27-Apr-2024

ବଲାଙ୍ଗିର (ପ୍ରେରଣା ଖବର): ବହୁତ ହେଇଗଲା ଦେଶକୁ ଦୁର୍ବଳ କରିବାର ଷଡଯନ୍ତ୍ର। ଦେଶ ସ୍ବାଧୀନତାର ୭୫ ବର୍ଷରେ ସାଧାରଣ ଜନତା ପାଇଛି କଣ? କେବଳ ଜନତାଙ୍କ ଭିତରେ ବିଭିନ୍ନ ପ୍ରକାରେ ଭାଗ କରି ନିଜର ଫାଇଦା ଉଠାଇଛନ୍ତି  କଂଗ୍ରେସ ର ନେତାମାନେ।  ଏବେ ଲୋକଙ୍କ  ପାଇଁ କାମ କରିବାର ସମୟ।ଦେଶକୁ ଏକତା ସୂତ୍ରରେ ବାନ୍ଧି ଆଗେଇ ନେବାକୁ ମାନ୍ୟବର ପ୍ରଧାନମନ୍ତ୍ରୀଙ୍କ  ଏକ ଭାରତ ଶ୍ରେଷ୍ଠ ଭାରତ ଗଠନ କରିବାକୁ ଆଗାମୀ ସାଧାରଣ ନିର୍ବାଚନରେ ବିଜେପିକୁ ଭୋଟଦେଇ ଉଭୟ ରାଜ୍ୟ ଓ କେନ୍ଦ୍ରରେ ସରକାର ଗଠନ କରିବାକୁ ଲୋକଙ୍କୁ ଅନୁରୋଧ କରିଛନ୍ତି ବଲାଙ୍ଗୀର ବିଧାନସଭା ପାଇଁ ବିଜେପି ବିଧାୟକ ପ୍ରାର୍ଥୀ ଗୋପାଲଜୀ ପାଣିଗ୍ରାହୀ ।  ରାଜ୍ୟର ବିଜେଡି ସରକାର କେନ୍ଦ୍ରର ସବୁ ଯୋଜନାରେ ନିଜର ନାମ ଦେଉଛି। ଏବେ ପ୍ରକୃତ ଯୋଜନାକୁ କାର୍ଯ୍ୟକାରୀ କରିବାକୁ ଆମକୁ ଦରକାର ଡବଲ ଇଞ୍ଜିନ ସରକାର। ବଲାଙ୍ଗୀରକୁ ଏକ ଶିଳ୍ପ ଓ ଶିକ୍ଷା କେନ୍ଦ୍ର ଭାବରେ ଗଢିବାକୁ ଯୁବକ ମାନଙ୍କୁ ରୋଜଗାରର ମାଧ୍ୟମ ଦେବାକୁ, ଶିଳ୍ପ  ପ୍ରତିଷ୍ଠା କରିବାକୁ,ବିଶେଷ କରି ବଲାଙ୍ଗିର  ସହରକୁ ସୁନ୍ଦର ଭାବରେ ଗଢିବାକୁ ବିଜେପିକୁ ଭୋଟ ଦେବାକୁ ନିବେଦନ କରିଛନ୍ତି ଗୋପାଳଜୀ। ଆଜି ବଲାଙ୍ଗୀର ସହରର ବିଭିନ୍ନ ପଡା ଅଂଚଳର ଜନଗଣଙ୍କ ସହିତ ଆଲୋଚନା କରି ସେ ଆଗାମୀ ନିର୍ବାଚନରେ ବିଜେପିକୁ ରାଜ୍ୟର ଶାସନଭାର ଦେବାକୁ ଅନୁରୋଧ କରିଛନ୍ତି।ଆଜି ଏହି ପ୍ରଚାର ସମୟରେ।ପ୍ରମୁଖ ଗୋପାଲଜୀ ପାଣିଗ୍ରାହୀଙ୍କ ସହ ଶତାଧିକ ବିଜେପି କର୍ମୀ ଓ ଜନସାଧାରଣ ଉପସ୍ଥିତ ଥିଲେ l