24-Dec-2020

ଉଲୁଣ୍ଡା- ଯେଉଁ ଜାତିର ଭାଷା ଯେତିକି ଉନ୍ନତ ସେ ଜାତି ସେତିକି ସମୃଦ୍ଧ । ଭାଷା ଭିତ୍ତିରେ ପ୍ରଦେଶ ଗଠନରେ ଓଡ଼ିଶା ହେଉଛି ସମଗ୍ର ଭାରତରେ ପ୍ରଥମ । ଓଡ଼ିଆ ଭାଷାର ସୁରକ୍ଷା ସହିତ ଏହାର ପ୍ରସାର କରିବା ପ୍ରତ୍ୟେକ ଓଡ଼ିଆର କର୍ତ୍ତବ୍ୟ ବୋଲି ଉଲୁଣ୍ଡା ବ୍ଲକ ଧର୍ମଶାଳା ଠାରେ ଆୟୋଜିତ ଶୀତକାଳୀନ କବିତା ଆସରରେ ମଞ୍ଚାସୀନ ବକ୍ତା ମାନେ କହିଥିଲେ । ମାଟିଲଗ୍ନା ସାହିତ୍ୟ ସଂସଦ, ଓଡ଼ିଶା ର ସୁବର୍ଣ୍ଣପୁର ଜିଲ୍ଲା ଶାଖା ଆନୁକୂଲ୍ୟରେ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମରେ ଜିଲ୍ଲା ଶାଖାର ସଭ।।ପତି ଘନଶ୍ୟାମ ତ୍ରିପାଠୀ ସଭାପତିତ୍ୱ କରିଥିଲେ । ସଂସଦର ପ୍ରତିଷ୍ଠାତା ସଭାପତି କିଶୋର ଚନ୍ଦ୍ର ପ୍ରଧାନ ମୁଖ୍ୟ ଅତିଥି, ବକ୍ତା ଭାବରେ ବୀରମହାରାଜପୁର ମହାବିଦ୍ୟାଳୟର ଇତିହାସ ବିଭାଗର ମୁଖ୍ୟ ଡା. ହିମାଂଶୁ ଶେଖର ପାଢ଼ୀ ଯୋଗ ଦେଇଥିଲେ । ସ୍ୱତନ୍ତ୍ର ଅତିଥି ଭାବେ ବର୍ଷୀୟାନ କବୟିତ୍ରୀ ନୁରାବତୀ ସାହୁ ଯୋଗ ଦେଇଥିଲେ । ସଭା ଶେଷରେ ସଞ୍ଜୟ ମିଶ୍ର ଧନ୍ୟବାଦ ଅର୍ପଣ କରିଥିଲେ ।