07-Jun-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବିଜେଡିର ଗଡ଼ କୁହାଯାଉଥିବା କଣ୍ଟାମାଳ ବିଧାନସଭା କ୍ଷେତ୍ରରୁ ପ୍ରଥମ ଥର ପାଇଁ ବିଜେପି ବିଜୟୀ ହୋଇଥିବାରୁ ସାରା ନିର୍ବାଚନ ମଣ୍ଡଳୀରେ କର୍ମୀମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି l ବିଜେପି ପ୍ରାର୍ଥୀ କହ୍ନେଇ ଚରଣ ଡାଙ୍ଗ ବିଜେଡିର ଦୁଇଥର ବିଜେତା ମହୀଧର ରଣାଙ୍କୁ 7ହଜାର 149ଖଣ୍ଡ ଭୋଟରେ ପରାସ୍ତ କରି ବିଜୟୀ ହୋଇଛନ୍ତି l ଏନେଇ ଆଜି ସନ୍ଧ୍ୟାରେ ପଲସlଗୋରା ରୁ ଏକ ବିରାଟ ଶୋଭାଯାତ୍ରା ରେ ଆସି କଣ୍ଟାମାଳ ପହଞ୍ଚିଥିଲେ l କଣ୍ଟାମାଳକୁ ଶ୍ରୀ ଡ଼ାଙ୍ଗ ପହଁଚିବା ପରେ ବିଜେପି ର ଦଳୀୟ ନେତା କର୍ମୀ ଓ ସଧାରଣ ଜନତା ହର୍ଷ ଉଲ୍ଲାସ ମଧ୍ୟରେ ବାଜା, ବାଣ, ରୋଷଣୀ ସହ ବିଭିନ୍ନ ସ୍ଥାନରେ ବିପୁଳ ସମ୍ବର୍ଦ୍ଧନା ଜଣାଇଥିଲେ l ଏହି ବିଜୟ ଶୋଭାଯାତ୍ରା ରେ ଶ୍ରୀ ଡ଼ାଙ୍ଗ ଙ୍କ ସମେତ ପ୍ରାକ୍ତନ ରାଜ୍ୟ ବୟନିକା ସଭାପତି ଶେଷ ଦେବ ମେହେର, ଦୁଇ ନମ୍ବର ଜୋନ ଜିଲ୍ଲାପରିଷଦ ସଭ୍ୟା ଶ୍ରୀମତୀ ପଦ୍ମାଳୟା ପ୍ରଧାନ,ଖମନମୁଣ୍ଡା ସରପଞ୍ଚ ଶ୍ରୀମତୀ ଅଳକା ପ୍ରଧାନ ,ଋଣ୍ଡିମହୁଲ ସରପଞ୍ଚ ପଞ୍ଚାନନ ସାହୁ,ବିଜେପି ନେତା କେଦାରନାଥ ସାହୁ,ଚିତ୍ତ ରଞ୍ଜନ ପାତ୍ର,ଓମପ୍ରକାଶ ମିଶ୍ର,ଶିତିକଣ୍ଠ ମିଶ୍ର,ବିଜିତ ପ୍ରଧାନ,ମଣ୍ଡଳ ସଭାପତି ଅନିଲ ପ୍ରଧାନ,ପିନାକଧର ରଣା, ନିରଞ୍ଜନ କର୍ଣ୍ଣ ସମେତ ବିଭିନ୍ନ ପଞ୍ଚାୟତର ସରପଞ୍ଚ,

ସମିତିସଭ୍ୟ, ୱାର୍ଡସଭ୍ୟ ଓ ଅଞ୍ଚଳର ବହୁ ନେତା କର୍ମୀ ଯୋଗ ଦେଇଥିଲେ l ଶ୍ରୀ ଡ଼ାଙ୍ଗ ପୂର୍ବରୁ ୨୦୧୪ ରୁ କଂଗ୍ରେସ ଦଳର ପ୍ରାର୍ଥୀ ଓ ୨୦୧୯ ରେ ବିଜେପି ପ୍ରାର୍ଥୀ ଭାବେ ନିର୍ବାଚନ ଲଢ଼ି ବିଜେଡ଼ିର ବିଧାୟକ ମହିଧର ରଣାଙ୍କୁ କଡ଼ା ଟକ୍କର ଦେଇ ଆସିଥିବା ଓ ଅଳ୍ପ ବ୍ୟବଧାନ ଭୋଟ ରେ ପରାଜିତ ହୋଇଥିବା ଜଣା ଯାଇଛି l ନୂଆଁ ବିଧାୟକ ଶ୍ରୀ ଡ଼ାଙ୍ଗ ଜଣେ ଉଚ୍ଚ ଶିକ୍ଷିତ ଓ ବୌଦ୍ଧ ଜିଲ୍ଲା ର ଜଣେ ଦକ୍ଷ ବରିଷ୍ଠ ଆଇନଜ୍ଞ ଭାବେ ଖୁବ୍ ଜଣାଶୁଣା ଓ ଜିଲ୍ଲାରେ ଖୁବ୍ ଖାତିର ଥିବା ଯୋଗୁଁ ଏ ଅଞ୍ଚଳ ତଥା ଜିଲ୍ଲାର ଦ୍ରୁତ ବିକାଶ ଦିଗରେ ଆଗେଇ ନେବେ ବୋଲି ସାଧାରଣ ଲୋକଙ୍କ ଦୃଢ଼ ବିଶ୍ୱାସ ଥିବା ଜଣା ଯାଇଛି l ପରେ କଣ୍ଟାମାଳରୁ ମଲିକୁଦ, ଶ୍ରୀମାଲ, ଘଣ୍ଟାପଡା, ଅମ୍ବଗାଁ ହୋଇ ଜିଲ୍ଲାର ସୀମାନ୍ତ ଖୁଣ୍ଟିଗୋରା ପର୍ଯ୍ୟନ୍ତ ଶୋଭାଯାତ୍ରାରେ ଯାଇଥିଲେ l