27-Mar-2024

ସିନ୍ଧେକେଲା(ଦୀନେଶ ଜୈନ)- ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ଲକ୍ଷ୍ମୀନାରାୟଣ ପଡାର ପ୍ରହରୀ ମଣ୍ଡପରେ କଟକିଆ ସମାଜ ଦ୍ୱାରା ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ  ଅଷ୍ଟପ୍ରହରି ନାମଯଜ୍ଞ ଓ ଫାଲଗୁନ ଉତ୍ସବ ଉଦଯାପିତ ହୋଇଯାଇଛି । ତିନିଦିନ ବ୍ୟାପୀ ଚାଲିଥିବା କାର୍ଯ୍ୟକ୍ରମରେ ପ୍ରଥମ ଦିନ ଅଧିବାସ ହୋଇଥିଲା । କଟକିଆ ପଡ଼ା ତଥା ଆଖପାଖ ଲୋକେ ସ୍ଥାନୀୟ ଦ୍ୱାରସେହ୍ନି ମନ୍ଦିର ନିକଟ ପବିତ୍ର ପୁଷ୍କରିଣୀ

ବାଣୀବଘାର ରୁ ବାଦ୍ୟଯନ୍ତ୍ର ସହ କଳସ ଆଣି ପ୍ରହରୀ ମଣ୍ଡପରେ ସ୍ଥାପନ କରିଥିଲେ । ପରବର୍ତ୍ତୀ ଦିନ ସକାଳୁ 'ହରେ କୃଷ୍ଣ ହରେ ରାମ' , 'ନିତାଇ ଗୌର ରାଧେଶ୍ୟାମ' ନାମାରମ୍ବ ହୋଇଥିଲା । ଉକ୍ତ ପ୍ରହରିରେ ଆଖପାଖ ତଥା ଦୂରଦୂରାନ୍ତରୁ ବିଭିନ୍ନ ସଂକୀର୍ତ୍ତନ ଦଳ ଭାଗ ନେଇ ନିଜ ନିଜ ଦଳର ସୁନ୍ଦର ପ୍ରଦର୍ଶନ କରିଥିଲେ । ପୂଜକ ଭାବରେ ପଣ୍ଡିତ ଭବାନୀ ଶଙ୍କର ତ୍ରିପାଠୀ , ଜପକ ଭାବରେ ରଞ୍ଜନ ଷଡ଼ଙ୍ଗୀ ଯୋଗଦେଇ ପୂଜା କାର୍ୟ ସମ୍ପାଦିତ କରିବା ସହ ମନ୍ତ୍ରପାଠ କରିଥିବା ବେଳେ ଆନନ୍ଦ ସାହୁ କର୍ତ୍ତା ଦାୟିତ୍ୱ ତୁଲାଇଥିଲେ । ଶେଷ ଦିବସରେ ସକାଳେ ପୂର୍ଣ୍ଣାହୁତି ପରେ ଫାଲଗୁନ ଉତ୍ସବରେ  କୀର୍ତ୍ତନ ମଣ୍ଡଳୀ ସହ ଫଗୁ ଖେଳ ଖେଳି ଗ୍ରାମ ପରିକ୍ରମା କରାଯାଇଥିଲା । ରାତ୍ରିରେ ବୈଠକି କାର୍ଯ୍ୟକ୍ରମ ଅର୍ଥାତ ସଂକୀର୍ତ୍ତନ ମଣ୍ଡଳୀଙ୍କ ପ୍ରତିଯୋଗିତା ଅନୁଷ୍ଠିତ ହୋଇଥିଲା ସେଥିରେ ଶ୍ରେଷ୍ଠ ପ୍ରଦର୍ଶନ କରିଥିବା ଦଳ ମାନଙ୍କୁ ପୁରସ୍କୃତ ସହ ସମ୍ମାନିତ କରାଯାଇଥିଲା । ଶ୍ରୀ ନିତାଇ ଗୌର ପୂଜା କମିଟି ପକ୍ଷରୁ ତଥା ସାହୁ ସମାଜର ସଭାପତି ସୁରିୟା ସାହୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ କଟକିଆ ସମାଜର ମୁଖ୍ୟ ହରିହର ସାହୁ , ଦୟାନିଧି ସାହୁ , ରାଜ୍ କିଶୋର ସାହୁ , ବିନୋଦ ସାହୁ , ଗୋବିନ୍ଦ ସାହୁ , ନର ସାହୁ , ପ୍ରଫୁଲ୍ଲ ସାହୁ ,

ପ୍ରମୋଦ ସାହୁ ,  ସୁରେଶ ସାହୁ , ପ୍ରସନ୍ନ ସାହୁ , ବୈକୁଣ୍ଠ ସାହୁ , ମୁନା ସାହୁ , ମନ ସାହୁ , ସନ୍ତୋଷ ସାହୁ , ଗୋପୀ ସାହୁ , ବଳରାମ ସାହୁ , ଜଗ ସାହୁ , ଅଲୋକ ସାହୁ , ମୁକେଶ ସାହୁ , ବୁଲୁ ସାହୁ , ପପୁ ସାହୁ ,  ଅମିତ ସାହୁ , ସୁମିତ ସାହୁ ସାଇ ପ୍ରସାଦ ସାହୁ , ମନୋଜ ସାହୁ , ସାଧୁରାମ ସାହୁ ପ୍ରମୁଖ ସହଯୋଗ କରିଥିଲେ । ଏହି ଅବସରରେ ଲୋକପ୍ରିୟ ବିଧାୟକ ସନ୍ତୋଷ ସିଂ ସଲୁଜା , ବିଧାୟକ ପ୍ରତିନିଧି ତଥା ସିନ୍ଧେକେଲା ସମିତି ସଭ୍ୟ ଭୋଳାନାଥ ବେହେରା , କଣ୍ଟାବାଞ୍ଜି ବିଜେପି ପ୍ରାର୍ଥୀ ଲକ୍ଷ୍ମଣ ବାଗ ସହ ବିଭିନ୍ନ ଦଳର ନେତାମାନେ ପହଞ୍ଚି ଭଗବାନଙ୍କ ଦର୍ଶନ ଲାଭ କରିଥିଲେ ।