14-Jun-2024

ସୋନପୁର ( ମନୋରଞ୍ଜନ ତ୍ରିପାଠୀ )
ବିଶ୍ୱ ରକ୍ତଦାତା ଦିବସ 2024 ପାଳନ ଅବସରରେ ଜିଲ୍ଲା ମୁଖ୍ୟ ଚିକିତ୍ସାଳୟ ତାଲିମ ପ୍ରକୋଷ୍ଠ ସମ୍ବୁଖ ରେ ଆଜି ଏକ ସଚେତନତା ସଭା ଅନୁଷ୍ଠିତ ହୋଇ ଯାଇଅଛି l  ଜିଲ୍ଲା ମୁଖ୍ୟ ଜନ ସ୍ୱାସ୍ଥ୍ୟ ଅଧିକାରୀ ଡା, ଦୁର୍ଗା ଦତ୍ତ  ଦାଶ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ  ଏହି ସଭାରେ  ଜିଲ୍ଲା ରକ୍ତ କେନ୍ଦ୍ର ଅଧିକାରୀ ଡା .ମାନସ ଦାଶ, ଜାତୀୟ ସ୍ୱାସ୍ଥ୍ୟ ମିଶନ ର DAM  ଶ୍ରୀ ସୁନୀଲ ପଣ୍ଡା AMCP ତାରିଣୀସେନ ପଧାନ, ସ୍ବଚ୍ଛ ଭାରତ ସଂଗଠନ ର ସଭାପତି ଶlୟଦ ଅଲିମୁଲ ଇସଲାମ, ଜିଲ୍ଲା ରକ୍ତ ଦାତା ସେବା ସଂଘ ସଭାପତି ମନୋଜ ପଣ୍ଡା ଉପସ୍ଥିତ ରହି ବିଶ୍ୱ ରକ୍ତ ଦାନ ଦିବସ ର ଉଦ୍ଦେଶ୍ୟ ଓ ଲକ୍ଷ୍ୟ ବିଷୟ ରେ ସଚେତନ କରାଇ ଥିଲେ l

ଜିଲ୍ଲା ଅତିରିକ୍ତ ଜନ ସ୍ୱାସ୍ଥ୍ୟ ଯୋଗାଯୋଗ ଅଧିକାରୀ ବୃନ୍ଦାବନ ସାହୁ ଙ୍କ ସଂଯୋଜନା ରେ ଅନୁଷ୍ଠିତ ସଭାରେ ରାମ ଧୁନ କ୍ଳବ୍, ଟିକ୍ରି ପଡ଼ା କ୍ଲବ୍, ସ୍ବଚ୍ଛ ଭାରତ ସମେତ ଅନେକ ସ୍ବେଛାସେବୀ ସଂଗଠନ ଓ ରକ୍ତ ଦାତା ରୂପେଶ ବଗର୍ତ୍ତୀ, ବ୍ଲଡ ବ୍ୟାଙ୍କ୍ କର୍ମଚାରୀ ଜଗତ ଦରୱାନ ଓ ଅନେକ ବ୍ୟକ୍ତି ବିଶେଷ କୁ ସମ୍ବର୍ଦ୍ଧନା କରାଯାଇ ଥିଲା l ଉକ୍ତ ସଭାରେ ସରକାରୀ ମହିଳା ସ୍ୱାସ୍ଥ୍ୟକର୍ମୀ ତାଲିମ କେନ୍ଦ୍ର ର ଛାତ୍ରୀ , ସ୍ବଚ୍ଛ ଆଶାକର୍ମୀ, ଅଙ୍ଗନୱାଡିକର୍ମୀ, ସ୍ୱଚ୍ଛ ଭାରତ ସଂଗଠନ ସୋନପୁର ମନମୁଣ୍ଡା, ରକ୍ତ ଦାତା ସଙ୍ଗଠନ ର ସମସ୍ତ କର୍ମକର୍ତ୍ତା ତଥା ସ୍ୱାସ୍ଥ୍ୟ ବିଭାଗ ର କର୍ମଚାରୀ ସବୁ ଉପସ୍ଥିତ ଥିଲେ l  ସ୍ଵଛ ଭାରତ ସଂଗଠନ ର ସଂଯୋଜକ ମନୋରଞ୍ଜନ ତ୍ରିପାଠୀ ଏହି ଦିବସ ର ପାଳନ ଉପରେ ଆଲୋକପାତ କରିଥିଲେ l  ଶେଷରେ ଜିଲ୍ଲା ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ l ସ୍ବାସ୍ଥ୍ୟ କର୍ମୀ ସୁଜାତା ହୋତା ରକ୍ତ ଦାନ ଉପରେ ଏକ ସଚେତନତା କବିତା ପାଠ କରିଥିଲେ l