09-May-2024

ବଲାଙ୍ଗୀର/ତରଭା/ ବଲାଙ୍ଗୀର ଲୋକସଭାକ୍ଷେତ୍ର ଅନ୍ତର୍ଗତ ସୋନପୁର ନିର୍ବାଚନମଣ୍ଡଳିର ତରଭା ବ୍ଲକଅଞ୍ଚଳରେ ବୁଧବାର ଦିନ ବିଜେଡିର ସାଂସଦପ୍ରାର୍ଥି ସୁରେନ୍ଦ୍ର ସିଂଭୋଇ ଓ ସୋନପୁର ବିଧାୟକପ୍ରାର୍ଥି ନିରଂଜନ ପୁଜାହାରୀଙ୍କ ମାରାଥନ ପ୍ରଚାର ହୋଇଯାଇଛି । ଏହି ଅଞ୍ଚଳରେ ଲଗାତାର ଭାବରେ ବିଜେଡିଦଳ ଜିଣିଆସୁଛି ଓ ଚଳିତଥର ମଧ୍ୟ ବିଜେଡିଦଳକୁ ବିପୁଳ ଜନସମର୍ଥନ ମିଳୁଥିବା ଲକ୍ଷ୍ୟ କରାଯାଇଛି । ବୁଧବାର ସକାଳ ୯ଟାରୁ ତରଭାବ୍ଲକର ଶେଷମୁଣ୍ଡରେ ଥିବା ବାଲିଖମାର ପଞ୍ଚାତରୁ ପ୍ରଚାର ଆରମ୍ଭ ହୋଇ ସଂଧ୍ୟାରେ ଦେଉଳପଦର,ମେଣ୍ଡା ଓ ରାଣିସର୍ଡା ପଞ୍ଚାୟତ ପର୍ଯ୍ୟନ୍ତ ଶେଷ ହୋଇଥିଲା । ବାଲିଖମାର,ଚାରଭଟା,କୁମ୍ଭାରମୁଣ୍ଡା,କମସରା,ବଘିଆ,ତୁଲୁଣ୍ଡା,ମରାଡୁଗୋଚ୍ଛା,ଝାରତରଭା,ଶିବତୁଳା,ପୁଆ,ଦେଓଳପଦର,ମେଣ୍ଡା ଓ ରାଣିସର୍ଡା ଇତ୍ୟାଦି ପଞ୍ଚାୟତରେ ପ୍ରାୟ ୧୪ଟି ଜନସଭା ହୋଇଥିଲା ଓ ସେଠାରେ ମନ୍ତ୍ରୀ ନରଂଜନ ପୂଜାହାରୀ ଓ ସାଂସଦ ପ୍ରାର୍ଥି ସୁରେନ୍ଦ୍ର ସିଂଭୋଇ ଯୋଡିଶଙ୍ଖରେ ଭୋଟ ଦେବାକୁ ନିବେଦନ କରିଥିଲେ । ମେଣ୍ଡା ଗାଁରେ ଥିବା ମହାରାଜା ବନ୍ଧକୁ ସୁକତେଲନଦୀରୁ ଲିଫ୍ଟପଏଣ୍ଟ ଲଗାଯିବ ବୋଲି ବିଧାୟକ ପ୍ରାର୍ଥି ନିରଂଜନ ପୂଝାହାରି ଘୋଷଣା କରିଥିଲେ । ଏହି ସବୁ କାର୍ଯ୍ୟକ୍ରମରେ ସୋନପୁର ଜିଲ୍ଲା ବିଜେଡିସଭାପତି ତଥା ତରଭା ବ୍ଲକ ଅଧ୍ୟକ୍ଷ ସରୋଜ କମ୍ପ ସଭାପତିତ୍ୱ କରିଥିବା ବେଳେ ଜିଲ୍ଲା ଉପସଭାପତି ମାନଭଞ୍ଜନ ମିଶ୍ର ସଂଯୋଜନା କରିଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ ବ୍ଲକଅଧ୍ୟକ୍ଷ ସତୃଘ୍ନ ପୃଷ୍ଟି,ବିଜେଡିବ୍ଲକ ସଭାପତି ହେମନ୍ତ ସାହୁ,ତରଭା ଏନଏସିର ଉପନଗରପାଳ ଗଗନ ଅଗ୍ରୱାଲ,ବିଜେଡିନେତା ସୁବାଷ ସେଠୀ,ପାଇକବାହାଲ ସରପଞ୍ଚଗଣନାଥ ସାହୁ,ରାଜେନ୍ଦ୍ର ପଣ୍ଡା,ଜନାର୍ଦ୍ଦନ ଥନାପତି ପ୍ରମୁଖ ସାମିଲ ଥିଲେ । ମେଣ୍ଡା ମେହେରପଡାରେ ହୋଇଥିବା କାର୍ଯ୍ୟକ୍ରମରେ ଯୁବନେତା ରାଜୀବ ମେହେର,ଅଶୋକ ମେହେର,ବିଭୁତି ଝାଙ୍କର,ମେଣ୍ଡା ପର୍ଯ୍ୟବେକ୍ଷକ ଚକ୍ରଧର ସା,କିଶୋର ପଣ୍ଡା,ମେଣ୍ଡାର ପୂର୍ବତନ ସରପଞ୍ଚ ହୃଷିକେଶ ପାତ୍ର,ପୂର୍ବତନ ସମିତିସଭ୍ୟ ଦେବେନ୍ଦ୍ର ପର୍ଦ୍ଧିଆ,ନକୁଳ କର୍ଣ୍ଣ,ବିକାଶ ଜେନା,ରଂଜନ ବରାଇ,ବଡ ପାଣିଗ୍ରାହୀ,ଅଭିମନ୍ୟୁ ଟାଲି,ଡୁବୁଲ ଦଣ୍ଡସେନା,ମହାଦେବ ଜେନାଙ୍କ ସମେତ ବହୁସଂଖ୍ୟାରେ ମହିଳା/ପୁରୁଷ ଯୋଗଦେଇଥିଲେ । ମେଣ୍ଡାରେ ଏକ ବିଶାଳ ଶୋଭାଯାତ୍ରାରେ ଗାଁପରିକ୍ରମା କରାଯାଇôତଲା । ଏହି ଅବସରରେ ବିଧାୟକପ୍ରାର୍ଥି ଶ୍ରୀ ପୂଜାରୀ ଆସନ୍ତା ନିର୍ବାଚନ ପାଇଁ ଏକ ବିଜେଡି କାର୍ଯ୍ୟାଳୟକୁ ମଧ୍ୟ ଉଦଘାଟନ କରିଥିଲେ ।