27-Apr-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକର ଘଣ୍ଟାପଡ଼ା ଗ୍ରାମର ୨ଟି ସାହିରେ ଶ୍ରୀରାମଲୀଳା ନାଟ୍ୟୋତ୍ସବ ଧୂମଧାମରେ ପାଳିତ ହୋଇଆସୁଅଛି। ଶ୍ରୀ ଜଗନ୍ନାଥ ନାଟ୍ୟସଂସଦ ତରଫରୁ ଦଶମ ସଂଧ୍ୟାରେ ନାଟକ ସେତୁବନ୍ଧ ପ୍ରତିଷ୍ଠା, ବିଭିଷଣ ଶରଣ ଓ କୁମ୍ଭକର୍ଣ୍ଣ ବଧ ବିଳମ୍ବିତ ରାତ୍ର ପର୍ଯ୍ୟନ୍ତ ମଞ୍ଚସ୍ଥ ହୋଇଯାଇଛି। ଉକ୍ତ ନାଟକରେ ରାମ ଭୂମିକାରେ ଫକିର ରଣା, ସୀତା-ରସରାଜ ସେନାପତି, ଲକ୍ଷ୍ମଣ-ଅମରସିଂ ରଣା, ରାବଣ - ସୁବଳ ପାଣ୍ଡେ ,ସୁଗ୍ରୀବ-ବିଦ୍ୟାଧର ଦେହୁରୀ, ହନୁମାନ - ବନମାଳି ମଲିକ,ଅଙ୍ଗଦ - ନରେନ୍ଦ୍ର ମଲିକ, ବିଭିଷଣ- ପ୍ରମୋଦ ମଲିକ ପ୍ରମୁଖଙ୍କ ନିଖୁଣ ଅଭିନୟରେ ଦର୍ଶକଙ୍କୁ ମଧ୍ୟରାତ୍ର ପର୍ଯ୍ୟନ୍ତ ବାନ୍ଧି ରଖିଥିଲା। ସେହିପରି ଶ୍ରୀ ରଘୁନାଥ ନାଟ୍ୟ ସଂସଦ ତରଫରୁ ରଘୁନାଥ ପୂଜା ମଣ୍ଡପରେ ରାମାୟଣ ଚରିତ ବାଳି

ବଧ ଓ ଲଙ୍କାପୋଡ଼ି ନାଟକ ମଞ୍ଚସ୍ଥ ହୋଇଥିଲା। ଉକ୍ତ ନାଟକରେ ରାମ- ଦେବରାଜ ବିଶି, ସୀତା-ଜିତେନ୍ଦ୍ର ପାଣିଗ୍ରାହୀ, ଲକ୍ଷ୍ମଣ-ଅକ୍ଷୟ ମଲିକ, ହନୁମାନ - ସୁମନ ମହାନ୍ତି, ସୁଗ୍ରୀବ-ମୋହନ ରଣା, ଲଙ୍କ ଦେବୀ _ପ୍ରଶାନ୍ତ ସାହୁ, ବିଭିଷଣ- ଲିଙ୍ଗରାଜ ବିଶି, କୁମ୍ଭକର୍ଣ୍ଣ- ଜିତେନ ପଟ୍ଟନାୟକ, ସ୍ମାରକ - ନରେଶ ସାହୁ ପ୍ରମୁଖ ଅଭିନୟ କରି ଦର୍ଶକଙ୍କ ମନ ମୋହିଥିଲେ। ଦର୍ଶକଙ୍କ ଚାହୁଁଥିବା ମେଲୋଡି ପ୍ରୋଗ୍ରାମ ଦେଖିବାକୁ ଆଖ ପାଖ ଗାଁରୁ ବହୁ ଦର୍ଶକ ମଜା ନେଉଛନ୍ତି।