13-Jun-2024

ବଲାଙ୍ଗୀର( ପ୍ରେରଣା ଖବର )
ବଲାଙ୍ଗୀର ସହରର ସର୍ବପୁରାତନ ମହାରାଣୀସାଗରର ଉନ୍ନୟନକାମ ଚାଲୁରହିଛି । ପ୍ରାୟ ୧୨କୋଟି ଟଙ୍କାର ଅମୃତ ୨.୦ ଯୋଜନାର ଅନୁଦାନରେ ଚାଲିଥିବା ଏହିକାମର ଅଗ୍ରଗତୀର କେତେ ରହିଛି ତାହାର ତଦାତଖ କରିବାକୁ ଆଜି ବଲାଙ୍ଗୀର ନବନିବର୍ବାଚିତ ବିଧାୟକ କଳିକେଶନାରାୟଣ ସିଂଦେଓ ପହଞ୍ଚିଥିଲେ । ସେଠାରେ ମାଟିଉନ୍ନତିକରଣ କାମ ଦେଖିବା ସହିତ ବର୍ଷାପୂର୍ବରୁ ମାଟିକାମ ସାରି ବର୍ଷାପାଣିର ଇନଫ୍ଲୋ(ଆଗମନ) ଓ ଆଉଫ୍ଲୋ(ନିର୍ଗମନ) କିଭଳି ଠିକରେ ହେବ ସେନେଇ ପଦକ୍ଷେପ ନେବାକୁ ଉପସ୍ଥିତ ଯନ୍ତ୍ରୀମାନଙ୍କୁ ପରାମର୍ଶ ଦେଇଥିଲେ । ବର୍ଷା ସମୟରେ ସ୍ଥାନୀୟ ଲୋକଙ୍କର ଯେଭଳି ଅସୁବିଧା ନହୁଏ ସେଥିପ୍ରତି ଯତ୍ନବାନ ହେବାକୁ କହିଥିଲେ । ସ୍ଥାନୀୟ ଲୋକମାନେ ମଧ୍ୟ ଆସି କାମ ଉପରେ କଳିକେଶଙ୍କ ସହ ଆଲୋଚନା କରିଥିଲେ । ଏବେ ମହରାଣି ସାଗରରେ ଚାରିକଡେ ଏକ ଡ୍ରେନସହିତ ରାସ୍ତାକାମ ଚାଲିଛି । ବାହାରରୁ ଆସୁଥିବା ପଡାମାନଙ୍କର ଡ୍ରେନପାଣି କିଭଳି ମରାରାଣୀସାଗରରେ ନମିଶିବ ସେନେଇ ବାହାର ପଟେ ଡ୍ରେନନିର୍ମାଣ ଚାଲିଛି । ମହାରାଣିସାଗରର ସବୁ ଅଞ୍ଚଳରୁ ମାଟି ଓ ପଙ୍କ ଠିକରେ ନେବାକୁ ମଧ୍ୟ ବିଧାୟକ କଳିକେଶ କହିଥିଲେ । ମାଟିକାମ ପରେ ସୌନ୍ଦର୍ଯ୍ୟକରଣ କରାଯିବାକୁ ପ୍ରସ୍ତାବ ରହିଛି । ରୁଗୁଡିପଡା,ସାଗରପଡାଠୁ ନେଇ ଇଚ୍ଛାପଡା,ଇନ୍ଦିରାନଗର ପର୍ଯ୍ୟନ୍ତ ଗାଗରର କଡେକଡେ ଏକ ଚଉଡା ରାସ୍ତା ମଧ୍ୟ ନିର୍ମାଣ ଚାଲିଛି । ବିଧାୟକଙ୍କ ଏହି ସମୀକ୍ଷା ସମୟରେ ଏହି କାମର କନସଲଟେଣ୍ଟ କାର୍ତ୍ତିକ ସାହୁ ଓ ପୌରପାଳିମାର ଯନ୍ତ୍ରୀ ଇଂ.ପ୍ରଶାନ୍ତ ନାଏକ ଉପସ୍ଥିତ ରହି ବିଧାୟକଙ୍କୁ କଲାମ ବିଷୟରେ ଅବଗତ କରାଇଥିଲେ । ଏହି କାମକୁ ସ୍ଥାନୀୟ ଅଞ୍ଚଳର ମହିଳାସ୍ୱୟଂସହାୟିକା ଗୋଷ୍ଠୀ ଜରିଆରେ କରାଯାଉଛି । ୧୧୦ଟି ସ୍ୱୟଂସହାୟିକା ଗୋଷ୍ଠୀର ମିଳିତ ଅନୁକୂଲ୍ୟରେ ମାଟିକାମ କରାଯାଉଛି । ଜେସିବି ଓ ହାଇୱା ଲଗାଇ ପୋତିହୋଇଥିବା ୬ଫୁଟର ପୁରାତନ ପଙ୍କ ଓ ମାଟି କଢାଯାଉଛି । ଆଗକୁ ହିଡଗୁଡିକର ସୌନ୍ଦର୍ଯ୍ୟକରଣ କରାଯିବାର ପ୍ରସ୍ତାବ ରହିଛି । ବିଧାୟକଙ୍କ ଏହି ସମୀକ୍ଷା ସମୟରେ ପୌରାଧ୍ୟକ୍ଷା ଲିକା ସାହୁ,ଉପାଧ୍ୟକ୍ଷା ଗାୟତ୍ରୀ ଭୋଇ,୧୮ନମ୍ବର ୱାର୍ଡର କାଉନସିଲର ଗଙ୍ଗାଧର ଚାନ୍ଦ,ସ୍ଥାନୀୟ ଅଞ୍ଚଳର ଓଁକାର ନାୟକ,ନରସିଂହ ବାଘ,ଶିବ ବେହେରା,ବନମାଳି ପୋଢ,ଦେବଦତ୍ତ ବେହେରା,ବିଭୁତିଭୁଷଣ ମିଶ୍ର ପ୍ରମୁଖଙ୍କ ସହ ଶତାଧିକ ବ୍ୟକ୍ତିବିଶେଷ ଉପସ୍ଥିତ ରହିଥିଲେ ।