08-Apr-2024

ସମ୍ବଲପୁର(ପ୍ରେରଣା ଖବର): ସମ୍ବଲପୁର ବିଶ୍ୱବିଦ୍ୟାଳୟର ୩୩ତମ ସମାବର୍ତ୍ତନ ଉତ୍ସବରେ ବିଶିଷ୍ଟ ଯୁବ ଗବେଷକ ଅଧ୍ୟାପକ ଡକ୍ଟର ସୁରେଶ ପ୍ରସାଦ ଷଡଙ୍ଗୀଙ୍କୁ ଶିକ୍ଷା ଜଗତର ସର୍ବୋଚ୍ଚ ମର୍ଯ୍ୟାଦାଜନକ ଡି.ଲିଟ୍ ଡିଗ୍ରୀ ପ୍ରଦାନ କରିଛନ୍ତି ମହାମହିମ ରାଜ୍ୟପାଳ ଶ୍ରୀ ରଘୁବର ଦାଶ l  ‘କେବିକେ ଜିଲ୍ଲାରେ ସ୍ୱୟଂ ସହାୟକ ଗୋଷ୍ଠୀ ମାନଙ୍କର ପଂଚାୟତିରାଜରେ ରାଜନୈତିକ ଯୋଗଦାନ’ ବିଷୟକୁ ନେଇ ଶ୍ରୀ ଷଡଙ୍ଗୀ ଦୀର୍ଘ ବର୍ଷ ଧରି ଗବେଷଣା କରୁଥିଲେ । ଡକ୍ଟର  ଷଡଙ୍ଗୀ ସଂପ୍ରତି ଦେଓଗାଁ ପଂଚାୟତ ସମିତି ଡିଗ୍ରୀ ମହାବିଦ୍ୟାଳୟରେ ରାଜନୀତି ବିଜ୍ଞାନ ଅଧ୍ୟାପକ ଭାବେ କାର୍ଯ୍ୟରତ । ।ଏକ ଯୁବ ଗବେଷକ ଭାବେ ଶ୍ରୀ ଷଡଙ୍ଗୀ ଏହା ପୂର୍ବରୁ ଉତ୍କଳ ବିଶ୍ୱବିଦ୍ୟାଳୟରୁ ପିଏଚ୍‌ଡି  ଡିଗ୍ରୀ ଲାଭ କରିବା ସହ ୟୁଜିସି ମାଇନର୍ ରିସାର୍ଚ୍ଚ ପ୍ରୋଜେକ୍ଟ ଓ ମେଜର ରିସାର୍ଚ୍ଚ ପ୍ରୋଜେକ୍ଟରେ ଉଲ୍ଲେଖନୀୟ କାର୍ଯ୍ୟ କରିଛନ୍ତି । ପୁନଶ୍ଚ ତାଙ୍କର ୪ଠରୁ ଉର୍ଦ୍ଧ୍ୱ ଗବେଷଣାତ୍ମକ ଆଲେଖ୍ୟ ବିଭିନ୍ନ ଜାତୀୟ ଓ ଆନ୍ତର୍ଜାତୀୟ ଖ୍ୟାତିସଂପନ୍ନ ଜର୍ଣ୍ଣାଲରେ ପ୍ରକାଶିତ ହୋଇ ସାରିଛି । ଏଠାରେ ଉଲ୍ଲେଖ କରାଯାଇ ପାରେ ଯେ, ଶ୍ରୀ ଷଡଙ୍ଗୀ ତାଙ୍କର ଗବେଷଣାତ୍ମକ କାର୍ଯ୍ୟକୁ ଆଗେଇ ନେବା ସହିତ ଏକ ଗବେଷଣାତ୍ମକ ପୁସ୍ତକ ରଚନା କରିଛନ୍ତି ।ଏଥିସହିତ ୬୫ରୁ ଉର୍ଦ୍ଧ୍ୱ ଜାତୀୟ ଓ ଆନ୍ତର୍ଜାତୀୟ ସେମିନାରରେ ନିଜର ଗବେଷଣାତ୍ମକ ନିବନ୍ଧ ଉପସ୍ଥାପନା କରିଛନ୍ତି ।  ବିଭିନ୍ନ ସଂଗୋଷୀରେ ନିଜର ବକ୍ତବ୍ୟ ଉପସ୍ଥାପନ କରି ଉଚ୍ଚପ୍ରଶଂସିତ ହୋଇଛନ୍ତି  । ଶ୍ରୀ ଷଡଙ୍ଗୀଙ୍କ ଉଲ୍ଲେଖନୀୟ  ଡି .ଲିଟ୍ ଉପାଧି ପାଇଁ  ପାଇଁ ତାଙ୍କୁ  ବିଭିନ୍ନ ଶିକ୍ଷା ମହଲରୁ ତଥା ରାଜନୀତି ବିଜ୍ଞାନ ଛାତ୍ରଛାତ୍ରୀ ମାନଙ୍କ ତରଫରୁ ଶୁଭେଚ୍ଛାର ଶୁଅ ଛୁଟିଛି ।