24-Apr-2024

ସିନ୍ଧେକେଲା(ଦୀନେଶ ଜୈନ ):  ବଲାଙ୍ଗିର ଜିଲ୍ଲା ହଳଦୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଜଙ୍ଗଲ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ କିଶୋର ଚନ୍ଦ୍ର ଝାଙ୍କରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଓଡିଶୀ ସଂଗୀତ ଗୁରୁ ପ୍ରକୃତି ବନ୍ଧୁ ରବୀନ୍ଦ୍ର ସାଏ ତାଙ୍କ ଶିଷ୍ୟ ଧରିତ୍ରୀ ବେହେରା ଓ ଧରିତ୍ରୀ ଯୁଗନିଆ ଙ୍କ ଦ୍ଵାରା ସମ୍ବଲପୁରୀ , ଚୁଟକୁଲା , ସ୍ଲୋଗାନ , ସଙ୍ଗୀତ ମାଧ୍ୟମରେ ଜଙ୍ଗଲ ସୁରକ୍ଷା ଉପରେ ବିଦ୍ୟାଳୟର

ଛାତ୍ରଛାତ୍ରୀ ସହ ଗ୍ରାମବାସୀ ଙ୍କୁ ସଚେତନ କରିଥିଲେ । ଖରାଦିନେ ବିଭିନ୍ନ ଜଙ୍ଗଲରେ ଲୋକମାନେ ନିଆଁ ଲଗାଇଦେବା କାରଣରୁ ବନ୍ୟପ୍ରାଣୀ ପଶୁପକ୍ଷୀ ଗୁଡିକ ବିପଦର ସମ୍ମୁଖୀନ ହେଉଛନ୍ତି । ମଣିଷ ସମାଜ ଉପରେ ମଧ୍ୟ ତାର କ୍ଷତି ପହଞ୍ଚୁଛି । ପାହାଡରେ ନିଆଁ ଲାଗି ମୂଲ୍ୟବାନ ଗଛ ପୋଡି ଜଙ୍ଗଲ ଧ୍ୱଂସ ହେବାରେ ଲାଗିଛି । ଏଣୁ ଏହାର ସୁରକ୍ଷା ପାଇଁ ସଚେତନ କାର୍ଯ୍ୟକ୍ରମ ଅନୁଷ୍ଠିତ କରାଯାଉଛି । ଶିକ୍ଷକ ଦୀନକୃଷ୍ଣ ଦାସ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଶିକ୍ଷୟିତ୍ରୀ ଗୀତାଞ୍ଜଳି ନାଗ , ନନ୍ଦିତା ବାଗ , ଶିକ୍ଷକ ସ୍ୱାଗତ କୁମାର ନାଏକ , ଚିନ୍ମୟ ସିଂ ପ୍ରମୁଖ ସହଯୋଗ କରିଥିଲେ । ଶେଷରେ ବଲାଙ୍ଗିର ଆକାଶବାଣୀ ରେ ପ୍ରସାରିତ ପ୍ରମିଳା ନାୟକଙ୍କ ଦ୍ୱାରା ରଚିତ ସଙ୍ଗୀତ ଆସିଲା ଖରା ତାତିଲା ଧରା ପରିବେଷଣ ଉପସ୍ଥିତ ସମସ୍ତଙ୍କୁ ମନମୁଗ୍ଧ କରିଥିଲା ।