07-Jun-2024

‌ସମ୍ବଲପୁର-(ସଂଜୀବପାଣିଗ୍ରାହୀ) 
ଓଡ଼ିଶାରେ ଜଣେ ଓବିସିଙ୍କୁ ମୁଖ୍ୟମନ୍ତ୍ରୀ କରିବାକୁ ଗୁରୁବାର ରାଜ୍ୟ ଓବିସି ମଞ୍ଚ ପକ୍ଷରୁ ଦାବି କରାଯାଇଛି। ଚଳିତ ନିର୍ବାଚନରେ ଓବିସି ମାନଙ୍କ ପୁର୍ଣ୍ଣ ସମର୍ଥନରେ ଭାଜପା ସରକାର ଗଠନ କରିଥିବା ବେଳେ ଏଥର ଓଡ଼ିଶା ରାଜ୍ୟ ରେ ଜଣେ ଓବିସି ବର୍ଗର ବ୍ୟକ୍ତି ଙ୍କୁ ମୁଖ୍ୟମନ୍ତ୍ରୀ କରିବାକୁ ଓବିସି ମଞ୍ଚ   ଭାଜପା ନେତୃବୃନ୍ଦ ଙ୍କ ଠାରେ ଦାବି କରିଛି। ସମ୍ବଲପୁର ସାମ୍ବାଦିକ ଭବନ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟ ଓବିସି ମଞ୍ଚ ପକ୍ଷରୁ ଏଭଲି ଦାବି କରାଯାଇଛି। ଏଥିସହ  ବିଗତ 24 ବର୍ଷ ମଧ୍ୟରେ ରାଜ୍ୟ ବିଜେଡି ସରକାର ଓଡ଼ିଶାରେ ଓବିସିଙ୍କୁ ସଂରକ୍ଷଣ ସମେତ ବିଭିନ୍ନ କ୍ଷେତ୍ରରେ ଉପେକ୍ଷା କରି ଆସିଛି। ତେବେ ଏଥର ରାଜ୍ୟ ରେ ପରିବର୍ତନ ଦେଖାଦେଇ ଭାଜପା ସରକାର ଗଠନ କରିବାକୁ ଯାଉଛି। ଓଡିଶାରେ ବର୍ତ୍ତମାନ ପର୍ୟ୍ଯନ୍ତ ଓବିସି ମାନଙ୍କୁ ଚାକିରୀ କିମ୍ବା ଶିକ୍ଷା କ୍ଷେତ୍ରରେ ସଂରକ୍ଷଣ ଲାଗୁ କରାଯାଇଥିଲା। ଏପରିକି ଓଡ଼ିଶାରେ ବର୍ତ୍ତମାନ ପର୍ୟ୍ଯନ୍ତ କୌଣସି ପଛୁଆ ବର୍ଗର ବ୍ଯକ୍ତି ମୁଖ୍ଯମନ୍ତ୍ରୀ ପଦରେ ଅଲଙ୍କ୍ରୁତ ହୋଇ ପାରି ନାହାଁନ୍ତି। ବିଜେଡି ସରକାର ପଛୁଆ ବର୍ଗର ଲୋକଙ୍କୁ ୨୪ ବର୍ଷ ପର୍ୟ୍ଯନ୍ତ ଠକି ଚାଲିଥିବା ନେଇ ରାଜ୍ଯ ଓବିସି ମଞ୍ଚ ଅଭୋଯୋଗ କରାଯାଇଛି। ଗତ ୨୪ ବର୍ଷ ଧରି ରାଜ୍ଯ ରେ ଅମଲାତନ୍ତ୍ର ଶାସନ ଚାଲିଥିବା ବେଲେ ବର୍ତ୍ତମାନ ଭାଜପା ରାଜନୈତିକ ଶାସନ ସ୍ଥାପିତ କରିବାକୁ ଦାବୀ ହୋଇଛି। ଏଣୁ ଓଡ଼ିଶା ରାଜ୍ୟରେ ଓବିସି ଙ୍କ ବିକାଶ ପାଇଁ ଭାଜପା ପକ୍ଷରୁ ଏକ ଓବିସି ଙ୍କୁ ମୁଖ୍ୟମନ୍ତ୍ରୀ କରିବାକୁ ରାଜ୍ୟ ଓବିସି ମଞ୍ଚ ପକ୍ଷରୁ ଦାଵୀ କରାଯାଇଛି। ଆଜିର ସାମ୍ବାଦିକ ସମ୍ମିଲନୀ ରେ ରାଜ୍ଯ ଓବିସି ମଞ୍ଚ ର ସଭାପତି  ଶଙ୍କର ପାତ୍ର,ଚଷା ସମାଜ ର ସଭାପତି କକୁଣାକର ବିଶ୍ବାଲ, ଗୌଡ ସମାଜ ର ସଭାପତି ମନବୋଧ ଭୋଇ, କୁଲତା ସମାଜ ର ଦୀନବନ୍ଧୁ ସାହୁ ପ୍ରମୁଖ ସାମିଲ ହୋଇଥିଲେ।