27-Apr-2024

ତରଭା(କପିଳାସ ସେଠ) ତରଭା ଥାନା ଅନ୍ତର୍ଗତ  କମଶରା ପଂଚାୟତର ଲେମ୍ବୁପାଲି ଗ୍ରାମରେ ଗୋଟିଏ ରିଙ୍ଗ କୁଅରୁ ପଙ୍କ ଉଦ୍ଧାର କରିବାକୁ ଯାଇ ଦୁଇ ଜଣଯୁବକ  ମୃତ୍ଯୁବରଣ କରିବା ଘଟଣା ଅଂଚଳରେ ଶୋକର ଛାୟା ଖେଳାଇ ଦେଇଛି । ପୋଲିସ ସୂତ୍ରରଅନୁସାରେ ଲେମୁ ପାଳି  ଗ୍ରାମର ମଦନ ମାଝୀ (୨୯) ତାଙ୍କର  ରିଙ୍ଗ କୂଅ ବାହାଘର ପାଇଁ  ସଫାସୁତୁରା

କରିବା ସହ ପଙ୍କ ଉଦ୍ଧାର କରିବାକୁ କୂଅ ଭିତରକୁ ଯାଇ ଶ୍ବାଶରୁଦ୍ଧ ହୋଇ ବାହାରକୁ ଆଉ ଆସି ପାରି ନଥିଲେ । ପରେ ପାଖରେ ଥିବା ମନ କୁଅଁର (୫୨) ମଦନ ମାଝୀ ର ଅବସ୍ଥା ଦେଖି ତୁରନ୍ତ ସେ ମଧ୍ଯ କୂଅ ମଧ୍ୟକୁ ଉତୁରି ଥିଲେ । କୂଅଟି ପୁରୁଣା ଏବଂ ପ୍ରାୟ  କୋଡିଏ ରୁ ପଚିଶ ଫୁଟ ଗଭୀରତା ରହିଥିବାର ଅନୁମାନ ରହିଛି I ଏହି କୂଅର ତଳସ୍ତରରେ ଅମ୍ଳଜାନର ଅଭାବ ହେତୁ ଉଭୟଙ୍କ ଜୀବନ ଯାଇଥିବା ଜଣାଯାଇଛି ।ଏ ସମ୍ପର୍କରେ ତରଭା ଦମକଳ କେନ୍ଦ୍ରକୁ ଖବର ଦିଆଯାଇଥିଲା  l ଖବର ପାଇ ତରଭା ଅଗ୍ନିଶମ ବାହିନୀ ଘଟଣା ସ୍ଥଳକୁ ପହଂଚି ଉଭୟଙ୍କୁ ଉଦ୍ଧାର କରି ତରଭା ଡାକ୍ତର ଖାନାକୁ ଆଣିଥିଲେ । ତରଭା ଡାକ୍ତର ଖାନାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ I   ଏସମ୍ପର୍କ  ତରଭା

ପୋଲିସ  ତଦନ୍ତ ଆରମ୍ଭ କରି ଏକ ମାମଲାରୁଜୁ  କରି ଶବଜବତ କରିବା ସହ ବ୍ୟବଛେଦ ପାଇଁ ପଠାଇ ଦେଇଥିଲେ I ଶବ ବ୍ୟବଛେଦ ପରେ  ପରିବାର ବର୍ଗଙ୍କୁ ଶବ ହସ୍ତାନ୍ତର କରିଥିବାର ଜଣା ଯାଇଛି Iଏହି କେଶର  ତଦନ୍ତ ଦାୟିତ୍ବରେ ଏ ଏସ ଆଇ ନିମାଇ ଚରଣ ବାରିକ ଥିବା ଥାନା ଅଧିକାରୀ ଅନିତା କିଡୋ  ସୂଚନା ଦେଇଛନ୍ତି  । କୂଅଭିତରୁ ମୃତକଙ୍କୁ ଉଦ୍ଧାର କାର୍ଯ୍ଯରେ ତରଭା ଦମକଳ ବାହିନୀର ଅଗ୍ନିଶମ ଅଧିକାରୀ ଅନିଲ ମିଶ୍ର, ଅଗ୍ନିକ ସାହେବ ଭୋଇ , ଜୟରାମ ମଲ୍ଲିକ, ହରବଗର୍ତ୍ତୀ, ଭବାନି ସେଠ ଓ ରତ୍ନାକର ପରିଡା ପ୍ରମୁଖ ଉଦ୍ଧାର କାର୍ଯ୍ଯରେ ସାମିଲ ଥିଲେ ।