13-Jun-2024

ନବରଙ୍ଗପୁର  (ମିହିର ଶଙ୍କର ପାତ୍ର,)
ଓଡ଼ିଶାରେ ବର୍ତ୍ତମାନ ବିଜେପି ସରକାର। ନବରଙ୍ଗପୁର ଜିଲ୍ଲାର ୪ ବିଧାନସଭାରୁ ୩ଟି ବିଜେପି ଅକ୍ତିଆର କରିନେଇଛି। ଯାହାଫଳରେ ବେପାରୀ ଓ ଠିକାଦାର ଏବେ ବିଜେପି ମୁହାଁ ହୋଇଛନ୍ତି। କାରଣ ବ୍ୟବସାୟକୁ ସୁରକ୍ଷିତ ରଖିବା ଲାଗି କ୍ଷମତା ଜୁଆଡେ, ସେମାନେ ସେଇଆଡେ ଢଳନ୍ତି। ଏହା ଆମେ କହୁନୁ କଂଗ୍ରେସ କ୍ଷମତାରେ ଥିବା ବେଳେ ବେପାରୀ ଓ ଠିକାଦାର କଂଗ୍ରେସ ନେତାଙ୍କ ପଛେ ପଛେ ଛାଇ ଭଳି ରହି ଫାଇଦା ଉଠାଉଥିଲେ। ପରେ ବିଜେଡି କ୍ଷମତାକୁ ଆସି ଥିଲା । ଦୀର୍ଘ ୨୫ ବର୍ଷ ଶାସନରେ ପୁଣି ସେହି ବେପାରୀ ଓ ଠି କାଦାରମାନେ ବିଜେଡିରୁ ଫାଇଦା ଉଠାଇଥିଲେ। ଦଳର ତୃଣମୂଳସ୍ତରରୁ ଜିଲ୍ଲାସ୍ତରୀୟ ସଂଗଠନର ପ୍ରମୁଖ ପଦପଦବୀରେ ରହି ଲାଭ ପାଇଥିଲେ। କେତେକ ବେପାରୀ ଓ ଠିକାଦାର ଆଗକୁ ନଆସି ଦଳ ପଛରେ ରହି କାମ କରୁଥିଲେ। ଏବେ ବିଜେପି ସରକାର ଗଢିବାରୁ ବେପାରୀ ଓ ଠିକାଦାର ମାନେ ପଦ୍ମ ଆଡ଼କୁ ଢଳିବା ଆରମ୍ଭ କରି ଦେଇଥିବା ଚର୍ଚ୍ଚା ଜୋର୍ ଧରିଛି। କିଏ ନିର୍ବାଚନ ପରିଚାଳନା ସ୍ଥିତିକୁ ଦେଖି ଭୋଟ ଗଣତି ଆଗରୁ ବିଜେପିରେ ସାମିଲ ହୋଇଛନ୍ତି ତ ଆଉ କିଏ ଭୋଟ ଗଣତି ପରେ ଦଳରେ ସାମିଲ ହେବାକୁ ବାଟ ଖୋଜିବା ଆରମ୍ଭ କରି ଦେଇ ଦଇଛନ୍ତି । କାରଣ ତୃଣମୂଳସ୍ତରରେ ରାଜନେ ଜନେତାଙ୍କଠାରୁ ବେପାରୀ ଓ ଠିକାଦାରମାନେ ନିଜ ଅଞ୍ଚଳରେ ଦବ୍ଦବା ରଖିଛନ୍ତି । ଅନେକ  କ୍ଷେତ୍ରରେ ଅମୁକ ନେତାଙ୍କ ଲୋକ, ସମୁକ ନେତାଙ୍କ ପାଖଲୋକ ବୋଲି ନିଜସ୍ବାର୍ଥ ସାଧନ ପାଇଁ ସରକାରୀ କର୍ମଚାରୀଙ୍କୁ ମନାଇବାରେ ସଫଳ ହେଉଛନ୍ତି। ବାସ୍ତବରେ କିନ୍ତୁ ସେମାନେ ଦଳଗୁଡିକ ପାଇଁ କର୍ମୀ କିମ୍ବା ମାନବ ସମ୍ଭଳ ଭାବେ କାମରେ ଲାଗି ନାହାନ୍ତି । ବରଂ ଠିକା ରାଜନୀତିରେ ଦଳ ଓ ଦଳୀୟ ସଂଗଠନ ଗୁଡିକ ଦିନକୁ ଦିନ ଦୁର୍ବଳ ହୋଇପଡୁଛି। ଅର୍ଥ ଲୋଭରେ ଜନସେବା ବଦଳରେ ନେତା ଓ କର୍ମୀ ଠିକା ରାଜନୀତିକୁ ଆପଣାଇ ଥିବାରୁ ଜନହିତ ପାଇଁ ରାଜନୀତି ପଥଚ୍ୟୁତ ହୋଇପଡିଛି। ଆଗାମୀ ଦିନରେ ବିଜେପି କେତେ ସଂଖ୍ୟାରେ ବେପାରୀ ଓ ଠିକାଦାରଙ୍କୁ ଦଳରେ ସାମିଲ କରି ପାରମ୍ପରିକ ଠିକାରାଜନୀତିକୁ ପ୍ରୋତ୍ସାହିତ କରୁଛି,ନା ଜନତାଙ୍କ ହିତ ପାଇଁ କାମ କରୁଛି ତାହାର ଚିତ୍ର ସ୍ପଷ୍ଟ ହୋଇଯିବ।

ବିଦ୍ର -ବିଜେପି ସରକାର ଗଠନ କରିବା ପରେ ବର୍ତ୍ତମାନ ବେପାରୀ ଏଵଂ ଠିକାଦାର ମାନଙ୍କ ପାଇଁ କାମ କରିବ ନା ଜନହିତରେ..???