06-May-2024

ବଲାଙ୍ଗୀର, (ପ୍ରେରଣା ଖବର) ବଲାଙ୍ଗୀର ସହର ୧୮ ନମ୍ବର ୱାର୍ଡ଼ ସ୍ଥାନୀୟ ଚଣ୍ଡୀ ମନ୍ଦିର ଠାରେ କଂଗ୍ରେସ ଦଳ ପକ୍ଷରୁ ବରିଷ୍ଠ ଓକିଲ ଶ୍ରୀଯୁକ୍ତ ଅମରେନ୍ଦ୍ର ମିଶ୍ର ଙ୍କ ସଭାପତିତ୍ବ ରେ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା l ସ୍ପୋକ ପରସନ କଂଗ୍ରେସ ଶ୍ରୀ ଅଜୟ ବାଲି, ବଲାଙ୍ଗୀର ଟାଉନ କଂଗ୍ରେସ ସଭାପତି ବୁଲୁ ଦାନୀ, ବୁଲୁ ଖାଁ ମଂଚାସୀନ ଥିଲେ l ଗତ 10 ବର୍ଷ ମଧ୍ୟରେ ବଲାଙ୍ଗୀର ନିର୍ବାଚନ ରେ ଯେଉଁ ସବୁ ଉନ୍ନୟନ କାମ ହୋଇଛି ଯେଉଁଟାକି ରୋଡ଼, ବ୍ରିଜ, ପାଣି, ହସ୍ପିଟାଲ ଭଳି ବିଭିନ୍ନ ଉନ୍ନତିମୂଳକ କାର୍ଯ୍ୟ ବିଷୟରେ ଆଲୋଚନା କରିବା ସହ ଆଗାମୀ ଦିନରେ ପୁଣି ଯଦି କଂଗ୍ରେସ ବିଧାୟକ ପ୍ରାର୍ଥୀ ଶ୍ରୀ ସମରେନ୍ଦ୍ର ମିଶ୍ର ବିଜୟୀ ହେଲେ ଚାଷ, ଭତ୍ତା ବୃଦ୍ଧି, ଋଣ, ଦାଦନ ସମସ୍ୟା, ଶିଳ୍ପ ତଥା ସହର ମଧ୍ୟରେ ଆବଶ୍ୟକ କାର୍ଯ୍ୟ ର ଉନ୍ନତିକରଣ ଉପରେ ଗୁରୁତ୍ୱ ଦିଆଯିବ ବୋଲି ଶ୍ରୀ ଅମରେନ୍ଦ୍ର ମିଶ୍ର ଲୋକଙ୍କୁ ପ୍ରଚାର ମାଧ୍ୟମରେ ବୁଝାଇଥିଲେ l ଏହାସହ ଓଡିଶା ସରକାର ଚାଷୀ, ଭୂମିହୀନ ଓ ବିସ୍ଥାପିତ ଙ୍କୁ ଅଣଦେଖା କରିଥିବା ପ୍ରକାଶ କରିଥିଲେ l ଏହି କାର୍ଯ୍ୟକ୍ରମ ରେ ଉପସ୍ଥିତ ସଞ୍ଜୟ ମିଶ୍ର, ସୁରେନ୍ଦ୍ର ଅଶ୍ୱପାଳ ସହ ଅନେକ କଂଗ୍ରେସ କର୍ମୀ ସହ ଶତାଧିକ ପୁରୁଷ ଓ ମହିଳା ଯୋଗ ଦେଇଥିଲେ l