16-Jun-2024

ବଲାଙ୍ଗୀର ଜିଲ୍ଲା ସିନ୍ଧେକେଲା ଅଞ୍ଚଳରେ କିଛି ବର୍ଷ ହେବ ବହୁ ସଂଖ୍ୟକ ମାଙ୍କଡ ପଲ ଗାଁ ମୁହାଁ ହେବାଫଳରେ ଲୋକେ ନାହିଁ ନ ଥିବା ହଇରାଣ ହରକତ ହେଉଥିବା ସାଧାରଣ ଘଟଣା ପାଲଟିଛି। କେତେବେଳେ ମାଙ୍କଡ ମାନେ କାହା ବାଡି ବଗିଚାକୁ ପଶି ବ୍ୟାପକ ଭଙ୍ଗାରୁଜା କରୁଛନ୍ତି ତ କେତେବେଳେ ଶିଶୁ ଓ ମହିଳା ମାନଙ୍କୁ ମାଡ ମାରୁଥିବା ଦେଖାଯାଇଛି। ଫଳରେ ମାଙ୍କଡ ଦେଖିବା ମାତ୍ରେ ଛୋଟ ଛୋଟ ଛୁଆମାନେ ଲୋକେ ଢେଲାପଥର ମାଡ଼ କରିବା ସହ ସ୍ଥଳ ବିଶେଷରେ ଲୋକେ ମଧ୍ୟ ଠେଙ୍ଗା ବାଡ଼ି ଧରି ମାଙ୍କଡ ମାନଙ୍କୁ ଡରାଇ ଭଗାଉଥିଲେ। ଏ ବିଷୟରେ ସମ୍ବାଦ ବାରମ୍ବାର ଖବର ପରିବେଷଣ କରି ବିଭାଗୀୟ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରିଥିଲା। ଏହାକୁ ନଜରରେ ରଖି ଜଙ୍ଗଲ ବିଭାଗ ସିନ୍ଧେକେଲା ଅଞ୍ଚଳର ପାହାଡ଼ ମାନଙ୍କରେ ବହୁ ମାତ୍ରାରେ ବନି କରଣ ମଧ୍ୟ କରିଛନ୍ତି। କିନ୍ତୁ ତାହା ବଢ଼ିବାରେ ସମୟ ଲାଗୁଥିବା, ନିଆଁ ଲାଗିବା ଓ ପାଣିର ସୁବ୍ୟବସ୍ଥା ନ ଥିବାରୁ ଯୋଉ ମାତ୍ରାରେ ଗଛ ବଢିବା କଥା ବଢି ପାରୁନାହିଁ। ତେଣୁ ବାଧ୍ୟ ହୋଇ ମାଙ୍କଡ ମାନେ ପାଣି ଓ ଖାଦ୍ୟ ଅନ୍ବେଷଣରେ ଗାଁ ମୁହାଁ ହେଉଛନ୍ତି। ଏହାର ଏକମାତ୍ର ସମାଧାନ ପାହାଡ଼ ମାନଙ୍କରେ ହୋଇଥିବା ବନିକରଣ କୁ ଭଲଭାବରେ ଯତ୍ନ ନେଇ ଜଙ୍ଗଲ ସୃଷ୍ଟି କରିବା। ଧିରେ ଧିରେ ଲୋକେ ବି ଏକଥା ବୁଝି ଗଲେଣି ସେଥିପାଇଁ ତ ଏବେ ଢେଲାପଥର ବଦଳରେ ଖାଦ୍ୟ ଦେଉଥିବା ଦେଖାଦେଇଛି। (ଅନୀଲ କୁମାର ତ୍ରିପାଠୀ )