19-Apr-2024

ବାଲାଙ୍ଗୀର,-ଶ୍ୟାମା ଶ୍ୟାମ ସତସଙ୍ଗ ବଲାଙ୍ଗୀର ଶାଖା ପକ୍ଷରୁ ରାମ ନବମୀ ଉତ୍ସବ ଅତି ଆନନ୍ଦମୟ ପରିବେଶ ମଧ୍ୟରେ ପାଳିତ ହୋଇଯାଇଛି । ସକାଳୁ ଦୈନିକ ପ୍ରାର୍ଥନା, ଆରତୀ ଓ ବନ୍ଦନା,ପରେ ସାଧନା ଆରମ୍ଭ ତଥା ଦିନ ୧୨ଟା ସମୟରେ ରାମ ଲାଲାଙ୍କ ଜନ୍ମ ଓ ଅଭିଷେକ କାର୍ଯ୍ୟକ୍ରମ ସଂପାଦିତ ହୋଇଥିଲା । ଶ୍ରୀରାମ ଲାଲାଙ୍କୁ ଘଂଟ, ଶଙ୍ଖ ଓ ହୁଳହୁଳି ଧ୍ୱନୀ ସହ ଶତାଧିକ ଶ୍ରଦ୍ଧାଳୁ ଭଗବତୀ ଲକୋନୀ ପରିକ୍ରମା କରାଇ ମୁଖ୍ୟପୂଜାସ୍ଥଳୀକୁ ନେଇଥିଲେ । ସେଠାରେ ତାଙ୍କୁ ଗଙ୍ଗାଜଳ ତଥା ଦୁଗ୍ଧ ସ୍ନାନ କରି ସୁବେଶ କରାଇ ସୁସଜ୍ୱିତ ପାଲଙ୍କିରେ ବିରାଜିତ କରାଯାଇଥିଲା । ତତ୍‌ପଶ୍ଚାତ ସମସ୍ତ ଶ୍ରଦ୍ଧାଳୁ ମାନେ ମହାଆଳତି ପର୍ବ ସଂପାଦିତ କରିଥିଲେ । ପରେ ପରେ ସଙ୍ଗୀତମୟ ପରିବେଶରେ ମହାଭୋଗ ଓ ବଧାଇ ପର୍ବ ସହ ସଦ୍‌ଗୁରୁ କୃପାଳୁଜୀଙ୍କ ଚରଣ ପାଦୁକା ପୂଜନକ୍ରମରେ ପ୍ରସାଦ ସେବନ ସହ ଏକ ସାମୟିକ ବିରତି କରାଯାଇଥିଲା ।   
କାର୍ଯ୍ୟକ୍ରମର ଦ୍ୱିତୀୟ ପର୍ବ ଅପରାହ୍ନ ୩ଟାରୁ ୫ଟା ପର୍ଯ୍ୟନ୍ତ ରାମ ଭଜନ, ଗୁରୁ ବନ୍ଦନା ଏବଂ ୫ଟା ୩ଠରେ ଶ୍ୟାମରସ ପାନ କରାଯାଇଥିଲା ।  ସଂଧ୍ୟା ୬ଟା ୩ଠ ରୁ ରାତି ୮ଟା ୩ଠ ପର୍ଯ୍ୟନ୍ତ ଭଜନ,କୀର୍ତ୍ତନ, ସଂଧ୍ୟା ଆଳତି ଓ ପ୍ରସାଦ ଲାଗି ଅନୁଷ୍ଠିତ ହୋଇଥିଲା । ରାତି ୯ଟାରେ ସମସ୍ତ ଶ୍ରଦ୍ଧାଳୁ ପ୍ରସାଦ ସେବନ କରିଥିଲେ । ସମସ୍ତ ଭକ୍ତ ମାନଙ୍କର ଆନ୍ତରିକ ସହଯୋଗ ରେ କାର୍ଯ୍ୟକ୍ରମଟି ସୁଚାରୁ ରୂପରେ ସଂପନ୍ନ ହୋଇଥିଲା ।