12-Apr-2024

ନୂଆପଡ଼ା  (ଡୋଲେଶ୍ଵର ବାଗ )
ନୂଆପଡା ଜିଲ୍ଲା ବୋଡେ଼ନ ବ୍ଲକ ଧରଣୀମାଳ ଗ୍ରାମରେ ଷୋହଳ ପ୍ରହାର ନାମ ଯଜ୍ଞ  ଗ୍ରାମବାସୀଙ୍କ ଆନୁକୁଲ୍ୟରେ ଅନୁଷ୍ଠିତ ହୋଇଯାଇଛି ।ଗୁରୁବାର ଗ୍ରାମର ଶତାଧିକ ମହିଳା କଳସ ଶୋଭାଯାତ୍ରାରେ ବାହାରି ସ୍ଥାନୀୟ ପୋଖରୀରେ ପୂଜାର୍ଚ୍ଚନା କରି କଳସ ରେ ପାଣି ଉଠାଇ ସଙ୍କୀର୍ତ୍ତନ ଦଳ ଓ  ଘୁମୁରା ଦଳ ସହଯୋଗରେ ଗ୍ରାମ ପରିକ୍ରମା ପୂର୍ବକ ସେଠାରୁ ପ୍ରହରୀ ମଣ୍ଡପରେ ପହଂଚି କଳସ ସ୍ଥାପନା କରିଥିଲେ  ।ଏହି ନାମ ଯଜ୍ଞରେ ସାତୋଟୀ ସଂକିର୍ତ୍ତନ ଦଳ ଅଂଶ ଗ୍ରହଣ କରିଥିବାବେଳେ କର୍ତ୍ତା ରୂପନାରାୟଣ କଟାଙ୍କ ସହ ତାଙ୍କ ଧର୍ମ ପତ୍ନୀ ରଙ୍ଗବତୀ କଟା , ମୁଖ୍ୟ ପୂଜକ ଶ୍ରୀ ଯୁକ୍ତ ଦାମୋଦର ହୋତା ଓ ତାଙ୍କ ସହ ଯୋଗୀ ଉପସ୍ଥିତ ରହି ଯଜ୍ଞ କର୍ମ ଯଥା ଵିଧିରେ ପରି ଚାଳନା କରିଥିଲେ ।ଏହି ନାମ ଯଜ୍ଞର ପୂର୍ଣ୍ଣାହୁତି ଆସନ୍ତା ରବିବାର  ହେବ ବୋଲି କମିଟି ତରଫରୁ ପ୍ରକାଶ କରିଛନ୍ତି । ଉକ୍ତ କମିଟିର ସଭାପତି ଶ୍ରୀ ଯୁକ୍ତ ମନୋରଞ୍ଜନ ବେହେରା, ଉପ ସଭାପତି ଶ୍ରୀ ଯୁକ୍ତ ମହେନ୍ଦ୍ର ଭୋଇ, କୋଷାଧ୍ୟକ୍ଷ  ହରି ସିଂ କଟା, ସମ୍ପାଦକ ଶ୍ରୀ ଯୁକ୍ତ ଲିଙ୍ଗରାଜ କଟା  ତଥା କମିଟି ସଭ୍ୟ ଓ ଗ୍ରାମବାସିଙ୍କ ସହଯୋଗରେ ବିଭିନ୍ନ ଦାୟୀତ୍ୱ ବହନ କରି ସୁନ୍ଦର ଭାବେ ଶାନ୍ତି ଶୃଙ୍ଖଳା ସହ ପ୍ରଭୁଙ୍କ ନାମ ରସ ପାନ କରି ଲୋକଙ୍କୁ ଭକ୍ତି ମାର୍ଗରେ ଆଗେଇ ନେବାରେ ସଫଳ ହେବାର ଉଦାହରଣ ସାଜିଛନ୍ତି ।