22-Jun-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ):  କଣ୍ଟାମାଳ ଅବକାରୀ ବିଭାଗ ଦ୍ୱାରା ଚୋରା ମଦ ଜବତ କରିବା ସହ ଜଣକୁ ଗିରଫ କରି କୋର୍ଟ ଚାଲାଣ କରିଥିବା କଣ୍ଟାମାଳ ଅବକାରୀ ଥାନା ପକ୍ଷରୁ ଜଣାପଡ଼ିଛି | ସୂଚନା ଅନୁସାରେ କଣ୍ଟାମାଳ ଥାନା ଲମ୍ବସାରୀ ପଞ୍ଚାୟତ ଅନ୍ତର୍ଗତ ସାନଝାରମୁଣ୍ଡା ଗ୍ରାମ୍ୟ ରାସ୍ତାରେ ଅବକାରୀ ଥାନାଧିକାରୀ ସୂର୍ଯ୍ୟକାନ୍ତ ମଲିକ ପେଟ୍ରୋଲିଙ୍ଗ କରୁଥିବା ସମୟରେ ସେହିରାସ୍ତା ଦେଇ ଯାଉଥିବା ଜନୈକ ବ୍ୟକ୍ତିଙ୍କୁ ସନ୍ଦେହରେ ଅଟକାଇ ଯାଞ୍ଚ କରିଥିଲେ l ଯାଞ୍ଚ ବେଳେ ସନ୍ଦିଗ୍ଧ ବ୍ୟକ୍ତିଙ୍କ ନିକଟରୁ  ମଦ ଜବତ କରିଥିଲେ | ଜବତ ଦେଶୀ ମଦର ପରିମାଣ 15 ଲିଟର ହୋଇଥିବା ବେଳେ ଗିରଫ ଅଭିଯୁକ୍ତ ଜଣକ ହେଲେ  ଚମ୍ପେଶ୍ୱର ନାଗ(୩୨) ବୋଲି ବିଭାଗ ପକ୍ଷରୁ ସୂଚନା ମିଳିଛି | ଏ ସଂକ୍ରାନ୍ତରେ କଣ୍ଟାମାଳ ଅବକାରୀ କାର୍ଯ୍ୟାଳୟରେ ୨୮/୨୦୨୪-୨୫ରେ ଏକ ମାମଲା ରୁଜ୍ଜୁ କରାଯାଇ ଅଭିଯୁକ୍ତ ଚମ୍ପେଶ୍ୱର କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ ସୂର୍ଯ୍ୟକାନ୍ତ ମଲିକ ସୂଚନା ଦେଇଛନ୍ତି |