10-Jun-2024

ଗୁଡଭେଲା/ତୁଷୁରା- ନିଷାନ୍ ସାହିତ୍ୟ ସଂସଦ ତୁଷୁରା, ବଲାଙ୍ଗିର ଆନୁକୂଲ୍ୟରେ ଗତ ରବିବାର ଅପରାହ୍ନ ପାଞ୍ଚଟା ସମୟରେ *ପରିବେଶ ସୁରକ୍ଷା, ଜୀବନ୍ ରକ୍ଷା* ଶୀର୍ଷକ ଦଶମ ଅଠାରି କବିତା ଆସର୍ ଓ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ସଂସଦର ସଭାପତି ଶ୍ରୀ ଶ୍ଯାମ ସୁନ୍ଦର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସଂପାଦକ ଆଶୁକବି ହେମନ୍ତ ଦାଶ ସଭା ସଞ୍ଚାଳନ କରିଥିଲେ। ଏଥିରେ କୋଶଳ ସାହିତ୍ୟ ଏକାଡେ଼ମୀ ର ସଭାପତି ଶ୍ରୀ ଦେବେନ୍ଦ୍ର ନାଏକ ମୁଖ୍ୟ ଅତିଥି ଭାବେ ଯୋଗ ଦେଇ ପରିବେଶ ସୁରକ୍ଷା ର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ମୁଖ୍ୟ ବକ୍ତା ଭାବେ କୋଶଲି ଡେରା ର ସଂପାଦକ ଶ୍ରୀ ଲାଲଚନ୍ଦ ବଗର୍ତ୍ତୀ ଯୋଗ ଦେଇ ପରିବେଶ ସୁରକ୍ଷା ପାଇଁ କବିମାନେ ଲେଖନୀ ଚାଳନା କରି ସଚେତନ କରିବା ସହ ସମସ୍ତ ଜନସାଧାରଣ ସହ ମିଶି ବୃକ୍ଷ ରୋପଣ ପାଇଁ ଆଗଭର ହେବାକୁ ଆହ୍ଵାନ ଦେଇଥିଲେ। ବିଶିଷ୍ଟ କବି ଓ ଲେଖକ ଶ୍ରୀ ରାଜୀବ ପ୍ରସାଦ ଭୋଇ ସମ୍ମାନିତ ଅତିଥି ଭାବେ ଯୋଗ ଦେଇ ନିଜେ କାଲକୁଟ ଜଙ୍ଗଲରେ ପାଞ୍ଚ ହଜାର ଆମ୍ଵ ଗଛ ଜଗେଇଥିବା କଥା କହି ଅନ୍ୟ ମାନଙ୍କୁ ବୃକ୍ଷ ରୋପଣ କରିବା ପାଇଁ ଉତ୍ସାହିତ କରିଥିଲେ। ସଭାରେ ଉପସ୍ଥିତ ଶ୍ରୀ ନାଏକ, ଶ୍ରୀ ବାଗ ଓ ଶ୍ରୀ ଭୋଇ ସାହିତ୍ୟ ମାଧ୍ୟମରେ  ସମାଜକୁ ସୁଧୁରେଇବା ପାଇଁ ନିଷାନ୍ ର ଏଭଳି ଅଭିନବ ଉପାୟକୁ ଭୂୟସୀ ପ୍ରଶଂସା କରିଥିଲେ। ସଭା ପ୍ରାରମ୍ଭରେ କଣ୍ଠଶିଳ୍ପୀ ଶ୍ରୀ ଖଗେଶ୍ବର ବାଗ ଆବାହନୀ ସଂଗୀତ ପରିବେଷଣ କରିଥିବା ବେଳେ ସଭା ଶେଷରେ ବରିଷ୍ଠ କବି ଗୋପୀକୃଷ୍ଣ ପାଣ୍ଡିଆ ଧନ୍ୟବାଦ ଅର୍ପଣ କରିଥିଲେ। ନିଷାନ୍ ର ମୁଖ୍ୟ ଉପଦେଷ୍ଟା ଶ୍ରୀ ସୋମନାଥ ମିଶ୍ର ଓ ଯୁଗ୍ମ ସଂପାଦକ କୃଷ୍ଣେନ୍ଦୁ ହୋତା ସଭା ପରିଚାଳନା ରେ ସଂପୂର୍ଣ୍ଣ ସହଯୋଗ କରିଥିଲେ। ଏହି ଅବସରରେ ବିଶିଷ୍ଟ ଶିକ୍ଷାବିତ ପ୍ରାକ୍ତନ ପ୍ରଧାନ ଶିକ୍ଷକ ସ୍ଵର୍ଗତ ଡିଙ୍ଗର ଷଡ଼ଙ୍ଗୀଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରିଥିଲେ ଏବଂ  ବିଶିଷ୍ଟ କବି ଗୋପୀକୃଷ୍ଣ ପାଣ୍ଡିଆଙ୍କ ଜନ୍ମ ଦିନ ମହା ସମାରୋହରେ ପାଳିତ ହୋଇଥିଲା। ଦ୍ଵିତୀୟ ପର୍ଯ୍ୟାୟରେ ସଂଯୋଜିକା ବବିତା ନାୟକଙ୍କ ସୁନ୍ଦର ସଂଯୋଜନା ରେ କବିତା ଆସର ଅନୁଷ୍ଠିତ ହୋଇଥିଲା। ଏଥିରେ କବି ଅନିଲ କୁମାର ପଣ୍ଡା, ବୈରାଗୀ ସାହୁ, ଗୋପୀକୃଷ୍ଣ ପାଣ୍ଡିଆ, ଦେବେନ୍ଦ୍ର ନାଏକ, ସତ୍ୟ ନାରାୟଣ ମିଶ୍ର, ସୋମନାଥ ମିଶ୍ର, ନେପାଳ ଚନ୍ଦ୍ର ବାଗ, ରାଜୀବ ପ୍ରସାଦ ଭୋଇ, ଆଶୁକବି ହେମନ୍ତ ଦାଶ, ଚମ୍ପିୟାନ ଦାନୀ, ତରଣୀସେନ ନାଗ, କ୍ଷୀରୋଦ୍ର କୁମାର ସାହୁ, କବୟିତ୍ରୀ ସାବିତ୍ରୀ ସାହୁ, ତୃପ୍ତିମୟୀ ତ୍ରିପାଠୀ,ଜ୍ୟୋତିରାଣୀ ମିଶ୍ର, ରଶ୍ମି ପାତ୍ର, ବବିତା ନାୟକ ପ୍ରମୁଖ ସ୍ବରଚିତ କବିତା ପାଠ କରିଥିଲେ।