24-Dec-2020

ସମ୍ବଲପୁର(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ବିଜୁ ଯୁବ ଜନତା ଦଳ, ସମ୍ବଲପୁର ପକ୍ଷରୁ ଏନ୍ଏଚଏଆଇ କାର୍ଯ୍ୟାଳୟରେ ଦାବି ପତ୍ର ପ୍ରଦାନ କରାଯାଇ ଏନ୍ ଏଚ କର୍ତ୍ତୃପକ୍ଷ କରୁଥିବା ଅବହେଳା ଏବଂ ଧୀର ମନ୍ଥର କାର୍ଯ୍ୟର ପ୍ରତିବାଦ କରାଯାଇଛି I ବିଭିନ୍ନ ଦାବି ନେଇ ଦିଆ ଯାଇଥିବା ଦାବିପତ୍ରରେ ଏନ୍ ଏଚ଼ ୫୩ ର ମରାମତି, ଆଲୋକିକରଣ , ରାସ୍ତା ପାର୍ଶ୍ବରେ ବୃକ୍ଷ ରୋପଣ,  ଲକ୍ଷ୍ମୀ ଦୁଙ୍ଗୁରୀରେ ଖସୁଥିବା ମାଟି ଅତଡାର ସ୍ଥାୟୀ ପ୍ରତିକାର ସହ ଟୋଲ ଗେଟ୍ ରେ ହେଉଥିବା ଅତ୍ୟଧିକ ଟେକ୍ସ କୁ କମ୍ କରିବା ପାଇଁ ସମ୍ବଲପୁର  ଯୁବ ଜନତା ଦଳ ସଭାପତି ଲକ୍ଷ୍ମୀ ପ୍ରସାଦ ମହାପାତ୍ର, ସାଧାରଣ ସମ୍ପାଦକ ଅନୁଜ ଜେନା, ସମ୍ପାଦକ ମଞ୍ଜୁ ଓରାମ, ଜିଲ୍ଲା ଆଇ.ଟି ସଂଯୋଜକ ଚିତ୍ତ ରଞ୍ଜନ ରାଉଳ, ଜିଲ୍ଲା ଛାତ୍ର ସାଧାରଣ ସମ୍ପାଦକ ସୌରଭ ସେନ୍, ଯୁବ ନେତା ମହେଶ୍ବର ଗର୍ଡିଆ, ଉତ୍ତମ ବାଗ ପ୍ରମୁଖ  ଦାବି କରିଛନ୍ତି I ସହକାରୀ ମ୍ୟାନେଜର ନିତିନ୍ ଗୁପ୍ତା ଙ୍କୁ ଦାବି ଜଣାଇ ଦାବିପତ୍ର ପ୍ରଦାନ କରିଛନ୍ତି। ଏହି ଦିଗରେ ଶୀଘ୍ର ପଦକ୍ଷେପ ନେବା ପାଇଁ ହୋଇଥିବା ଦାବି କୁ ଅତିଶୀଘ୍ର କାର୍ଯ୍ୟକାରୀ କରାଯିବ ବୋଲି ଶ୍ରୀ ଗୁପ୍ତା ପ୍ରତିଶ୍ରୁତି ପ୍ରଦାନ କରିଥିବା ବିଜୁ ଯୁବ ଜନତା ଦଳ ଜ଼ିଲ୍ଲା ସଭାପତି ଲଷ୍ମୀ ପ୍ରସାଦ ମହାପାତ୍ର ଜଣାଇଛନ୍ତି I