14-May-2024

ବଲାଙ୍ଗୀର(ପ୍ରେରଣା ଖବର): ଶେମଫୋର୍ଡ଼ ଫ୍ୟୁଚରିଷ୍ଟିକ ସ୍କୁଲ ବଲାଙ୍ଗୀର ଗତ ତା ୦୨/୦୫/୨୦୨୪ ରିଖ ଦିନ ସିବିଏସଇ ନୂଆଦିଲ୍ଲୀ ସହ ଅନୁବନ୍ଧିତ ହୋଇଯାଇଛି l ଏହାର ଅନୁବନ୍ଧିତ ନମ୍ୱର ହେଉଛି ୧୫୩୦୪୨୪ l ଏହି ଖବରଟି ବଲାଙ୍ଗୀର ଶିକ୍ଷାବିତ ମହଲରେ ଆନନ୍ଦର ଲହରୀ ଖେଳାଇଦେଇଛି l ସ୍କୁଲର ଛାତ୍ରଛାତ୍ରୀ, କର୍ତୃପକ୍ଷ ଓ ଅଭିଭାବକମାନେ ବେଶ ଆନନ୍ଦ ପ୍ରକାଶ କରିଛନ୍ତି l ଏହା ଦ୍ୱାରା ଆଗାମୀ ଦିନରେ ବହୁ ଛାତ୍ରଛାତ୍ରୀ ଉପକୃତ ହୋଇପାରିବେ ଓ ବଲାଙ୍ଗୀର ସହରରେ ଗୁଣାତ୍ମକ ଶିକ୍ଷାର ଆହୁରି ଅଭିବୃଦ୍ଧି ଘଟିବ ବୋଲି ବୁଦ୍ଧିଜୀବୀ ମହଲରେ ମନ୍ତବ୍ୟ ପ୍ରକାଶ ପାଇଛି l ସ୍କୁଲର ସଭାପତି ଶ୍ରୀଯୁକ୍ତ ଆଶିଷ କୁମାର ରଥ,ସମ୍ପାଦକ ଶ୍ରୀଯୁକ୍ତ ସଂଜୀବ ରଥ, ପରିଚାଳନା ନିର୍ଦ୍ଦେଶିକା ଶ୍ରୀମତୀ ନୀଲମ ରଥ ତଥା ଅଧ୍ୟକ୍ଷ ଶ୍ରୀଯୁକ୍ତ ପ୍ରତାପ କୁମାର ଜେନାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିଛି l ପ୍ରକାଶଯୋଗ୍ୟ ଯେ ଶେମଫୋର୍ଡ଼ ଫ୍ୟୁଚରିଷ୍ଟିକ ସ୍କୁଲ ଗତ ୧୨ ବର୍ଷ ଧରି ବଲାଙ୍ଗୀର ସହରରେ ଗୁଣାତ୍ମକ ଓ ମୂଲ୍ୟବୋଧ ଭିତ୍ତିକ ଶିକ୍ଷା ପ୍ରଦାନ କରିଆସୁଛି l ସ୍କୁଲ ଶିକ୍ଷକ ଶିକ୍ଷୟିତ୍ରୀଙ୍କ ନିଷ୍ଠାପର ଶିକ୍ଷାଦାନ, ଛାତ୍ରଛାତ୍ରୀଙ୍କ କଠିନ ପରିଶ୍ରମ ତଥା ଅଭିଭାବକଙ୍କ ସହଯୋଗ ଏହି ସଫଳତାର ଉତ୍ସ ବୋଲି ସ୍କୁଲ କର୍ତୃପକ୍ଷ ପ୍ରକଶ କରିଛନ୍ତି l ଉତ୍ତମ ଶିକ୍ଷାଦାନ ସହ ଛାତ୍ରଛାତ୍ରୀମାନଙ୍କ ପାଇଁ ଉନ୍ନତ ମାନର ସାଇନ୍ସ ଲେବ,କମ୍ପୁଟର ଲେବ,ମେଥ ଲେବ, ଲାଇବ୍ରେରୀ ତଥା ସେମାନଙ୍କ ଶାରୀରିକ ବିକାଶ ନିମନ୍ତେ ଇନଡୋର ଏବଂ ଆଉଟଡୋର ଖେଳର ସୁବିଧା ରହିଛି l  ଏହି ବିଦ୍ୟାଳୟଟି ଛାତ୍ରଛାତ୍ରୀମାନଙ୍କୁ ଉତ୍ତମ ମାର୍ଗଦର୍ଶନ କରିବା ସହ ଆଦର୍ଶ ପଥରେ ଆଗେଇବାକୁ ପ୍ରେରଣା ଦେଇଥାଏ  | ଛାତ୍ରଛାତ୍ରୀଙ୍କୁ ମାନସିକ ଓ ବୌଦ୍ଧିକ ସ୍ତରରେ ସୁଦୃଢ କରିବା ପାଇଁ ବିଦ୍ୟାଳୟଟି ସଦାସର୍ବଦା ପ୍ରଯତ୍ନଶୀଳ l ଏକ ସୁସ୍ଥ ସମାଜ ଓ ଆଦର୍ଶ ନାଗରିକ ଗଠନ କରିବା ହେଉଛି ବିଦ୍ୟାଳୟର ମୂଳଲକ୍ଷ୍ୟ l