14-May-2024

ବଲାଙ୍ଗୀର(ପ୍ରେରଣା ଖବର ): ରକ୍ଷକ ଯଦି ଭକ୍ଷକ ସାଜେ ତେବେ ରକ୍ଷା କରିବ କିଏ। ଜଙ୍ଗଲ ସୁରକ୍ଷା ଦାୟିତ୍ଵ ନିର୍ବାହ କରୁଥିବା ବନପାଳ ଯଦି ଜଙ୍ଗଲ ଉଜାଡ଼ିବାରେ ସହାୟକ ହୁଅନ୍ତି ଜଙ୍ଗଲ ରେ ଥିବା ନିରୀହ ବୃକ୍ଷ ମାନଙ୍କୁ ସୁରକ୍ଷା ଦେବ କିଏ।ସଦାଇପାଲି ରୁ ଚନ୍ଦନଭାଟି ରାସ୍ତା ପାର୍ଶ୍ବରେ ୩୦ କେଭି ର ଇଲେକଟ୍ରିକ ଲାଇନ ସଂଯୋଗ ପାଇଁ ପୋଲ ପୋତା କାର୍ଯ୍ୟକ୍ରମ ଚାଲୁରହିଛି।ଜଙ୍ଗଲ ବିଭାଗ ରାସ୍ତା ପାର୍ଶ୍ଵ ରେ ବନୀକରଣ କରିଛି।ପୋଲ ପୋତିବା ପାଇଁ ଗଛ ଗୁଡ଼ିକର ପତଳା ଡାଳ ପତ୍ର କୁ ସଫା(ଟ୍ରୀମିଂ)କରିବା ପରିବର୍ତ୍ତେ ଦାମୀ ବୃକ୍ଷ ଗୁଡ଼ିକୁ କାଟି ଦେଉଥିବା ଦେଖିବାକୁ ମିଳିଥିଲା।ସେହି କଟାଯାଇଥିବା ବୃକ୍ଷ ଗୁଡ଼ିକୁ ସ୍ଥାନୀୟ ଲୋକେ ବୋହି ନେଉଥିବା ବେଳେ ଜଙ୍ଗଲ ବିଭାଗ ନୀରବଦ୍ରଷ୍ଟା ସାଜିଛି।ଗଛ କଟାକୁ ନେଇ ପୋଲ ପକାଇଥିବା ଠିକାଦାର କୁ ପଚାରିବାରୁ ସେ ହର୍ଡାଟାଲ ଫରେଷ୍ଟର ଙ୍କ ହାତ ଲେଖା ଅନୁମତି ପତ୍ର ଦେଖାଇ ଥିଲେ।ଫରେଷ୍ଟର ପ୍ରଧାନ ଦେଇଥିବା ଅନୁମତି ପତ୍ର ଏବଂ ଅମାନବୀୟ ଭାବେ କଟାଯାଇଥିବା ଗଛ ବିଷୟରେ ପଚାରିବାରୁ ସେ ତାଙ୍କର କ୍ଷମତା ଅଛି ବୋଲି ନିର୍ଭୀକ ଭାବରେ ଉତ୍ତର ଦେଇଥିଲେ।ତେବେ ଫରେଷ୍ଟର ଜଣକ ତାଙ୍କ କ୍ଷମତା ର ଦୁରୁପଯୋଗ କରିଥିବା ପରିଲକ୍ଷିତ ହୁଏ।ଏଭଳି ସମ୍ବେଦନଶୀଳ କାର୍ଯ୍ୟ ପାଇଁ ଡିଫଓ ଙ୍କ କ୍ଷମତା ଥିବା ବେଳେ ଫରେଷ୍ଟର ଜଣକ ନିଜକୁ ଡିଫଓ ଭାବି ଏ ପ୍ରକାର ଅନୁମତି  ଦେଇଥିବା ପ୍ରତୀତ ହୁଏ।ଉପରୋକ୍ତ ବିଷୟ କୁ ନେଇ ବଲାଙ୍ଗୀର ରେଞ୍ଜର ଙ୍କୁ ପଚାରିବାରୁ ସେ ସଙ୍ଗେ ସଙ୍ଗେ ଫରେଷ୍ଟର ପ୍ରଧାନ ଙ୍କୁ ଏଭଳି ଅନୁମତି ପତ୍ର କିଭଳି ଲେଖିଲେ ବୋଲି ପଚାରିବାରୁ ସେ ଲେଖି ଅନୁମତି ଦେଇଥିବା ସ୍ବୀକାର କରିଥିଲେ।ପରେ ଡିଫଓ ଙ୍କୁ ଉପରୋକ୍ତ ବିଷୟ ରେ ପଚାରିବାରୁ ସେ ରେଞ୍ଜର ଙ୍କୁ ଆଦେଶ ଦେଇ ଫରେଷ୍ଟର ଙ୍କୁ ଏ ବିଷୟରେ ଲିଖିତନାମା ମାଗିବା କୁ ମୌଖିକ ନିର୍ଦ୍ଦେଶ ଦେଇଥିଲେ।ଜଙ୍ଗଲ ବିଭାଗର ଅଧିକାରୀ ଯଦି ଜଙ୍ଗଲ ନିୟମ ଜାଣି ନାହାନ୍ତି ସାଧାରଣ ଜନତା ଜାଣିବେ କିପରି।ଜାଣି ଜାଣି ଭୁଲ କରିଥିବା କର୍ମଚାରୀ ଙ୍କ କାର୍ଯ୍ୟ କୁ ଅଣଦେଖା ନ କରି ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କଲେ ଅନ୍ୟ କର୍ମଚାରୀ ମାନଙ୍କ ପାଇଁ ଏହା ଏକ ଉଦାହରଣ ହେବ।ତେବେ ଦେଖାଯାଉ ଜଙ୍ଗଲ ମୁଖିଆ ଡିଫଓ ସାଜିଥିବା ବାନପାଳ ଉପରେ ଦୃଷ୍ଟାନ୍ତ ମୂଳକ ପଦକ୍ଷେପ ନେଉଛନ୍ତି ନା କୋହଳ ମନୋଭାବ ରଖି ମାଫ କରୁଛନ୍ତି ଦେଖିବା ବାକି ରହିଲା ।