14-May-2024

ବଲାଙ୍ଗିର/ଦେଓଗାଁ(ପ୍ରେରଣା ଖବର ): ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ଜରାସିଂହା ପଞ୍ଚାୟତ ବରକାନୀ ଆମ୍ବବଗିଚା ଠାରେ ମଙ୍ଗଳବାର ଅପରାହ୍ନରେ ବିଜେଡି ତରଫରୁ ଓଡିଶା କେନ୍ଦୁପତ୍ରକର୍ମଚାରୀ ତଥା ମହିଳା ସମାବେଶ ଅନୁଷ୍ଠିତ ହୋଇଯାଇଛି । ଯୁବନେତା ସୁନୀଳକୁମାର ମେହେର ଙ୍କ ପରିଚାଳନାରେ ଅନୁଷ୍ଠିତ ସମାବେଶରେ ମୂଖ୍ୟ ଅତିଥିଭାବେ ବିଜେଡି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂଦେଓ ଯୋଗଦେଇ ବିଜେଡି କ୍ଷମତାକୁ ଆସିଲେ ଓ ବଲାଙ୍ଗିର

ବିଧାନସଭା କ୍ଷେତ୍ରରେ ବିଧାୟକ, ଲୋକସଭା କ୍ଷେତ୍ରରେ ସାଂସଦ ବିଜୟୀ ହେଲେ ଅଞ୍ଚଳର ବିକାଶ ଦ୍ୱିଗୁଣିତ ହେବ ବୋଲି ଦୃଢ଼ୋକ୍ତି ପ୍ରକାଶ କରିଥିଲେ । ଏହାସହ କେନ୍ଦୁପତ୍ର ତୋଳାଳୀଙ୍କ ପରିବାର ପାଇଁ ରାଜ୍ୟ ସରକାର ବିଶେଷ ଦୃଷ୍ଟି ଦେଉଥିବା ବେଳେ ଆଗକୁ ବିଜେଡି ସରକାର କ୍ଷମତାସୀନ ହେଲେ ଓଡିଶାର ୯୦ ପ୍ରତିଶତ ଉପଭୋକ୍ତାଙ୍କ ବିଜୁଳି ବିଲ ଆଉ ଆସିବନାହିଁ  ବୋଲି ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିସାରିଛନ୍ତି ବୋଲି କଳିକେଶ ଅବଗତ କରିବାସହ ଉଭୟ ସାଂସଦ ଓ ବିଧାୟକଙ୍କ ପାଇଁ ଶଙ୍ଖ ଚିହ୍ନରେ ୨ଟି ଭୋଟ ଦେବାକୁ ଅନୁରୋଧ କରିଥିଲେ । ସମାବେଶରେ ସମ୍ମାନୀତ ଅତିଥିଭାବେ ରାଜ୍ୟ କେନ୍ଦୁପତ୍ର କର୍ମଚାରୀ ମହାସଂଘର ସମ୍ପାଦକ ଶିବାନନ୍ଦ ପରିଚ୍ଛା ଯୋଗଦେଇ ରାଜ୍ୟ ସରକାର କେନ୍ଦୁପତ୍ର କର୍ମଚାରୀ ଓ ତୋଳାଳୀ ମାନଙ୍କ ପାଇଁ କଣ କଣ  ସରକାରୀ ଯୋଜନା କରିଛନ୍ତି ସେ ଉପରେ ଅବଗତ କରିବା ସହ ରାଜ୍ୟରେ ନବୀନ ସରକାର ଗଠନ ପାଇଁ ବିଧାୟକ ପ୍ରାର୍ôଥ କଳିକେଶଙ୍କ ସପକ୍ଷରେ ଭୋଟ ଦେବାକୁ ଆହ୍ୱାନ ଦେଇଥିଲେ । ସମ୍ମାନୀତ ଭାବେ ବରିଷ୍ଠ ନେତା ଉମା ଶଙ୍କର ସିଂ , ୧୩ନଂ ଜିଲ୍ଲାପରିଷଦସଭ୍ୟା ସୁମତୀ ସେଠ, ପୂର୍ବତନ ଜିଲ୍ଲାପରିଷଦ ସଭ୍ୟ ଗୁରୁଦେବ ରଣା, ବାସୁଦେବ ମେହେର,ସ୍ଥାନୀୟ ସରପଞ୍ଚ କୁଶମଣୀ ମେହେର ଓ ଜଳନ୍ଧର ବଢ଼ିଆ ପ୍ରମୁଖ ମଞ୍ଚାସୀନ ରହି ବକ୍ତବ୍ୟ ଦେଇଥିବା ବେଳେ କାମେଶ୍ୱର ମେହେର ଅତିଥି ପରିଚୟ ପ୍ରଦାନ କରିଥିଲେ ।ଏହିଦିନ ସଂନ୍ଧ୍ୟାରେ ଦେଓଗାଁ ,ଜରାସିଂହା. ହାତିସରା ଓ ନାଇକେନସିରା ଆଦି ଗ୍ରାମରେ ବିଜେଡି ପକ୍ଷରୁ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମ ମାନଙ୍କରେ ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂଦେଓ 

ଯୋଗଦେଇ ଅଞ୍ଚଳର ସେବା କରିବାପାଇଁ ସମସ୍ତେ ଥରେ ସୁଯୋଗ ଦେବାକୁ  ଜନସାଧାରଣଙ୍କୁ ନିବେଦନ କରିଥିଲେ । ଏ ଅବସରରେ  ବିଜେଡି ବ୍ଲକ ସଭାପତି ଶୁଶିଳ କୁମାର ଚାନ୍ଦ, ରାଜ୍ୟ ସମ୍ପାଦକ ଲକ୍ଷ୍ମଣକୁମାର ମେହେର, ବିଜୁ ଯୁବ ଜନତା ଦଳ ବ୍ଲକ ସଭାପତି ଶୈଳେନ୍ଦ୍ର କୁମାର ସାହୁ, ଜିଲ୍ଲା ପରିଷଦସଭ୍ୟା ମମତା କୁମୁରା, ହାତିସରା ସରପଞ୍ଚ କେଲୋ ଡାଙ୍ଗ,ହାତିସରା ଯୁବନେତା ହିତେଶ ଦଲାଇ, ରାଜୁ ମେହେର, ମାନସ ଦଲାଇ ତଥା କର୍ମକର୍ତ୍ତା ମାନେ ଉପସ୍ଥିତ ଥିଲେ ।