27-Jun-2024

ତୁଷୁରା(ପଞ୍ଚାନନ ନାଏକ ): ବଲାଙ୍ଗିର ଜିଲ୍ଲା ଅନ୍ତର୍ଗତ ଜାମୁଟ ସରକାରୀ ଉଚ୍ଚ ବିଦ୍ୟାଳୟକୁ ଯୁକ୍ତ ଉନ୍ନତ ତାଲିକାରୁ ବାଦ ପଡିବା ପରେ ପୁରାତନ ଛାତ୍ର ସଂଘ ପକ୍ଷରୁ ତିବ୍ର ଅସନ୍ତୋଷ ପ୍ରକାଶ ପାଇବା ଯାଉଛି । ସୂଚନା ଅନୁଯାୟୀ ହାଇସ୍କୁଲକୁ ଯୁକ୍ତ ଦୁଇକୁ ଉନ୍ନତି କରିବା ପାଇଁ  ଗଣଶିକ୍ଷା ବିଭାଗ ପକ୍ଷରୁ   ରାଜ୍ୟ ବିଭିନ୍ନ ଜିଲ୍ଲାକଙ ୭୯ଟି ହାଇସ୍କୁଲକୁ ଯୁକ୍ତ ଦୁଇକୁ ଉନ୍ନିତ କରିବା ପାଇଁ  ଅନୁମୋଦନ କରିବା ସହ ବଲାଙ୍ଗିର  ଜିଲ୍ଲା ମଧ୍ୟ ବିଭିନ୍ନ ବ୍ଳକ ୭ଟି ହାଇସ୍କୁଲକୁ ଉଚ୍ଚ ମାଧ୍ୟମିକ ବିଦ୍ୟାଳୟ ଖୋଲିବାକୁ ଅନୁମୋଦନ  କରାଯାଇଥିବା ସୂଚନା ମିଳିଛି । ହେଲେ ପୂର୍ବତନ ଜଳ ସମ୍ପଦ ପରିବହନ ତଥା ବାଣିଜ୍ୟ ମନ୍ତ୍ରୀ ଟୁକୁନି ସାହୁଙ୍କ ନିଜ ପୌଷ୍ୟ ବିଦ୍ୟାଳୟକୁ ଯୁକ୍ତ ଦୁଇ ଉନ୍ନତି ତାଲିକାରୁ ବାଦ ଦିଆଯାଇଥିବାରୁ ପୁରାତନ ଛାତ୍ର ସଂଘ ତଥା ଅଭିଭାବକ ମହଳରେ ତିବ୍ର ଅସନ୍ତୋଷ ପ୍ରକାଶ ପାଇଛି। ଜାମୁଟ ହାଇସ୍କୁଲକୁ ଉଚ୍ଚ ମାଧ୍ୟମିକ ବିଦ୍ୟାଳୟକୁ ଉନ୍ନତି କରିବା ପାଇଁ ଦୀର୍ଘ ଦିନ ହେବ ଦାବି ହେଉ ଆସୁଥିବାବେଳ ସହ  ଶ୍ରୀମତୀ ସାହୁଙ୍କୁ ମଧ୍ୟ ଏହି ବିଷୟରେ ଜଣାଇବାରୁ  ଉନ୍ନତି କରିବା ପାଇଁ ପ୍ରତିଶ୍ରୁତି ମଧ୍ୟ ଦେଇଥିଲେ ।ହେଲେ ୨୦୨୪-୨୫  ଯୁକ୍ତଦୁଇ ଉନ୍ନିତ ତାଲିକାରୁ ଜାମୁଟ ହାଇସ୍କୁଲକୁ ବାଦ ପଡିଥିବାରୁ ତିବ୍ର ଅସନ୍ତୋଷ ପ୍ରକାଶ କରିବା ସହ ଜାମୁଟ ଭଲି ଆଦିବାସୀ ଅଧ୍ୟୁଷିତ ଉପାନ୍ତ ଅଞ୍ଚଳକୁ ଶିକ୍ଷା କ୍ଷେତ୍ରରେ ବହିମାତୃକ ମନୋଭାବ ରଖି ଅଣଦେଖା କରିଥିବାରୁ ପୁରାତନ ଛାତ୍ର ସଂଘ ଅଭିଯୋଗ କରିବା ସହ ନୂତନ ବିଜେପି ସରକାର ସମସ୍ୟାକୁ ଗୁରୁତର ସହ ନେଇ  ଯଥାଶୀଘ୍ର ସମସ୍ୟା କରିବାକୁ ଦାବି ପୁରଣ କରାଯାଉ ନଚେତ ବାଧ୍ୟ ହୋଇ ରାଜରାସ୍ତାକୁ ଉହ୍ଳାଇବୁ ବୋଲି  ପୁରାତନ ଛାତ୍ର ସଂଘର ସଦସ୍ୟମାନେ ଚେତାବନୀ ଦେଇଛନ୍ତି ।