16-Feb-2024

ବୋଡ଼େନ  (ଡୋଲେସ୍ଵର ଵାଗ ) ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ମହୁଲ ପଡା ସେବାଶ୍ରମର ବାର୍ଷିକ ଉତ୍ସବ ଅନୁଷ୍ଠିତ । ଆମେ ଯେଉଁପରି ଗଠନ ଦେବା ତାର ରୂପରଙ୍ଗ ସେହିପରି ଚମକି ଉଠିବ ।ଠିକ୍ ସେଭଳି ବିଦ୍ୟାଳୟରେ ମଧ୍ୟ ଅନେକ ପ୍ରତିଭା ସଂପନ୍ନ ଶିଶୁ ଆସିଥାନ୍ତି। ପ୍ରତ୍ୟେକ ଶିଶୁ ପାଖରେ ଅଜସ୍ର ସୃଜନୀ,କଳା, କୌଶଳ ଭରି ରହିଥାଏ ।ଆମେ ତାହାକୁ ସୁଯୋଗ ଦେଲେ ଶିଶୁର ସାମଗ୍ରିକ ବିକାଶ ହୋଇପାରିବ । ବିଦ୍ୟାଳୟର ବାର୍ଷିକ ଉତ୍ସବ ଠିକ୍ ସେହି ପରି ଶିଶୁଙ୍କ କଳା ସଂସ୍କୃତି କ୍ରୀଡ଼ା କୁ ଆଗେଇ ନେବାପାଇଁ ମିନି ମହୋତ୍ସବ ପରି କାର୍ଯ୍ୟକରେ । ନୂଆପଡା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ମହୁଲପଡା ସେବାଶ୍ରମ ବିଦ୍ୟାଳୟ ଏକ ଅନୁସୂଚୀତ ଜାତି ଓ ଜନଜାତିଙ୍କ ଉନ୍ନୟନ ବିଭାଗ ଦ୍ଵାରା ପରିଚାଳିତ ଏକ ଆବାସିକ ବିଦ୍ୟାଳୟରେ ପ୍ରଧାନ ଶିକ୍ଷକ କମଲ ସିଂହ ମାଝୀଙ୍କ ଅଧ୍ୟକ୍ଷତାରେ ଏକ ବାର୍ଷିକ ଉତ୍ସବ ପାଳିତ ହୋଇଅଛି ।ଏଥିରେ ମୁଖ୍ୟ ଅତିଥି ଜିଲ୍ଲା ଶିକ୍ଷା ନିରୀକ୍ଷକ ଉଦୟ ସିଂ‌ ମାଝୀ, ସମ୍ମାନୀତ ଅତିଥି ପୂର୍ବତନ ଗୋଷ୍ଠୀ ଶିକ୍ଷା ଅଧିକାରୀ ଜଗଦୀଶ ପ୍ରସାଦ ଖମାରୀ, ଜିଲ୍ଲା ଶିକ୍ଷକ ସଂଘ ର ସଭାପତି ଶୁଶୀଳ କୁମାର ପତୀ, ବ୍ଲକ ଶିକ୍ଷକ ସଂଘ ସଭାପତି ଶ୍ୟାମ କୁମାର ଦଣ୍ଡସେନା,ଖଇର ପଦର ପ୍ରଧାନ ଶିକ୍ଷକ ବିପିନ ମାଳି ,ନଙ୍ଗଲବୋର୍ଡ ପ୍ରଧାନ ଶିକ୍ଷକ ଖଗେଶ୍ବର ମାଝୀ ,ଶିକ୍ଷକ ପ୍ରସନ୍ନ ମାଝୀ ,ଉପ୍ରା ବିଦ୍ୟାଳୟ ବରିଷ୍ଠ ଶିକ୍ଷକ ମହାବୀର ଯୋଷୀ, ମୁଖ୍ୟ ବକ୍ତା କନକ ବର୍ଦ୍ଧନ ସାହୁ ମଞ୍ଚାସୀନ ହୋଇଥିଲେ ।

ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ପ୍ରାରମ୍ଭିକ ସଂଗୀତ ଗାନ ହୋଇଥିବା ବେଳେ ସେବିକା ଜୋସ୍ନାମୟୀ ଜଗତ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ । ଶିଶୁର‌ ସର୍ବାଙ୍ଗୀନ ବିକାଶ ପାଇଁ ବିଭିନ୍ନ ଉନ୍ନତି ମୂଳକ ପଦକ୍ଷେପ ତଥା ଶିଶୁ ପ୍ରତିଭାକୁ ପୁଷ୍ପିତ କରିବା ପାଇଁ ବିଦ୍ୟାଳୟର ଅବଦାନ ସଂପର୍କରେ ଅତିଥିମାନେ ନିଜର ବକ୍ତବ୍ୟରେ ପ୍ରଦାନ‌କରି ଶିଶୁ ମାନଙ୍କୁ ଉତ୍ସାହିତ କରିଥିଲେ । ଶେଷରେ ଶିକ୍ଷକ ଡ଼ିସମ୍ବର ମେହେର ଧନ୍ୟବାଦ ଅର୍ପଣ କରିଥିଲେ ଓ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ଛାତ୍ରଛାତ୍ରୀମାନେ ଦର୍ଶକମାନଙ୍କର ମନକୁ ଆକର୍ଷିତ କରିପାରିଥିଲା ।