24-Mar-2024

ବୌଦ୍ଧ(ଜୟାନନ୍ଦ ମିଶ୍ର): ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମଥୁରା ପଂଚାୟତ ବୃନ୍ଦାବନ ଠାରେ ଶନିବାର ସାପ୍ତାହିକ ହାଟର ଶୁଭାରମ୍ଭ ହୋଇଯାଇଛି l ଗାନ୍ଧିଦୂତ ଗଙ୍ଗାଧର ଦନ୍ତାଙ୍କ ଉଦ୍ୟମକ୍ରମେ ଓ ଅରୁଣ ଡାଙ୍ଗ, ଗଙ୍ଗାଧର ମେହେର, ଅଲେଖ ଅଦର, ସଦାଶିବ ପାତ୍ର, ବନ ରଣା ଙ୍କ ସହଯୋଗ କ୍ରମେ ଅପରାହ୍ନ 3 ଘଣ୍ଟା ସମୟରେ ଏହାକୁ ଗାନ୍ଧିଦୂତ ଗଙ୍ଗାଧର ଦନ୍ତା ଶୁଭ ଉଦଘାଟନ କରିଥିଲେ l ଏହି କାର୍ଯ୍ୟକ୍ରମରେ ଅଂଚଳର ଚାଷୀ, ମହିଳା ଗୋଷ୍ଟି, ବ୍ୟବସାୟୀ ମାନେ ଅଂଶ ଗ୍ରହଣ କରିଥିଲେ l ଆସନ୍ତା ଦିନରେ ଏହି ଅଂଚଳ ର ଚାଷୀ ମାନଙ୍କ ଉତ୍ପାଦିତ ଓ ମହିଳା ଗୋଷ୍ଠୀମାନଙ୍କ ପ୍ରକ୍ରିୟାକୃତ ଦ୍ରବ୍ୟର ବିକ୍ରିବଟା ହୋଇପାରିବ ବୋଲି ମାହେଶ୍ୱରୀ ଗୋଶାଳା ଓ ଜରା ଆଶ୍ରମ ର ସମ୍ପାଦକ ତଥା ସାମାଜିକ କର୍ମୀ କୃତ୍ତିବାସ ପଲିଆ କହିଥିଲେ l ଆସନ୍ତା ଦିନରେ ଏଥିରେ ସହଯୋଗ କରିବା ପାଇଁ ପଂଚାୟତ ଓ ଜିଲ୍ଲା ପ୍ରଶାସନ କୁ ଅନୁରୋଧ କରିଥିଲେ l ହାଟ ସ୍ଥାନର ଉନ୍ନତି କରଣ, ପାନୀୟ ଜଳ ବ୍ୟବସ୍ଥା, ଆଲୋକୀକରଣ ବ୍ୟବସ୍ତା କରାଗଲେ ଆସନ୍ତା ଦିନରେ ଏକ ଆଦର୍ଶ ହlଟ ହୋଇପାରିବ ବୋଲି ସର୍ବସାଧାରଣରେ ଆଲୋଚନା ହେଉଛି l