13-Apr-2024

କଣ୍ଟାମାଳ (ଜୟ କୁମାର ମହାରଣା )
କଣ୍ଟାମାଳ ଶ୍ରୀରାମ ଚରିତ ମାନସ ପlରାୟଣ ଭକ୍ତ ବୃନ୍ଦ ଙ୍କ ଆନୁକୂଲ୍ୟରେ କଣ୍ଟାମାଳ ବ୍ଲକଛକ ସ୍ଥିତ ଶ୍ରୀରାମ ମନ୍ଦିର ଠାରେ ନଅ ଦିନ ବ୍ୟାପି ଚାଲିଥିବା ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନକାର୍ଯ୍ୟକ୍ରମ ସମଗ୍ର କଣ୍ଟାମାଳରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରି ଶନିବାର ରାତିରେ ଭକ୍ତ ଓ ଶ୍ରଦ୍ଧାଳୁ ଙ୍କ ହୃଦୟରେ ଶ୍ରୀରାମପ୍ରେମ ଜାଗ୍ରତ କରି ଉଦଯାପିତ ହୋଇଯାଇଛି   l  ଶେଷ ଦିବସରେ  ପ୍ରଭୁ ଶ୍ରୀରାମ ଙ୍କ  ରାବଣ ବଦ୍ଧ ଓ ଅଯୋଧ୍ୟା ପ୍ରତ୍ୟାବର୍ତ୍ତନ ଏବଂ ରାଜ୍ୟାଭିଷେକ ର ଅମୃତମୟ କଥା ଶ୍ରବଣ କରିବାପାଇଁ ବହୁ ସଂଖ୍ୟାରେ ରାମ ପିପାସୁ ଭକ୍ତ ତଥା ସଜ୍ଜନ ମଣ୍ଡଳୀ ଯୋଗଦେଇଥିଲେ   l  ସକାଳେ ସୁବର୍ଣ୍ଣପୁର ଜିଲ୍ଲା ତେଲେଣ୍ଡା ଗ୍ରାମର ପlରାୟଣ ବ୍ୟାସ ଶ୍ରୀ ଗୋବର୍ଦ୍ଧନ ମିଶ୍ର ଓ ସନ୍ଧ୍ୟାରେ ଘଟିକିଆ ଭୁବନେଶ୍ୱର ରୁ ଆଗତ ଶ୍ରୀରାମ କଥା ବାଚକ ଶ୍ରୀଯୁକ୍ତ ବୈଦ୍ୟନାଥ ଦାଶ ପ୍ରବଚନ ବ୍ୟାସ ଭାବେ ଯୋଗଦେଇ ପ୍ରଭୁ ଶ୍ରୀରାମ ଙ୍କ ବନବାସ ଠାରୁ ଆରମ୍ଭ କରି ପର୍ଯ୍ୟାୟକ୍ରମେ ବଣରେ ରାବଣ ଦ୍ୱାରା ସୀତା ଚୋରି, କୈବଟ ପ୍ରସଙ୍ଗ,ଅହଲ୍ୟା ଉଦ୍ଧାର, ଶବରୀ ଅଇଁଠା କୋଳି, ବାଳି ସୁଗ୍ରୀବ ଯୁଦ୍ଧ, ହନୁମାନଙ୍କ ଲଙ୍କା ଗମନ ଓ ମାତା ସୀତା ଠାବ,ଶୁମ୍ଭ, ନିଶୁମ୍ଭ, କୁମ୍ଭକର୍ଣ୍ଣ ବଦ୍ଧ ସହ ରାବଣ ବଦ୍ଧ ପରେ ପ୍ରଭୁ ଶ୍ରୀରାମ ଙ୍କ ଅଯୋଧ୍ୟା ପ୍ରତ୍ୟାବର୍ତ୍ତନ ଓ ରାଜ୍ୟାଭିଷେକ  ସମ୍ପର୍କରେ ଦୀର୍ଘ ନଅ ଦିନ ବ୍ୟାପି ବିସ୍ତୃତ ଭାବେ ବର୍ଣ୍ଣନା କରି ଶ୍ରୋତା ମାନଙ୍କୁ ଶୁଣାଇଥିଲେ   l   ସେହିପରି ପ୍ରତି ସନ୍ଧ୍ୟାରେ ଘଟିକିଆ ଭୁବନେଶ୍ୱର ରୁ ଆଗତ ଶ୍ରୀରାମ କଥା ବାଚକ ଶ୍ରୀଯୁକ୍ତ ବୈଦ୍ୟନାଥ ଦାଶ ପ୍ରବଚନ ବ୍ୟାସ ଭାବେ ଯୋଗଦେଇ ପ୍ରଭୁ ଶ୍ରୀରାମ ଙ୍କ ଅମୃତମୟ କଥା ଶ୍ରୋତା ମାନଙ୍କୁ ଖୁବ ସୁନ୍ଦର ଭାବେ ବର୍ଣନା କରି ବୁଝାଇଥିଲେ  l କଣ୍ଟାମାଳ ବ୍ଲକଛକ ଶ୍ରୀରାମ ଚରିତ ମାନସ ଆୟୋଜନ କମିଟି ସଭାପତି ସନ୍ତୋଷ କୁମାର ବିଶି, ସମ୍ପାଦକ ଦାମୋଦର ସ୍ୱାଇଁ,ସନତ କୁମାର ମିଶ୍ର,ନୀଳାଞ୍ଚଳ ଗୁରୁ, ରବୀନ୍ଦ୍ର କୁମାର ମହାପାତ୍ର,ହରିବନ୍ଧୁ ପୁରୋହିତ,ରାଜ କିଶୋର ମିଶ୍ର,ମନୋଜ କୁମାର ରାଜହଂସ, ଜୟ କୁମାର ମହାରଣା,ପୂର୍ଣ୍ଣ ଚରଣ ସାହୁ,ଗୌରାଙ୍ଗ ବଗର୍ତ୍ତୀ, ଅପର୍ତ୍ତି ପ୍ରଧାନ,ପ୍ରଦୀପ ପ୍ରଧାନ ସମେତ ବହୁ ସଂଖ୍ୟାରେ ମହିଳା ଭକ୍ତ ଯୋଗଦେଇଥିଲେ   l