାମ୍ବାଦିକ ମାନଙ୍କୁ ସହଯୋଗ କରିବା ପାଇଁ ବିଧାୟକଙ୍କୁ କହିଥିଲେ l ସେ ତଥା 

ବିଜେପି ସରକାର ନିର୍ବାଚନ ମଣ୍ଡଳୀ ତଥା ରାଜ୍ୟର ସର୍ବାଙ୍ଗୀନ ଉନ୍ନତି ପାଇଁ ବଦ୍ଧପରିକର, ନିର୍ବାଚନ ମଣ୍ଡଳୀର ଯେଉଁ ଅଞ୍ଚଳ ବିକାଶ କ୍ଷେତ୍ରରେ ପଛରେ ଅଛି ସେ ଅଞ୍ଚଳକୁ ଅଗ୍ରାଧିକାର ଦେଇ ସମସ୍ତ ଅଞ୍ଚଳର  କାମ କରିବେ ଏବଂ ସାମ୍ବାଦିକ ମାନେ ନିର୍ଭୀକ ଭାବେ ଖବର ସଂଗ୍ରହ ଉପରେ ତାଙ୍କ ସରକାର ଗୁରୁତ୍ୱାରୋପ କରୁଥିବା କହିଥିଲେ । ବିଧାୟକ ଆହୁରି ମଧ୍ୟ କହିଛନ୍ତି ୱେବ୍ ମିଡ଼ିଆ ସବୁବେଳେ ଖବର ସଂଗ୍ରହ କରିବାରେ ଆଗରେ ଅଛି ସାରା ଓଡ଼ିଶାରେ ତେଣୁ ୱେବ୍ ମିଦିଆକୁ ମୁଁ ମଧ୍ୟ ପ୍ରାଧାନ୍ୟ ଦେବି ବୋଲି ସୂଚନା ଦେଇଛନ୍ତି।