29-May-2024

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ସୁବର୍ଣ୍ଣପୁର ଜିଲ୍ଲାର ଜଣେ ନିସହାୟ ବୃଦ୍ଧ  ସୁକଦେବ ସାହୁଙ୍କ ବାର୍ଦ୍ଧକ୍ୟଜନିତ ରୋଗରେ ସ୍ଥାନୀୟ ସୋନପୁର ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇ ଯାଇଛି l ଗତକାଲି ବିଳମ୍ବିତ ରାତିରେ ସ୍ଥାନୀୟ ସମାଜସେଵୀ ଓ ବୃଦ୍ଧାଶ୍ରମ ର ସଦସ୍ୟଙ୍କ ସହାୟତାରେ ମୃତ ବୃଦ୍ଧଙ୍କ ମର ଶରୀରକୁ ରାମେଶ୍ବର ସ୍ଥିତ ସ୍ମଶାନରେ ସତ୍କାର କରାଯାଇଛି । ପ୍ରକାଶ ଥାଉ କି,  ସୋନପୁର ଜିଲ୍ଲାର ଏକ ହୋଟେଲରେ ବହୁଦିନ ଆଗରୁ କାର୍ଯ୍ଯ କରି ଆସୁଥିବା କଣ୍ଟାମାଳ ଅଂଚଳର ସୁକଦେବ ସାହୁଙ୍କୁ ସମାଜସେବୀ ମନୋଜ ପଣ୍ଡା ଓ ସାମାଜିକ କର୍ମୀ ପଠାଣ ପଣ୍ଡାଙ୍କ ତତ୍ବାବଧାନରେ ବୃଦ୍ଧାଶ୍ରମରେ ରଖା ଯାଇଥିଲା। କିଛି ଦିନ ଆଗରୁ ସେ ବାର୍ଦ୍ଧକଜନିତ ରୋଗରେ ପୀଡ଼ିତ ଥିଲେ ଓ ଗତକାଲି ମେଡିକାଲରେ ତାଂକ ମୃତ୍ୟୁ ହେଇଥିଲା। ମୃତ ବ୍ୟକ୍ତିଙ୍କ ପରିବାରଵର୍ଗ କେହି ନ ଥିବାରୁ ତାଙ୍କୁ ସୋନପୁର ରାମେଶ୍ବର ସ୍ମଶାନରେ ସତ୍କାର କରାଯାଇଛି। ପୋଲିସ କର୍ମଚାରୀ ତଥା ରକ୍ତଦାତା ମନୋଜ ପଣ୍ଡା ଏ ବୃଦ୍ଧ ଙ୍କ ମର ଶରୀର ରେ ମୁଖlଗ୍ନୀ ଦେଇଥିଲେ l ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହେଉଥିଲା l ଜିଲ୍ଲା ସେବା ଭାରତୀର କାହୁଁ ସାହୁ, ସମାଜସେବୀ ମନୋଜ୍ ପଣ୍ଡା, ଆଶିଷ ମିଶ୍ର, କୁଶ ଭୋଇ, ଦୀପକ ମେଣ୍ଡେଲି, ସୁଶାନ୍ତ କୁମାର ନାଏକ ପ୍ରମୁଖ ଏଭଳି ମହତ କାର୍ଯ୍ୟ ରେ ସହଯୋଗ କରିଥିବାରୁ ଏ ଉତ୍ସର୍ଗୀକୃତ ସେବା କୁ ଜିଲ୍ଲାର  ବୁଦ୍ଧିଜୀବୀ ଖୁବ୍ ପ୍ରଶଂସା କରିଛନ୍ତି l ପ୍ରକାଶ ଥାଉ କି ଯେ ଗତ ମାସ ରେ ଢେରl ପଡ଼ା ର ଜଣେ ଅସହାୟ ବୃଦ୍ଧା (ମହିଳା)ଙ୍କ ସମେତ ପୂର୍ବରୁ ସହରର ଅନେକ  ଅଚିହ୍ନା ଶବ ର ସଂସ୍କାର କାର୍ଯ୍ଯ ରେ ଏ ସ୍ୱେଚ୍ଛାସେବୀ ମାନେ ସହଯୋଗର ହାତ ବଢ଼ାଇ ଥିବା ଖବର ମିଳିଛି l