12-Jun-2024

ଡୁଙ୍ଗୁରିପାଲ(ଅରବିନ୍ଦ ମିଶ୍ର)-ଏହି ବ୍ଲକର  କୁଢାରିକଟା ଗ୍ରାମରେ ଜଣେ ଯୁବକ ପୋଖରୀରେ ବୁଡି ମୃତ୍ୟୁ ହୋଇଥିବା ଜଣାଯାଏ । ମିଳିଥିବା ସୂଚନା ଅନୁସାରେ ରାଉରକେଲାର ପଡୁ କୁମ୍ଭାରଙ୍କ ପୁଅ  ନକୁଳ କୁମ୍ଭାର କୁଢାରିକଟା ଆସିଥିଲେ । ସେ ଆଜି ପୋଖରୀରେ ବୁଡି ଯାଇଥିବା ଏବଂ ତାଙ୍କ ମୃତ ଦେହକୁ କେହି ଡାକ୍ତରଖାନା ଆଣିଥିବା ଜଣାଯାଏ । ମୃତ ନକୁଳ କୁମ୍ଭାର କୁଢାରିକଟା ଗ୍ରାମର ଜନୈକ ବ୍ୟକ୍ତିଙ୍କ ଝିଅ ସହିତ ନିର୍ବନ୍ଧ ଠିକ୍ ହୋଇଥିବା ଏବଂ ସେ ତାଙ୍କ ଘରକୁ ଆସିଥିବା ଆଲୋଚନା ହେଉଛି । ଏହି ସମୟରେ ତାଙ୍କର ପୋଖରୀରେ ବୁଡି କିପରି ମୃତ୍ୟୁ ହେଲା କେହି ସଠିକ୍ କହିପାରୁ ନାହାନ୍ତି l ତାଙ୍କୁ କିଏ ଡାକ୍ତରଖାନା ଆଣିଥିଲା ତାହା ମଧ୍ୟ ଜଣାପଡୁ ନାହିଁ । ଗ୍ରାମର କିଛି ବ୍ୟକ୍ତି ସେଠାରେ ରହିଥିବା ବେଳେ ରାଉରକେଲାରୁ ତାଙ୍କ ପରିବାର ଲୋକେ ଆସୁଥିବା ସେମାନେ ରାସ୍ତାରେ ରହିଛନ୍ତି । ସେମାନେ ଆସିଲେ ସମସ୍ତ ଘଟଣା ଜଣା ପଡିବ । ଖବର ଲେଖା ହେବା ପର୍ଯ୍ୟନ୍ତ ଥାନାରେ ମଧ୍ୟ କୌଣସି ଅଭିଯୋଗ ହୋଇ ନଥିବା ବେଳେ ପରିବାର ଲୋକଙ୍କୁ ସମସ୍ତେ ଅପେକ୍ଷା କରିଛନ୍ତି ।