01-May-2024

ବଲାଙ୍ଗିର, (ପ୍ରେରଣା ଖବର )
ବଲାଙ୍ଗୀର ଜିଲ୍ଲା ଟିଟିଲାଗଡ ସଦର ବ୍ଲକ ଅର୍ନ୍ତଗତ କୁରସୁଡ ଗ୍ରାମ ସ୍ଥିତ  ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଏବେ ଫାର୍ମାଷ୍ଟିସ ଭରସାରେ ଚାଳିଛି। ଏହି କେନ୍ଦ୍ରରେ ଏକ ମାତ୍ର ଡାକ୍ତର ରହିବାର ନିୟମ ରହିଛି । ରାଜ୍ୟ ସରକାର ଜଣେ ନିୟମିତ ଡାକ୍ତର ଯୋଗାଇ ଦେଇ ଥିଲେ ମଧ୍ଯ ଡାକ୍ତର ମନଇଚ୍ଛା ସ୍ବାସ୍ଥ୍ୟକେନ୍ଦ୍ରକୁ ଆସୁଥିବା ଉକ୍ତ ଗ୍ରାମର ବହୁ ସଚେତନ ଯୁବକ ଅଭିଯୋଗ କରନ୍ତି। ଡାକ୍ତର ଜଣକ ପ୍ରାୟ ୨୫ବର୍ଷରୁ ଉର୍ଦ୍ଧ୍ବ ହେଲାଣି ଏଠି ରହିବା ସହ ନିୟମିତ ଆସୁ ନଥିବାରୁ ରୋଗୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବାରୁ ତାଙ୍କର ବଦଳି କରି ନୂତନ ଡାକ୍ତର ଯୋଗାଇ ଦେବାକୁ ବିଭିନ୍ନ ଉଚ୍ଚ ଅଧିକାରୀମାନଙ୍କୁ ଭେଟି ଦାବୀପତ୍ର ମାନ ଦେଇ ଥିଲେ ମଧ୍ଯ କିଛି ସୁଫଳ ମିଳୁ ନଥିବା ଅଭିଯୋଗ କରନ୍ତି। ଡାକ୍ତର ଜଣକ ସିନ୍ଧେକେଲା ଗ୍ରାମରେ ନିଜ ଘରେ କିନ୍ନିକ ଖୋଳି ରୋଗୀଙ୍କୁ ଦେଖିବାରେ ବ୍ୟସ୍ତ ରହୁଥିବା ବେଳେ କିଛି ସ୍ଥାନୀୟ ନେତାଙ୍କୁ ଧରି ତାଙ୍କ ବଦଳି ଅନ୍ୟତ୍ର କରିବାକୁ ଦେଉ ନାହାନ୍ତି। ମାସିକସରକାରଙ୍କ ରାଜକୋଷରୁ ମୋଟାଅଙ୍କର ଟଙ୍କା ନେଉଥିବା ବେଳେ ରୋଗୀ ସେବା ପୁରା ଠପ। ଏନେଇ ଫାର୍ମାଷ୍ଟିସ ରମେଶ ଚନ୍ଦ୍ର ମେହେରଙ୍କୁ ପଚାରିବାରୁ ସେ କହନ୍ତି ଯେ, ମୁଁ କିଛି ଜାଣିନାହିଁ,  ଯାହାପଚାରିବେଡାକ୍ତର ଆସିଲେପଚାରିବେବୋଳି ସଫେଇ ଦେଇଥିଲେ। ଏନେଇ ଡାକ୍ତର ଗୋପବନ୍ଧୁ ଦାସଙ୍କ ମୋବାଇଲ ନମ୍ବର ରେ ଫୋନ କରିବାରୁ ତାଙ୍କର ସ୍ତ୍ରୀ ଫୋନ ରିସିଭ କରି ସାର ବହୁତ ବ୍ଯସ୍ତ ଅଛନ୍ତି ପରେ ଫୋନ କରିବେ କହି ଫୋନ କଟି ଦେବାରୁ ଡାକ୍ତରଙ୍କ ମତାମତ ନିଆଯାଇ ପାରିଲା ନାହିଁ।  ଏଥି ପ୍ରତି ବିଭାଗୀୟ ମନ୍ତ୍ରୀ, ଜିଲାପାଳ, ଜିଲା ମୁଖ୍ଯ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଦୃଷ୍ଟି ଦେଇ ତୁରନ୍ତ ପଦକ୍ଷେପ ନେବାକୁ ଅଞ୍ଚଳବାସୀ ପକ୍ଷରୁ ଦାବୀ ହେଉଛି।