09-May-2024

ବଲାଙ୍ଗିର (ପ୍ରେରଣା ଖବର ): ନିର୍ବାଚନ ପୂର୍ବରୁ ବଲାଙ୍ଗିର ରାଜ ପରିବାର ପାଇଁ ପୁଣିଥରେ ଅଡୁଆ ସାଜିଲେ ଅଦ୍ରିଜା ସିଂହଦେଓ l l ବଲାଙ୍ଗିର ବିଜେଡି ର ତୁଙ୍ଗ ନେତା ତଥା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂଦେଓଙ୍କ ସାନ ବୋହୂ ଡେରାଡୁନ ର ଝିଅ ଅଦ୍ରିଜା ନିଜ ଶ୍ୱଶୁର ଓ ସ୍ଵାମୀ ଅର୍କେଶ ଙ୍କ ନାମରେ ସଙ୍ଗୀନ ଅଭିଯୋଗ ଆଣିଛନ୍ତି l ୨୦୧୯ ନିର୍ବାଚନରେ ବଲାଙ୍ଗିର ବିଧାନସଭା ନିର୍ବାଚନମଣ୍ଡଳୀ ରୁ ଅର୍କେଶ ସିଂହଦେଓ ଓ କଲିକେଶ ସିଂଦେଓ ନିର୍ବାଚନ ଲଢ଼ି ଥିଲେ l ଏହି ନିର୍ବାଚନରେ ଅଦ୍ରିଜା ନିଜ ସ୍ୱାମୀ ଓ ଦେଢ଼ସୁର ଙ୍କ ପାଇଁ ନିର୍ବାଚନ ପ୍ରଚାର ମଧ୍ଯ କରିଥିଲେ l ନିର୍ବାଚନରେ ରାଜ ପରିବାରର ଦୁଇ ଭାଇ ହାରି ଗଲା ପରେ ହଠାତ୍ ରାଜପରିବାର ତରଫରୁ ଅଦ୍ରିଜା ଙ୍କ ଉପରେ ନାନାଦି ମାନସିକ ଓ ଶାରୀରିକ ନିର୍ଯାତନା ଦିଆଯାଇଥିବା ନେଇ ଅଦ୍ରିଜା ଆଜିର ସାମ୍ବାଦିକ ସମ୍ମିଳନୀରେ ନିଜର କ୍ଷୋଭ ପ୍ରକାଶ କରିଛନ୍ତି ଅର୍କେଶ ଙ୍କ ସ୍ତ୍ରୀ ଅଦ୍ରିଜା ନିଜ ସ୍ୱାମୀ ଙ୍କ ନାମରେ ଯୌତୁକଜନିତ ନିର୍ଯ୍ୟାତନା ଅଭିଯୋଗ ଆଣିବା ସହ ତାଙ୍କ ଜୀବନ ବର୍ତ୍ତମାନ ସୁରକ୍ଷିତ ନାହିଁ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି l ଆଜି ସ୍ଥାନୀୟ ସେଲିବ୍ରେସନ ହୋଟେଲ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଉପସ୍ଥିତ ରହି ଶ୍ରୀମତୀ ସିଂହଦେଓ ନିଜ ଉପରେ ହୋଇଥିବା ଅକଥନୀୟ ଅମାନୁଷିକ ଅତ୍ୟାଚାର ବିରୁଦ୍ଧରେ ଭୋଟର ଏହି ରାଜପରିବାର କୁ ଉଚିତ୍ ଜାବାବ ଦେବେ ବୋଲି କହିଛନ୍ତି l ନିର୍ଯ୍ୟାତନା ମାମଲାରେ ସେ ଡ଼େରାଡ଼ୁନ୍ ପୋଲିସ ନିକଟରେ ଅଭିଯୋଗ ମଧ୍ଯ କରିଛନ୍ତି କିନ୍ତୁ ରାଜ୍ଯସରକାର ଓ ମୁଖ୍ୟମନ୍ତ୍ରୀ ଙ୍କ ଅଧୀନରେ ଥିବା ଗୃହ ବିଭାଗ ଦୋଷୀ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିବା କହିଛନ୍ତି ଅଦ୍ରିଜା l ଏପରି ପରିବାର ଓ ପ୍ରାର୍ଥୀ ଙ୍କ ହାତରେ ବଲାଙ୍ଗିର ବାସୀ ସୁରକ୍ଷିତ ନୁହଁନ୍ତି ଓ ନିର୍ବାଚନ ଲଢ଼ୁଥିବା ଏପରି ପରିବାରର ସଦସ୍ୟ ଙ୍କୁ ଲୋକେ ଭୋଟ ଦିଅନ୍ତୁ ନାହିଁ ବୋଲି ଅଦ୍ରିଜା ନିବେଦନ କରିଛନ୍ତି l ଆଜିର ସାମ୍ବାଦିକ ସମ୍ମିଳନୀରେ ଅଦ୍ରିଜା ଙ୍କ ଆଇନ ପରାମର୍ଶଦାତା ଦେବାଶିଷ ବିଶ୍ଵାଳ ଓ ସମାଜସେବୀ ବିଜୁଳି ପ୍ରଧାନ ଉପସ୍ଥିତ ଥିଲେ l