07-Apr-2024

ବଲାଙ୍ଗିର(ପ୍ରେରଣା ଖବର ): ବଲାଙ୍ଗିର ସରକାରୀ ଶିଳ୍ପ ତାଲିମ କେନ୍ଦ୍ର ନିକଟସ୍ଥ ଶୁଭରାଜ ଭବନ ପରିସରରେ ତହକ ସାହିତ୍ୟ କୁଟୁମ ତରଫରୁ ଆୟୋଜିତ କବି ସମ୍ମିଳନୀ ଏବଂ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗଦେଇ ଥିଲେ ରାଜ୍ୟସଭା ସାଂସଦ ନିରଞ୍ଜନ ବିଶି l କବି ସମ୍ମିଳନୀରେ କବି ମାନେ ସ୍ୱରଚିତ କବିତା ପଠନ କରିଥିଲେ l କବି ରାଜୀବ ପ୍ରସାଦ ଭୋଇଙ୍କ ଦ୍ୱାରା ଲିଖିତ "ପ୍ରେମ ପୁସ୍ତକ"

ମୁଖ୍ୟ ଅତିଥି ରାଜ୍ୟସଭା ସାଂସଦ ଶ୍ରୀ ବିଶି ଉନ୍ମୋଚନ କରିଥିଲେ l ସାହିତ୍ୟ, ସଂସ୍କୃତି, ଭାଷା ସମୃଦ୍ଧ ହେଲେ ସମାଜ ବିକଶିତ ହେବ l ସମାଜ ଉନ୍ନତ ହେଲେ ଦେଶ ର ଅଗ୍ରଗତି ହେବ ବୋଲି ସାଂସଦ ଶ୍ରୀ ବିଶି ପ୍ରକାଶ କରିଥିଲେ l ଆହୁରି ମଧ୍ୟ କବି, ଲେଖକ, ସାହିତ୍ୟିକ, ଗଳ୍ପକାର,ସଚେତନ ନାଗରିକ, ବୁଦ୍ଧିଜୀବୀ ମାନେ ହିଁ ଲୋକଙ୍କୁ ଜାଗ୍ରତ କରି ଦେଶର ଏକତା,

ଅଖଣ୍ଡତା, ଭାଇଚାରା, ସଦଭାବନା ସୃଷ୍ଟି କରି ପାରିବେ ବୋଲି ଶ୍ରୀ ବିଶି ଉଦବୋଧନ ଦେଇଥିଲେ l ସାହିତ୍ୟ ସାଧନା ଦିଗରେ କାର୍ଯ୍ୟରତ ସମସ୍ତ କବି, ଲେଖକ, ଗାଳ୍ପିକ, ମାନଙ୍କୁ ସାଂସଦ ଶ୍ରୀ ବିଶି ପ୍ରଶଂସା କରିଥିଲେ l କବି,ଲେଖକ,କଳାକାର ମାନଙ୍କୁ ସାଂସଦ ଶ୍ରୀ ବିଶି ମାନପତ୍ର ଏବଂ ପ୍ରଶଂସା ପତ୍ର ପ୍ରଦାନ କରି ଉତ୍ସାହିତ କରିଥିଲେ l କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବ ରେ କବି ନିରଞ୍ଜନ ପଣ୍ଡା, ଇଂ.ସତ୍ୟନାରାୟଣ କୁମୁରା,ରାଜେଶ ଦଣ୍ଡସେନା, ରାଜୀବ ପ୍ରସାଦ ଭୋଇ, ଦିଗାମ୍ବର ନାଏକ,ପ୍ରମୁଖ ମଞ୍ଚାସିନ ଥିଲେ l ଏହି କାର୍ଯ୍ୟକ୍ରମ ରେ ଶତାଧିକ କବି ଯୋଗ ଦେଇଥିଲେ