02-Apr-2024

ସିନ୍ଧେକେଲା(ଦୀନେଶ ଜୈନ ): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ କୁଣ୍ଡାବୁଟୁଲା  ଛେଳିଆ ସାହୁ ହାଇସ୍କୁଲ ର ୩୬ ତମ ପ୍ରତିଷ୍ଠା ଦିବସ ସମାରୋହ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ରେ ପ୍ରଥମେ ଉତ୍କଳ ଦିବସ ଅବସରରେ ପୂଜା ମଣ୍ଡପ ଓ ଭଗବାନ ଶ୍ରୀ ଗଣେଶ ଓ ବାଗଦେବୀ ସରସ୍ୱତୀ ଙ୍କ ପ୍ରତିମୂର୍ତ୍ତି ସ୍ଥାପନ କରାଯାଇଥିଲା । ଜାତିର ପିତା ମହାତ୍ମା ଗାନ୍ଧୀ, ନେତାଜୀ ସୁବାଷ ଚନ୍ଦ୍ର ବୋଷ, ଉତ୍କଳମଣି ଗୋପବନ୍ଧୁ ଦାସ, ଉତ୍କଳ ଗୌରବ ମଧୁସୂଦନ ଦାସ ଙ୍କ ପ୍ରତିମୂର୍ତ୍ତି କୁ ଅତିଥି ମାନଙ୍କ ଦ୍ୱାରା ଶୁଭ ଉଦଘାଟନ କରିଥିଲେ । ଛେଳିଆ ସାହୁ ଉଚ୍ଚ ବିଦ୍ୟାଳୟ ର ପ୍ରଧାନଶିକ୍ଷକ ସୁଧୀର କୁମାର ସାହୁ ଙ୍କ ସଭାପତିତ୍ୱ ରେ ମୁଖ୍ୟ ଅତିଥି ଭାବେ ବଙ୍ଗୋମୁଣ୍ଡା ବ୍ଳକ ଶିକ୍ଷାଧିକାରୀ ବୈକୁଣ୍ଠ ନାଥ ଶବର ,ମୁଖ୍ୟବକ୍ତା ଭାବେ ଖଇରା ସତ୍ୟ ମହିମା ସଂସ୍କୃତ ବିଦ୍ୟାପୀଠ ର ପ୍ରଧାନ ପଣ୍ଡିତ ଅକ୍ଷୟ କୁମାର ତ୍ୟାଗୀ, ସମ୍ମାନୀୟ ଅତିଥି ଭାବେ ପୂର୍ବତନ ଜିଲ୍ଲା ପରିଷଦ ସଦସ୍ୟ ଉଦ୍ଧବ ବେହେରା,ଅବସରପ୍ରାପ୍ତ ଶିକ୍ଷକ ଗୟାପ୍ରସାଦ ସାହୁ,ସ୍କୁଲ ର ଆଜୀବନ ସଦସ୍ୟ ହଂସରାଜ ସାହୁ,ସତ୍ୟବାନ ସାହୁ, ସ୍କୁଲ ର ସମ୍ପାଦିକା ବାସନ୍ତୀ ସାହୁ,ଧନିରାମ ବିଶ୍ୱାଳ ପ୍ରମୁଖ ଅତିଥି ଭାବେ ଯୋଗ ଦେଇ ସ୍କୁଲ ର ଉନ୍ନତି କରିବା  ପାଇଁ ସମସ୍ତେ  ଆଗେଇ ଆସିବା ପାଇଁ ଅତିଥି ମାନେ ମତବ୍ୟକ୍ତ କରିଥିଲେ ଏଥିରେ ସହକାରୀ ଶିକ୍ଷକ ବୃନ୍ଦାବନ ସାହୁ, ନିର୍ମଳା ସିଂ, ପ୍ରତାପ କୁମାର ସାହୁ, ସୁରେଶନ ବେହେରା, ଭୀଷ୍ମରାଜ ସାହୁ, ପିଅନ ସୁବଳ ପୁଞ୍ଜି, ସୁଦର୍ଶନ ବେହେରା, ଦେବରାଜ ସାହୁ,ନନ୍ଦି କିଶୋର ବିଶ୍ୱାଳ, ଭଗବାନ ଭୋଇ ପ୍ରମୁଖ ଙ୍କ ସହ ବିଦ୍ୟାଳୟ ପରିଚାଳନା କମିଟି ଓ ଗ୍ରାମବାସୀ ମାନେ ପୂର୍ଣ୍ଣ ମାତ୍ରା ରେ ସହଯୋଗ କରିଥିଲେ । ବିଭିନ୍ନ କାର୍ଯ୍ୟକ୍ରମ ରେ କୃତୀ ପ୍ରତିଯୋଗୀ ଙ୍କୁ ପୁରସ୍କାର ପ୍ରଦାନ କରାଯାଇଥିଲା । ପରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଗୁଡିକ ପରିବେଷଣ ହୋଇଥିଲା । ଲୋକ ମାନେ ଅନେକ ସମୟ ଧରି କାର୍ଯ୍ୟକ୍ରମ ରେ ସାମିଲ ହୋଇ ଉପଭୋଗ କରିଥିଲେ।