24-Apr-2024

ସିନ୍ଧେକେଲା // ସିନ୍ଧେକେଲାର ଯୁବ ସାମ୍ବାଦିକ ତଥା ବଣିକ ସଂଘର ସହ ସମ୍ପାଦକ ଅନିଲ ତ୍ରିପାଠୀଙ୍କ ପିତା ଲମ୍ବୋଦର ତ୍ରିପାଠୀ(୭୦) ଙ୍କ ଗତ ସୋମବାର ରାତିରେ ଆକସ୍ମିକ ପରଲୋକ ଘଟିଛି । ଗତ କିଛିଦିନରୁ ସେ ଅସୁସ୍ଥ ଥିଲେ । ମୃତ୍ୟୁଶଯ୍ୟା ନିକଟରେ ଭାଇ ନୀଳକଣ୍ଠ ତ୍ରିପାଠୀ , ଫକୀର ତ୍ରିପାଠୀ , ପୁଅ ରାମଚନ୍ଦ୍ର ତ୍ରିପାଠୀ , ଅନିଲ ତ୍ରିପାଠୀ , ପୁତ୍ରବଧୁ ଭାରତୀ ତ୍ରିପାଠୀ , ମିନତୀ ତ୍ରିପାଠୀ , ଝିଅ ମଞ୍ଜୁଲତା , ଅଞ୍ଜୁ ଲତା , ଝିଅଜ୍ବାଇଁ ଧୀରେନ୍ଦ୍ର କୁମାର ଗୁରୁ , ନାତି ନାତୁଣୀ ପ୍ରାଞ୍ଜଳ ତ୍ରିପାଠୀ , ପାୟଲ ତ୍ରିପାଠୀ , ପ୍ରଂଜ୍ଞାନ ତ୍ରିପାଠୀ , ପ୍ରହାନ ତ୍ରିପାଠୀ ସହ ପରିବାର ବର୍ଗ ଉପସ୍ଥିତ ଥିଲେ । ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି । ଆଜି ମଙ୍ଗଳବାର ଗାଁ ଶ୍ମଶାନ ଘାଟରେ ଶେଷକୃତ୍ୟ କରାଯାଇଥିବା ବେଳେ ବଡ଼ପୁଅ ରାମଚନ୍ଦ୍ର ତ୍ରିପାଠୀ ତାଙ୍କୁ ମୁଖାଗ୍ନି ଦେଇଥିଲେ । ଶବାଧାରରେ ବନ୍ଧୁ ଓ ପରିବାର ବର୍ଗ ସହ ବିଭିନ୍ନ ପଂଚାୟତର ସରପଞ୍ଚ , ସମିତି ସଭ୍ୟ , ଗଣମାଧ୍ୟମ ପ୍ରତିନିଧି , ବିଭିନ୍ନ ଦଳର ନେତା , ସାମାଜିକ ବ୍ୟକ୍ତି ଓ ବିଭିନ୍ନ କାର୍ଯ୍ୟାଳୟର ଅଧିକାରୀ , କର୍ମଚାରୀ ଆଦି ସାମିଲ ହୋଇଥିଲେ । ଶ୍ରୀ ତ୍ରିପାଠୀଙ୍କ ବିୟୋଗରେ ରାଣୀପୁର ଝରିଆଲ ଟ୍ରଷ୍ଟ କମିଟିର ସଭାପତି ମାଣିକ ଚନ୍ଦ ଜୈନ, ଜିଲ୍ଲା ସାମ୍ବାଦିକ ସଂଘର ସଭାପତି ଶିବ ପ୍ରସାଦ ପରିଡା , ଓୟୁଜେ ସଭାପତି ବଦ୍ରୀ ମିଶ୍ର, ପ୍ରେସ କ୍ଲବ ସଭାପତି ଛୋଟୁ ସିଂ ସାଲୁଜା, କାର୍ଯ୍ୟକାରୀ ସଭାପତି ସୁରଦାସ ବାଗ , ସାମ୍ବାଦିକ ସଂଘ ବଙ୍ଗୋମୁଣ୍ଡା ସଭାପତି ରଶ୍ମୀ ରଞ୍ଜନ ପୁଟେଲ, ବଣିକ ସଙ୍ଘ ସଭାପତି ସୁବାଷ ଜୈନ , ବରିଷ୍ଠ ସାମ୍ବାଦିକ ଦିନେଶ ଜୈନ, ପ୍ରମୁଖ ଶୋକବ୍ୟକ୍ତ କରିଛନ୍ତି ।