28-May-2024

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ )
ସହରର ଅଗ୍ରଣୀ ଶିକ୍ଷାନୁଷ୍ଠାନ ଅଦିତି ଉଚ୍ଚ ମାଧ୍ୟମିକ ବିଦ୍ୟାଳୟ ର ଯୁକ୍ତ ଦୁଇ ରେ ଛାତ୍ରଛାତ୍ରୀ ମାନଙ୍କୁ ଅଭୂତପୂର୍ବ ସଫଳତା ମିଳିଛି। ଚତୁର୍ଥ ବର୍ଷ ରେ ପଦାର୍ପଣ କରିଥିବା ଏହି ବିଦ୍ୟାଳୟ ଜିଲ୍ଲା ର ଏକମାତ୍ର ଆବାସିକ ବିଦ୍ୟାଳୟ ଭାବରେ ବେଶ ଜଣାଶୁଣା। ପ୍ରକାଶ ଯୋଗ୍ୟ ଯେ ଚଳିତ ବର୍ଷର ଏହି ବିଦ୍ୟାଳୟ ର ୫୫ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ପ୍ରଥମ ଶ୍ରେଣୀରେ ୩୩ ଜଣ ଉତ୍ତୀର୍ଣ୍ଣ ହୋଇଥିଲାବେଳେ ଦ୍ବିତୀୟ ଓ ତୃତୀୟ ଶ୍ରେଣୀରେ ୧୧ଜଣ ଲେଖାଏଁ ଉତ୍ତୀର୍ଣ ହୋଇଛନ୍ତି। ଏହି ଅନୁଷ୍ଠାନର ଛାତ୍ରୀ  ବିଜୟପ୍ରଭା ସାହୁ ଓ କରିନା ମହାକୁର୍ ଯଥାକ୍ରମେ ଶତକଡ଼ା ୮୬ ଓ ୮୫ ପ୍ରତିଶତ ମାର୍କ ରଖି ଚଳିତବର୍ଷ ଅନୁଷ୍ଠାନ ପାଇଁ ଗୈାରବ ଆଣିଛନ୍ତି। ସର୍ବୋପରି ଅଧ୍ୟକ୍ଷା ଙ୍କର ଦିଗଦର୍ଶନ, ଅଧ୍ୟାପକ ଓ ଅଧ୍ୟାପିକା ଙ୍କର ମାର୍ଗ ଦର୍ଶନ ଓ ଛାତ୍ରଛାତ୍ରୀଙ୍କ କଠିନ ପରିଶ୍ରମ ହିଁ  ସଫଳତାର ମୂଳମନ୍ତ୍ର ବୋଲି ଚେୟାରମେନ ଡ. ଜ୍ୟୋତି ରଞ୍ଜନ ବହିଦାର ପ୍ରକାଶ କରିବାସହ ଏହାର ସମସ୍ତ ଶ୍ରେୟ ଅଧ୍ୟାପିକା ଓ ଅଧ୍ୟାପକ ମାନଙ୍କୁ ପ୍ରଦାନକରି ସମସ୍ତ ଛାତ୍ରଛାତ୍ରୀ ଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି।